Posted inଫୁରସତ

ଅର୍ଥନୀତିର ରାହା ନଡ଼ିଆ

କୃଷି ଅର୍ଥନୀତିରେ ପ୍ରମୁଖ ଭୂମିକା ଗ୍ରହଣ କରିଛି ନଡ଼ିଆ। କମ୍‌ ରକ୍ଷଣାବେକ୍ଷଣ ଖର୍ଚ୍ଚ ଏବଂ ଦୀର୍ଘବର୍ଷ ଯାଏ ଉତ୍ପାଦନ କ୍ଷମତା ଥିବାରୁ ଏହି ଗଛର ଆଦର କାହିଁରେ କେତେ। ସାମୁଦ୍ର ତଟବର୍ତ୍ତୀ ଅଞ୍ଚଳରେ ବ୍ୟବସାୟିକ ଭିତ୍ତିରେ କରାଯାଉଥିବା ନଡ଼ିଆ ଚାଷ ବେଶ୍‌ ଲାଭଦାୟକ। ଧର୍ମ, ସଂସ୍କୃତି ଏବଂ ପରମ୍ପରାକୁ ନେଇ ସମୃଦ୍ଧ ଭାରତ ଭଳି ଦେଶରେ ନଡ଼ିଆ ବା ଶ୍ରୀଫଳ ପ୍ରତି ରହିଛି ଅହେତୁକ ଆକର୍ଷଣ। ନଡ଼ିଆ ଚାଷ ଏବଂ ଚାଷୀଙ୍କୁ ପ୍ରୋତ୍ସାହିତ କରିବା, ପୌଷ୍ଟିକ ତତ୍ତ୍ୱରେ ଭରପୂର ଏହି ସୁସ୍ବାଦୁ ଫଳ ବିଷୟରେ ଲୋକଙ୍କୁ ଧାରଣା ଦେବା ଲାଗି ପ୍ରତିବର୍ଷ ସେପ୍ଟେମ୍ବର ୨କୁ ବିଶ୍ୱ ନାରିକେଳ ଦିବସ ବା ଓ୍ବାଲର୍‌ଡ କୋକନଟ ଡେ’ ଭାବେ ପାଳନ କରାଯାଉଛି।

