କର୍ଲ।ମୁଣ୍ଡା-(ଡିଏନଏ)୧୦/୯: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଗତ ହୋଇ ଗୁପ୍ତ ମତଦାନ ହେବାର ଦୀର୍ଘ ଦିନ ବିତି ଯାଇଥିଲେ ହେଁ ଭୋଟ ଗଣତି ଓ ଫଳାଫଳକୁ ନେଇ ବିଳମ୍ବ ଘଟୁଥୁବାରୁ ସମିତିସଭ୍ୟସଭ୍ୟ ମାନେ ମଙ୍ଗଳବାର ଠାରୁ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ବ୍ଲକ୍ ପରିସରରେ ଧାରଣ।ରେ ବସିଥିବା ଦେଖିବାକୁ ମିଳିଛି । ସୂଚନା ମତେ କର୍ଲାମୁଣ୍ଡା ବ୍ଲକ ଅଧ୍ୟକ୍ଷା ଅମୃତା ସାହୁଙ୍କ ନାମରେ ବ୍ଲକର ସମିତି ସଭ୍ୟ ସଭ୍ୟା ଏବଂ ସରପଂଚ ମାନେ ଅନାସ୍ଥା ପ୍ରସ୍ତାବ ଆଣିଥିଲେ । ଭବାବନୀପାଟଣା ଉପଜିଲ୍ଲାପାଳ ୩୧ ଡିସେମ୍ବର ୨୦୧୯ରେ ସାଧାରଣ ବୈଠକ ଡାକି ଭୋଟ ଗ୍ରହଣ କରିଥିଲେ। ଅଧ୍ୟକ୍ଷା ଉକ୍ତ ଅନାସ୍ଥା ପ୍ରସ୍ତାବ ବିରୋଧରେ ଓଡିଶା ହାଇକୋର୍ଟରେ ଆବେଦନ କରିଥିଲେ । ହାଇକୋର୍ଟ ରିଟ୍ ଶେଷ ନହେବା ପର୍ଯ୍ୟନ୍ତ ଭୋଟ ଗଣତିକୁ ସ୍ଥଗିତ ରଖିବାକୁ ରାୟ ଶୁଣାଇଥିଲେ । ଏହାପରେ ହାଇକୋର୍ଟ୍ ଗତ ମେ ୬ ତାରିଖରେ ଅଧ୍ୟକ୍ଷାଙ୍କ ରିଟ୍ ଖାରଜ କରି ଦୁରନ୍ତ ଭୋଟ ଗଣତି କରିବାକୁ ନିର୍ଦ୍ଦେଶ ଦେଇଥିଲେ । ନିର୍ଦ୍ଦେଶ ପାଇ ଉପଜିଲ୍ଲାପାଳ ଗତ ଅଗଷ୍ଟ ୨୦ ତାରିଖ ଦିନ ପୂନର୍ବାର ବୈଠକ ଡାକିଲେ । କିନ୍ତୁ ବ୍ଲକ ଅଧ୍ୟକ୍ଷା ପୁଣିଥରେ କୋର୍ଟରେ ଅପିଲ କରିବାପରେ ହାଇକୋର୍ଟ ତାଙ୍କ ଅପିଲ୍ କୁ ଗ୍ରହଣ କରି ଅପିଲ୍ ର ଶୁଣାଣି ଶେଷ ନହେବା ଯାଏଁ ଭୋଟ ଗଣତି ଓ ଫଳାଫଳ ଘୋଷଣା କରାଯିବ ନାହିଁ ବୋଲି ନିର୍ଦ୍ଦେଶ ଦେଲେ । ତେବେ ପରିଶେଷରେ ସେହି ଅପିଲ୍ ମଧ୍ୟ ଅଗଷ୍ଟ ୩୧ ତାରିଖ ରେ ହେଲା ଓ ଭୋଟ ଗଣତି କରାଯିବା ନେଇ ପଦକ୍ଷେପ ନେବାକୁ ହାଇକୋର୍ଟ ଆଦେଶ ଦେଇଥିଲେ । ଏଥିରେ ଭୋଟ ଗଣତି ଓ ଫଳାଫଳ ପାଇଁ ବଳମ୍ବ ଘଟୁଥିବା ନେଇ ସମିତି ସଭ୍ୟସଭ୍ୟା ମାନେ ଆଜି ଠାରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବସିବାକୁ ଥିବା ସମିତି ସଭ୍ୟ ଅରବିନ୍ଦ ଚୌଧୁରୀ ପ୍ରକାଶ କରିଛନ୍ତି । ଧାରଣାରେ ବ୍ଲକ୍ ଉପାଧ୍ୟକ୍ଷ। ଆନନ୍ଦିନୀ ଭୋଇ , ରେଗଡା ସମିତି ସଭ୍ୟ ଅରବିନ୍ଦ ଚୌଧୁରୀ , ସରଗୁଲ ମାଲପଡ଼ା ସମିତି ସଭ୍ୟ ଯଶୋବନ୍ତ ସାହୁ , ପୌରକେଲା ସମିତି ସଭ୍ୟ ସିମାଂଚଳ ଭୋଇ , ଯୋରାଡବ୍ରା ସମିତି ସଭ୍ୟ କିଶୋର ନାଗ , ସାପଲରହରା ସମିତି ସଭ୍ୟ ନିରଂଜନ ମାଝୀ,ରାଜପୁର ସମିତି ସଭ୍ୟା ରଂଜିତା ରଣା କର୍ଲ।ମୁଣ୍ଡ। ସମିତି ସଭ୍ୟା ଦୀପା ବାଗ ପ୍ରମୁଖ ନେତୃତ୍ବ ନେଇଥିଲେ ।ତେବେ ଧାରଣା କୁ ଦୁଇ ଦିନ ବିତି ଥିଲେ ମଧ୍ୟ ପ୍ରଶାସନ ପକ୍ଷରୁ ସମାଧାନ ଦିଗରେ କୌଣସି ପଦକ୍ଷେପ ନେଇ ନଥିବା ଜଣା ପଡ଼ିଛି ।
