ଗଞ୍ଜାମ, ୧୨।୨(ବିଦ୍ୟାଧର ସାହୁ ): ଭାରତ ବନ୍ଦ ଡାକରା ଗଞ୍ଜାମ ସହରରେ ସଫଳ ହୋଇଥିବା ଜଣାପଡିଛି l ଏହି ଭାରତ ବନ୍ଦର ପ୍ରଭାବ ପଡିଛି ସହରରେ। ସିପିଆଇଏମ ନେତା ତଥା ପୂର୍ବତନ ସରପଞ୍ଚ ଦିଲ୍ଲୀପ କୁମାର ଛୋଟରାଏଙ୍କ ନେତୃତ୍ୱରେ ଶତାଧିକ ବାମପନ୍ଥୀ ନେତା ଓ କର୍ମୀ ଜୟଶ୍ରୀ ଛକରୁ ଏକ ବିରାଟ ଶାନ୍ତି ପୁର୍ଣ୍ଣ ଶୋଭାଯାତ୍ରାରେ ବଜାର ପରିକ୍ରମା କରିଥିଲେ। ବାମପନ୍ଥୀଙ୍କ ଏହି ରାଲି ସମୟରେ ବଜାରର ବିଭିନ୍ନ ବ୍ୟବସାୟୀମାନେ ନିଜେ ନିଜେ ଦୋକାନ ବଜାର ବନ୍ଦ କରୁଥିବା ଦେଖିବାକୁ ମିଳିଥିଲା । ବ୍ଲକର ସମସ୍ତ ଚାରିଟା ଲକ୍ଷ୍ମୀ ବସ୍ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି। ଲକ୍ଷ୍ମୀ ବସ୍ ଚଳାଚଳ ବନ୍ଦଥିବାରୁ ଯାତ୍ରୀମାନେ ନାହିଁ ନଥିବା ଅସୁବିଧାର ସମୁଖୀନ ହୋଇଥିଲେ । ସେହିଭଳି ଗାଡି ବନ୍ଦ ଯୋଗୁ ବିଭିନ୍ନ ଅଞ୍ଚଳରୁ ଆସୁଥିବା ପନିପରିବା ବେପାରୀ ମଧ୍ୟ ମାର୍କେଟକୁ ଆସିନାହାନ୍ତି। ସହର ଖାଁ ଖାଁ । ଏଥିରେ ସିପିଆଇଏମ, ସିଆଇଟିୟୁ, ସିପିଆଇ, ଏଆଇଟିୟୁସି, ଜୟଶ୍ରୀ କେମିକାଲସ ଶ୍ରମିକ ସଂଗଠନ ସାମିଲ ହୋଇଥିଲେ । ବିକ୍ଷୋଭବେଳେ ଶ୍ରମିକ ସଂଗଠନ ନେତା ଦିଲ୍ଲୀପ ଛୋଟରାଏ,ଖଣ୍ଡାଦେଉଳି ସରପଞ୍ଚ ବୈରାଗୀ ବେହେରା,ରାମଚନ୍ଦ୍ର ନାୟକ, ଖଲି ସୱାଇଁ, ଅଜୟ ଗୌଡ଼, ପଦ୍ମଲାଭ ପ୍ରଧାନ,ସୁଜିତ ବେହେରା, କୃଷ୍ଣ ଗୌଡ଼ ଗଙ୍ଗାଧର ରେଡି,ମନୋଜ ସାହୁ, ଧର୍ମରାଜ ସ୍ବାଇଁ, ସତୀଶ ସ୍ବାଇଁ,ସିମାଞ୍ଚଳ ପଲାଇ,ପୁର୍ଣ ପଲାଇ, ପ୍ରତାପ ବିଶ୍ୱlଳ, ସୁଶାନ୍ତ ବାରିକି,ପ୍ରଶାନ୍ତ ଛଟେଇଙ୍କ ସମେତ ବହୁ କର୍ମୀ ଓ ନେତା ଉପସ୍ଥିତ ଥିଲେ। ଗଞ୍ଜାମ ଥାନା ଆଇଆଇସି ସୁମିତ୍ରା ପାତ୍ରଙ୍କ ନେତୃତ୍ୱରେ ବ୍ୟାପକ ପୋଲିସ ବନ୍ଦୋବସ୍ତ ହୋଇଥିଲା।