ନୂଆଦିଲ୍ଲୀ: ବିକାଶଶୀଳ ଏବଂ ବିକଶିତ ଦେଶର ଜାତୀୟ ଅଭିବୃଦ୍ଧିରେ ଅର୍ଥକରୀ ଫଳ ନଡ଼ିଆର ଯୋଗଦାନ ଅନେକ। ଏସିଆ ଏବଂ ପ୍ରଶାନ୍ତ ମହାସାଗରୀୟ ଅଞ୍ଚଳରେ ଉତ୍ପାଦିତ ହେଉଥିବା ନଡ଼ିଆ ବିଶ୍ୱର ଅଧିକାଂଶ ଚାହିଦା ମେଣ୍ଟାଇଥାଏ। ଏଥିରୁ ହେଉଥିବା ଆୟ ଅର୍ଥନୀତିକୁ ବଳ ଯୋଗାଏ। ନଡ଼ିଆ ଗଛର ପ୍ରତିଟି ଅଂଶ ଉପକାରରେ ଆସେ। ନଡ଼ିଆ ଗଛରୁ ସମାନ୍ତରାଳ ଭାବେ ପଇଡ଼, ନଡ଼ିଆ, କତା ଉତ୍ପାଦନ ହୁଏ। ତେଣୁ ନଡ଼ିଆ ଚାଷ କରାଯାଉଥିବା ଅଞ୍ଚଳରେ ଆପଣାଛାଏ ଗଢ଼ି ଉଠେ ଅନେକ ଶିଳ୍ପ, ଯାହା ଲକ୍ଷାଧିକ ଲୋକଙ୍କୁ ରୋଜଗାରର ବାଟ ଦେଖାଏ। ଏହାକୁ ନଜରରେ ରଖି ସମୁଦ୍ର ତଟବର୍ତ୍ତୀ ସ୍ଥାନଗୁଡ଼ିକରେ ପ୍ରଚୁର ପରିମାଣର ନଡ଼ିଆ ଚାଷ କରାଯାଉଛି।
ଭାରତୀୟ ଜନମାନସରେ ଧର୍ମୀୟ ବିଶ୍ୱାସ ସହିତ ଜଡ଼ିତ ଫଳ ମଧ୍ୟରେ ଅନ୍ୟତମ ନଡ଼ିଆ। ଦେଶର ଅର୍ଥନୈତିକ ଅଭିବୃଦ୍ଧିରେ ବଡ଼ ଯୋଗଦାନ ରହିଛି ନଡ଼ିଆର। ଏକ ତଥ୍ୟ ଅନୁଯାୟୀ ନଡ଼ିଆ ଉତ୍ପାଦନକାରୀ ଦେଶ ମଧ୍ୟରେ ଭାରତର ସ୍ଥାନ ପୃଥିବୀରେ ତୃତୀୟ। ଭାରତରୁ ବାର୍ଷିକ ହାରାହାରି ୧୨ ମିଲିୟନ ମେଟ୍ରିକ ଟନ୍‌ ନଡ଼ିଆ ଉତ୍ପାଦନ ହୁଏ। ଏହିକ୍ରମରେ ଇଣ୍ଡୋନେସିଆ (୧୯ ମିଲିୟନ ମେଟ୍ରିକ ଟନ୍‌), ଫିଲିପାଇନ୍ସ (୧୪ ମିଲିୟନ ମେଟ୍ରିକ ଟନ୍‌) ସହ ଯଥାକ୍ରମେ ପ୍ରଥମ ଏବଂ ଦ୍ୱିତୀୟ ସ୍ଥାନ ଅଧିକାର କରିଛନ୍ତି। ପୃଥିବୀରେ ହେଉଥିବା ମୋଟ୍‌ ନଡ଼ିଆ ଉତ୍ପାଦନରୁ ଏହି ତିନିଦେଶର ଯୋଗଦାନ ୭୨%। ସେହିପରି ଶ୍ରୀଲଙ୍କା, ପପୁଆ ନିଉଗିନି, ମେକ୍ସିକୋ, ବ୍ରାଜିଲ, ଭିଏତନାମ, ଥାଇଲାଣ୍ଡରୁ ମୋଟ୍‌ ୧୬% ନଡ଼ିଆ ଉତ୍ପାଦନ ହୋଇଥାଏ। ୨୦୧୮ର ଏକ ତଥ୍ୟ ଅନୁଯାୟୀ, ପପୁଆ ନିଉଗିନିବାସୀ ବେଶି ନଡ଼ିଆପ୍ରିୟ। ଏଠାରେ ଜଣେ ବ୍ୟକ୍ତି ବାର୍ଷିକ ହାରାହାରି ୧୪୦ କେଜି ଯାଏ ନଡ଼ିଆ ଖାଇଥାନ୍ତି। ଏହା ପଛକୁ ଫିଲିପାଇନ୍ସ ୧୩୧ କେଜି ଏବଂ ଶ୍ରୀଲଙ୍କା ୧୨୪ କେଜି ସହ ଯଥାକ୍ରମେ ଦ୍ୱିତୀୟ ଏବଂ ତୃତୀୟ ସ୍ଥାନରେ ରହିଛନ୍ତି।
ନଡ଼ିଆ ଉତ୍ପାଦନ, ପ୍ରକ୍ରିୟାକରଣ, ବିପଣନ, ମୂଲ୍ୟ ନିର୍ଦ୍ଧାରଣ, ଚାଷୀଙ୍କୁ ଉତ୍ସାହିତ କରିବା ଲାଗି ଭାରତରେ କୋକନଟ ଡେଭଲପମେଣ୍ଟ ବୋର୍ଡ (ସିଡିବି) ଗଠନ କରାଯାଇଛି। ଏକ ତଥ୍ୟ ଅନୁଯାୟୀ, ନଡ଼ିଆ ଉତ୍ପାଦନରେ ଭାରତ ଏକ ଅଗ୍ରଣୀ ଦେଶ। ଦେଶର ମୋଟ୍‌ ୨୦.୮୨ ଲକ୍ଷ ହେକ୍ଟର ଜମିରେ ନଡ଼ିଆ ଚାଷ କରାଯାଉଛି। ଗୋଟିଏ ହେକ୍ଟରରୁ ହାରାହାରି ୧୧,୫୦୫ଟି ନଡ଼ିଆ ମିଳିଥାଏ। ଜିଡିପିକୁ ନଡ଼ିଆର ଯୋଗଦାନ ୨୭,୯୦୦ କୋଟି ଟଙ୍କା।
