ପଲସାଗୋରା,୧୭।୫(ଅଶ୍ୱିନୀ ନନ୍ଦ): ବୌଦ୍ଧ ଜିଲା କଣ୍ଟାମାଳ ବ୍ଲକ ଶିମିଳିପଦର ପଞ୍ଚାୟତ ଗବଯୋର ନିକଟ ତେଲ ନଦୀ କୂଳରେ ଶନିବାର ସକାଳ ୭ଟା ସମୟରେ ୮ଫୁଟ୍ ଲମ୍ବ ଏକ ଘଡ଼ିଆଳ କୁମ୍ଭୀର ପହଁରୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଖବର ପାଇ କଣ୍ଟାମାଳ ଦମକଳ ବାହିନୀ ଓ ବନ ବିଭାଗ କର୍ମଚାରୀ ଆସି କୁମ୍ଭୀରର ଗତିବିଧି ଉପରେ ନଜର ରଖିବା ସହିତ ତାକୁ ସୁରକ୍ଷିତ ସ୍ଥାନରେ ଛାଡ଼ିବା ପାଇଁ ଚେଷ୍ଟା କରିଥିଲେ ମଧ୍ୟ ସଫଳ ହୋଇପାରିନାହାନ୍ତି। କୁମ୍ଭୀରକୁ ଦେଖି ବୈଦ୍ୟନାଥ, ଗବଯୋର, ପଥର୍ଲା ଓ ନଦୀ କୂଳିଆ ଲୋକେ ଭୟଭୀତ ହୋଇପଡିଛନ୍ତି। ଏ ସମ୍ପର୍କରେ କଣ୍ଟାମାଳ ବନ ଅଧିକାରୀ ଜୟକୃଷ୍ଣ ପଟ୍ଟନାୟକଙ୍କୁ ପଚାରିବାରୁ କୁମ୍ଭୀରର ଗତିବିଧି ଉପରେ ନଜର ରଖିବା ସହିତ ତାକୁ ସୁରକ୍ଷିତ ସ୍ଥାନରେ ନେଇ ଛଡାଯିବ ବୋଲି କହିଛନ୍ତି ।
