ସାପମାନେ ବହୁତ ବିପଜ୍ଜନକ ପ୍ରାଣୀ। ବଡ଼ ହେଉ କି ଛୋଟ ସାପ, ସେ ସବୁବେଳେ ଭୟଙ୍କର। ସେମାନଙ୍କଠାରୁ ରକ୍ଷା ପାଇବା କାଠିକର ପାଠ। ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେଉଛି। ଯାହା ଦେଖିଲେ ଲୋମ ଟାଙ୍କୁରି ଉଠିବ। ଭିଡିଓରେ ସାପ ଏବଂ କୁକୁଡ଼ା ମଧ୍ୟରେ ଜୋରଦାର ଲଢ଼େଇ ହେଉଛି। ଯାହା ଖୁବ୍ ଭାଇରାଲ ହେବାରେ ଲାଗିଛି। ଭିଡିଓରେ, ଦେଖିବେ କିପରି ଏକ କୁକୁଡ଼ା ନିଜକୁ ଭୟଙ୍କର ସାପଠାରୁ ରକ୍ଷା କରିବା ପାଇଁ ସମସ୍ତ କଳବଳ କୌଶଳ ପ୍ରୟୋଗ କରୁଛି।
କୁକୁଡ଼ାଟି ଅଣ୍ଡା ଉପରେ ବସିଛି, ସେତିକିବେଳେ ଏକ କଳା ସାପ ତା’ ନିକଟରେ ପହଞ୍ଚୁଛି। ଅଣ୍ଡାକୁ ଜଗି ବସିଥିବା କୁକୁଡ଼ା ଉପରେ ସାପଟି ଆକ୍ରମଣ କରୁଛି। ଏହା ପରେ କୁକୁଡ଼ା ବି ସାପକୁ ପ୍ରତି ଆକ୍ରମଣ କରୁଛି। ସାପଟି ସେଠାରୁ ନ ଯିବା ଯାଏ କୁକୁଡ଼ା ତାକୁ ଥଣ୍ଟରେ ଖୁମ୍ପା ମାରୁଛି। ଶେଷରେ ସାପଟି ସ୍ଥାନ ଛାଡ଼ି ଚାଲିଯାଇଛି।
ଭିଡିଓଟି ଇନ୍ଷ୍ଟାଗ୍ରାମରେ ଶେୟାର କରାଯାଇଛି। ଭିଡିଓ ଦେଖିବା ପରେ ଲୋକମାନେ କୁକୁଡ଼ାର ସାହସିକତାକୁ ପ୍ରଶଂସା କରୁଛନ୍ତି। ଏଥିସହିତ କୁକୁଡ଼ା ଅଣ୍ଡାର ସୁରକ୍ଷା ପାଇଁ ପ୍ରଶଂସା କରୁଛନ୍ତି। ଯଦିଓ ଏହା ଦେଖି କିଛି ଲୋକ ଆଶ୍ଚର୍ଯ୍ୟ ହୋଇଯାଇଥିଲେ, ସେମାନେ କହିଛନ୍ତି, ସାପଟି ସେଠାରୁ ଦୂରେଇ ନ ଯିବା ପର୍ଯ୍ୟନ୍ତ କୁକୁଡ଼ା ବିଷାକ୍ତ ସାପ ଆଗରେ ଯୁଦ୍ଧ ଜାରି ରଖିଥିଲା। ଜଣେ ୟୁଜର କହିଛନ୍ତି, ‘ଆମେ କେବେ କଳ୍ପନା କରି ନ ଥିଲୁ, ସାପ ଏବଂ କୁକୁଡ଼ା ମଧ୍ୟରେ ଏମିତି ଲଢ଼େଇ ହୋଇପାରେ।’ ତେଣୁ ଆପଣ ଜାଣିଥିବେ ମା’ ନିଜର ପିଲାମାନଙ୍କୁ ସୁରକ୍ଷା ଦେବା ପାଇଁ କାହାକୁ ବି ଭୟ କରନ୍ତି ନାହିଁ। ଜୀବନ ଥିବା ଯାଏ ମା’ଟିଏ ତା’ର ସନ୍ତାନ ପାଇଁ ଲଢ଼ିବାକୁ ପ୍ରସ୍ତୁତ ଥାଏ। ଯାହା ଏହି ଭିଡିଓରେ ଦେଖିବାକୁ ମିଳିଛି।