ଦେଶର କେରଳ, କର୍ନାଟକ, ଆନ୍ଧ୍ରପ୍ରଦେଶ ତାମିଲନାଡୁ, ଗୋଆ, ମହାରାଷ୍ଟ୍ର, ଓଡ଼ିଶା, ପଶ୍ଚିମବଙ୍ଗ, ପୁଡୁଚେରି, ଗୁଜରାଟ, ଲାକ୍ଷାଦୀପ, ଆଣ୍ଡାମାନରେ ପ୍ରଚୁର ନଡ଼ିଆ ଉତ୍ପାଦନ କରାଯାଏ। ତେବେ କେବଳ ଦକ୍ଷିଣ ଭାରତରୁ ହାରାହାରି ୯୨% ନଡ଼ିଆ ଉତ୍ପାଦିତ ହୋଇଥାଏ। ନଡ଼ିଆ ଉତ୍ପାଦନରେ ଦେଶରେ ପ୍ରଥମ ସ୍ଥାନରେ ରହିଛି କେରଳ। ଏଠାରୁ ଉତ୍ପାଦିତ ହେଉଥିବା ନଡ଼ିଆ ଜାତୀୟ ଉତ୍ପାଦନର ୪୫%। କେରଳରେ ୭.୭୦ଲକ୍ଷ ହେକ୍ଟର ଜମିରେ ନଡ଼ିଆ ଚାଷ କରାଯାଏ। କେରଳରେ ନଡ଼ିଆ ‘କଳ୍ପ ଭ୍ରିକାଶମ’ ନାମରେ ପରିଚିତ, ଯାହାର ଅର୍ଥ ଗଛର ସବୁ ଅଂଶ ଉପଯୋଗୀ। କେବଳ ଆର୍ଥିକ ନୁହେଁ, ସାମାଜିକ ଏବଂ ସାଂସ୍କୃତିକ ଦୃଷ୍ଟିକୋଣରୁ ମଧ୍ୟ କେରଳରେ ନଡ଼ିଆ ଚାଷ ବେଶ୍‌ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଛି। ନଡ଼ିଆ ଚାଷରେ ମାନବ ସମ୍ବଳର ଉପଯୋଗିତା ହେଉ ବା ନଡ଼ିଆକୁ ନେଇ ଶିଳ୍ପ ପ୍ରତିଷ୍ଠା ସବୁକ୍ଷେତ୍ରରେ କେରଳ ଅଗ୍ରଣୀ ରାଜ୍ୟ ପାଲଟିଛି। ନଡ଼ିଆରୁ ଉତ୍ପାଦିତ ତେଲକୁ ଏଠାକାର ପାରମ୍ପରିକ ଖାଦ୍ୟରେ ବ୍ୟବହାର କରାଯାଏ। ସେହିପରି ପ୍ରକ୍ରିୟାକରଣ ପରେ ବିଭିନ୍ନ ସୁସ୍ବାଦୁ ଖାଦ୍ୟ ପ୍ରସ୍ତୁତ କରି ରାଜ୍ୟ ତଥା ରାଜ୍ୟ ବାହାରକୁ ରତ୍ପାନି କରାଯାଏ। ତେବେ ବାତ୍ୟାପ୍ରବଣ ବଙ୍ଗୋପସାଗର ନଡ଼ିଆ ଚାଷର ଶତ୍ରୁ ପାଲଟିଛି। ପ୍ରତିବର୍ଷ ପୂର୍ବ ଉପକୂଳରେ ପିଟି ହେଉଥିବା ସାମୁଦ୍ରିକ ଝଡ଼ରେ ଲକ୍ଷାଧିକ ଗଛ କ୍ଷତିଗ୍ରସ୍ତ ହେଉଛି, ଯାହା ନାରିକେଳ ଉତ୍ପାଦନକୁ ଭୟଙ୍କର କ୍ଷତି ପହଞ୍ଚାଉଛି।
ଓଡ଼ିଶା କଥା ବିଚାରକୁ ନେଲେ ଏଠାକାର ସାମୁଦ୍ରିକ ଜଳବାୟୁ ନଡ଼ିଆ ଚାଷ ପାଇଁ ବେଶ୍‌ ଉପଯୋଗୀ ସାବ୍ୟସ୍ତ ହୋଇଛି। ରାଜ୍ୟରେ ୫ ଲକ୍ଷ ହେକ୍ଟର ଜମିରେ ନଡ଼ିଆ ଚାଷ ହେଉଛି। ରାଜ୍ୟରୁ ବାର୍ଷିକ ୪୦୦ ମିଲିୟନରୁ ଊର୍ଦ୍ଧ୍ୱ ନଡ଼ିଆ ଉତ୍ପାଦନ ହେଉଛି। ଦେଶରେ ନାରିକେଳ ଉତ୍ପାଦନରେ ଓଡ଼ିଶାର ସ୍ଥାନ ୫ମ। ତେବେ ଫନୀ, ହୁଡ୍‌ହୁଡ୍‌, ଫାଇଲିନ୍‌ରେ ଉପକୂଳବର୍ତ୍ତୀ ଜିଲାର ନଡ଼ିଆ ଚାଷ ବ୍ୟାପକ ମାତ୍ରାରେ କ୍ଷତିଗ୍ରସ୍ତ ହୋଇଛି। ଫଳରେ ଗତ କିଛିବର୍ଷ ମଧ୍ୟରେ ଉତ୍ପାଦନ ହ୍ରାସ ପାଇଛି।


