ନୂଆଦିଲ୍ଲୀ,୧୭।୧୦ : ପୁଣିଥରେ, କରୋନାର ଓମିକ୍ରନ ଭାରିଆଣ୍ଟର ଏକ ନୂତନ ସବ ଭାରିଆଣ୍ଟ ପୃଥିବୀର ଅନେକ ଦେଶରେ ଆତଙ୍କ ସୃଷ୍ଟି କରିଛି। ଏଭଳି ପରିସ୍ଥିତିରେ ଦେଶରେ ଚାଲିଥିବା କରୋନା ଟିକାକରଣ ଅଭିଯାନକୁ ଜୋରଦାର କରିବା ପାଇଁ ଉଦ୍ୟମ ଆରମ୍ଭ ହୋଇଛି। ସରକାରୀ ତଥ୍ୟ ଅନୁଯାୟୀ ଏପର୍ଯ୍ୟନ୍ତ ୨୦୦ କୋଟିରୁ ଅଧିକ ଡୋଜ ଟିକା ଦିଆଯାଇଛି, ତଥାପି ଏହି ଅଭିଯାନ ଅସମ୍ପୂର୍ଣ୍ଣ ରହିଛି।
୨୦୦ କୋଟି ଡୋଜରେ ପ୍ରଥମ ଏବଂ ଦ୍ୱିତୀୟ ଡୋଜ ନେଉଥିବା ଲୋକଙ୍କ ସଂଖ୍ୟା ତଥା ବୁଷ୍ଟର ଡୋଜ୍ ନେଇଥିବା ବ୍ୟକ୍ତିଙ୍କ ସଂଖ୍ୟା ଅନ୍ତର୍ଭୁକ୍ତ ରହିଛି।
ସରକାରୀ ସୂତ୍ରରୁ ପ୍ରକାଶ ଯେ ତିନି କୋଟି ଟୀକାକରଣର ଷ୍ଟକ ଏବେ ମଧ୍ୟ ସରକାରଙ୍କ ପାଖରେ ଅଛି। ଅଧିକାରୀଙ୍କ ଅନୁଯାୟୀ ଟୀକାକରଣ ଶେଷ ପର୍ଯ୍ୟାୟରେ ପହଞ୍ଚିଛି, କିନ୍ତୁ ଏପର୍ଯ୍ୟନ୍ତ ତାହା ସମ୍ପୂର୍ଣ୍ଣ ହୋଇନାହିଁ। ତିନି କୋଟି ଟିକା ଭଣ୍ଡାରର ଷ୍ଟକ କିଛି ମାସ ପାଇଁ ଯଥେଷ୍ଟ। ବର୍ତ୍ତମାନ ସମୟରେ ଟିକା କିଣିବାର କୌଣସି ଆବଶ୍ୟକତା ନାହିଁ, କିନ୍ତୁ ଅଭିଯାନ ଶେଷ ହୋଇନି। ଏହି ଅଭିଯାନକୁ ସାରା ଦେଶରେ ତ୍ୱରାନୱିତ କରିବାକୁ କେନ୍ଦ୍ର ସରକାର ଉଦ୍ୟମ କରୁଛନ୍ତି। ତେବେ ନୂଆ ଭାରିଆଣ୍ଟ ନେଇ ଚିନ୍ତା ବଢ଼ିବାରେ ଲାଗିଛି।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ବର୍ତ୍ତମାନ ସୁଦ୍ଧା ଦେଶରେ ମୋଟ ୨୧୯.୩୨ କୋଟି ଡୋଜ ଦିଆଯାଇଛି।
ଓମିକ୍ରନ ର ନୂତନ ସବଭାରିଆଣ୍ଟ ବିଏ.୫.୧.୭ ଅଧିକ ସଂକ୍ରାମକ ବୋଲି କୁହାଯାଉଛି।
ସେହିପରି ଏକ୍ସଏକ୍ସବି ଭାରିଆଣ୍ଟ ସିଙ୍ଗାପୁର ବ୍ୟାପିବାରେ ଲାଗିଛି। ଏଭଳି ପରିସ୍ଥିତିରେ ଭାରତରେ ଟିକାକରଣ ଅଭିଯାନକୁ ଆହୁରି ଜୋରଦାର କରିବାକୁ ଚିନ୍ତା କରାଯାଉଛି।
ଚାଇନାର ସାଂଘାଇରେ ଗତ ୧୫ ଦିନ ମଧ୍ୟରେ ପରିସ୍ଥିତି ଏତେ ଖରାପ ହୋଇଯାଇଛି ଯେ ସେଠାରେ କିଛି ଅଂଶରେ ଆଂଶିକ ଲକ ଡାଉନ ମଧ୍ୟ ଘୋଷଣା କରାଯାଇଛି। ସାମ୍ନାକୁ ଆସିଛି। ଚାଇନ ସହିତ କିଛି ୟୁରୋପୀୟ ଦେଶରେ ମଧ୍ୟ ଅବସ୍ଥା ବିଗିଡିବାରେ ଲାଗିଛି।