Enter your email to get our daily news in your inbox.

All Right Reserved By Dharitri.Com

ନା ଧନ, ନା ସମ୍ପତ୍ତି… ଏହି ଗୋଟିଏ କାରଣ ପାଇଁ ୭୧ ବର୍ଷୀୟ ବୃଦ୍ଧଙ୍କ ପ୍ରେମରେ ଯୁବତୀ

କଥାରେ ଅଛି ପ୍ରେମ ମାନେନା ବୟସ। ସେଭଳି କିଛି ଘଟିଛି ୨୫ ବର୍ଷୀୟ ଡାନିଏଲ ରିଫ୍‌ ଏବଂ ୭୧ ବର୍ଷୀୟ ରିକି ମାଷ୍ଟର ହାଓ୍ବାର୍ଡ ରିଫ୍‌ଙ୍କ...

ପ୍ରଥମ ରୋଜଗାରରେ ମମି, ଡାଡିଙ୍କ ପାଇଁ ନୂଆ ଲୁଗା କିଣିଥିଲି: ଚକ୍ଷୁରୋଗ ବିଶେଷଜ୍ଞ ଡା. ତରୁଣ କୁମାର ପଣ୍ଡା

ଚକ୍ଷୁରୋଗ ବିଶେଷଜ୍ଞ ତଥା ସାମାଜିକ କର୍ମୀ ଡା. ତରୁଣ କୁମାର ପଣ୍ଡା ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି… ବ୍ରହ୍ମପୁର ଟାଉନ୍‌ରେ ମୋ ଜନ୍ମ।...

ଏହି ମନ୍ଦିରରେ ଓଲଟା ସ୍ବସ୍ତିକ ତିଆରି କଲେ ମାନସିକ ହୁଏ ପୂରଣ…

ଭାରତରେ ଅନେକ ସ୍ଥାନରେ ଗଣେଶ ମନ୍ଦିର ରହିଛି। ଏସବୁ ମନ୍ଦିରରେ ସାଧାରଣତଃ ଗଣେଶଙ୍କ ପଥର ଅବା ଧାତୁ ନିର୍ମିତ ମୂର୍ତ୍ତି ପୂଜା ପାହାନ୍ତିି । ତେବେ...

ମାଛ ବିବିଧା: କିଛି ବିରଳ ଆଉ ଦୁର୍ମୂଲ୍ୟ ମାଛ

ଜଳଭାଗ ହେଉ କି ସ୍ଥଳଭାଗ – ସବୁଠି ରହିଛି ବିବିଧ ସମ୍ପଦର ଗନ୍ତାଘର। ଯେତେବେଳେ ଜଳଭାଗ କଥା ଉଠେ, ସେତେବେଳେ ବହୁବିଧ ଜଳଜୀବଙ୍କ ଦୃଶ୍ୟ ଆଖି...

ସୁନା ମଣିଷ: ପ୍ରତିଦିନ ପିନ୍ଧନ୍ତି ୫ କି.ଗ୍ରା.ରୁ ଅଧିକ ସୁନା

ପ୍ରତିଦିନ ସେ ପିନ୍ଧନ୍ତି ୫ କି.ଗ୍ରା.ରୁ ଅଧିକ ଓଜନର ସୁନା। ବେକରେ ମୋଟା ମୋଟା ସୁନାର ଚେନ୍‌, ହାତରେ ସୁନାର କଙ୍କଣ ସହ ୧୦ ଆଙ୍ଗୁଳିରେ...

୫୭୦୦ ଲକ୍ଷ ବର୍ଷ ପୁରାତନ ପ୍ରାଣୀ ଜୀବାଶ୍ମର ମିଳିଲା ସନ୍ଧାନ

ଭୋପାଳ,୧୦।୨: ମଧ୍ୟପ୍ରଦେଶର ଭୋପାଳ ଠାରୁ ୪୦ କିଲୋମିଟରର ଦୂରରେ ଥିବା ୟୁନେସ୍କୋ ଦ୍ୱାରା ସଂରକ୍ଷିତ ଅଞ୍ଚଳ ଭାବେ ଘୋଷଣା କରାଯାଇ ଥିବା ଭୀମ୍‌ବେଟ୍‌କାରେ ୫୭୦୦ ଲକ୍ଷ...

ହଳଦିଆ ଜିଭ, ପେଟରେ ଦରଜ ପରି ଲକ୍ଷଣ ଦେଖି ଚିନ୍ତାରେ ପଡ଼ିଲେ ଡାକ୍ତର; ପରେ ଜାଣିଲେ…

ଜଣେ ୧୨ ବର୍ଷର ବାଳକଙ୍କ ହଳଦିଆ ଜିଭ ଦେଖି ଡାକ୍ତର ଆଶ୍ଚର୍ଯ୍ୟ ହୋଇଯାଇଛନ୍ତି। ଏତଦ୍‌ବ୍ୟତୀତ ବାଳକର ଶରୀରରେ କେତେକ ଗମ୍ଭୀର ଲକ୍ଷଣ ପ୍ରକାଶ ପାଇଥିଲା। ପରେ...

ଏକ କେଜି ଆମ୍ବର ମୂଲ୍ୟ ୩ ଲକ୍ଷରୁ ଊର୍ଦ୍ଧ୍ୱ

ଆମ୍ବ ଖାଇବାକୁ ପ୍ରାୟ ସମସ୍ତେ ଭଲ ପାଆନ୍ତି। ବର୍ତ୍ତମାନ ଏହା ସବୁ ଋତୁରେ ସହଜରେ ବଜାରରେ ମିଳିଯାଉଛି। ଆଜି ଆପଣଙ୍କୁ ଆମେ ଏପରି ଏକ ଆମ୍ବ...

Advertisement
Archives

Model This Week