ମହାମାରୀ କରୋନା ଯୋଗୁ କମ୍ପାନୀମାନେ କର୍ମଚାରୀଙ୍କୁ ‘ଓ୍ବାର୍କ ଫ୍ରମ୍ ହୋମ୍’ର ସୁବିଧା ପ୍ରଦାନ କରିଛନ୍ତି। ଫଳରେ କର୍ମଚାରୀମାନେ ଘରେ ରହି କାମ କରୁଛନ୍ତି। ଜୁମ୍ ଆପ୍ରେ ବିଭିନ୍ନ ବୈଠକ କରାଯାଇପାରୁଥିବାରୁ କର୍ମଚାରୀମାନେ ଏଥିରେ ଯୋଗ ଦେଉଛନ୍ତି। ହେଲେ ବିଗତ ଦିନରେ ମିଟିଂ ସମୟର କିଛି ଚକିତ କରିଦେବା ଭଳି ଘଟଣା ସାମ୍ନାକୁ ଆସିଛି। ଏହି କ୍ରମରେ ଏବେ ଏକ ଭିଡିଓ ଭାଇରାଲ ହେଉଛି। ଭିଡିଓରେ ନୀଳ ରଙ୍ଗର ସୁଟ୍ ପିନ୍ଧିଥିବା ଜଣେ ବ୍ୟକ୍ତି ନିଜ ସହଯୋଗୀମାନଙ୍କୁ କ୍ଷମା ମାଗୁଥିବା ଦେଖାଯାଇଛି। କାରଣ ମିଟିଂ ସମୟରେ ତାଙ୍କର ଶିଶୁ ସେ ବସିଥିବା କୋଠରୀକୁ ଚାଲି ଆସୁଛନ୍ତି। ଏପରିକି ପଛରେ ନାଚିବାକୁ ଲାଗୁଛନ୍ତି। ଏହା ଜାଣି ଉକ୍ତ ବ୍ୟକ୍ତି ଶିଶୁକୁ ବାହାର କରିଛନ୍ତି। ହେଲେ କିଛି ସେକେଣ୍ଡ ପରେ ସେ ପୂର୍ବଭଳି ନାଚିବାରେ ଲାଗିଛନ୍ତି। ପରେ ବ୍ୟକ୍ତିଜଣଙ୍କ ଶିଶୁଟିକୁ ବାହାର କରିବା ଲାଗି କବାଟ ବନ୍ଦ କରି ଆସୁଛନ୍ତି ବୋଲି କହୁଛନ୍ତି। ଚେୟାରରୁ ଉଠି ଚାଲିବା ପରେ ସେ ଶଟ୍ସ ପିନ୍ଧି ଆସିଥିବା ଦେଖିବାକୁ ମିଳିଛି। ଭଲ ଶଟ୍ସ ବୋଲି ପୁରୁଷ ସହକର୍ମୀ କହୁଥିବା ଶୁଣାଯାଉଛି। ଶେଷରେ ବ୍ୟକ୍ତିଜଣଙ୍କ ସମସ୍ତଙ୍କୁ କ୍ଷମା ମାଗିଛନ୍ତି। ହେଲେ ଉକ୍ତ ସହଯୋଗୀ ସିଟ୍ରୁ ଉଠିବା ପରେ ନୀଳ ରଙ୍ଗର ଶଟ୍ସ ପିନ୍ଧିଥିବା ଦେଖିବାକୁ ମିଳିଛି। ଏହାକୁ ଦେଖି ସମସ୍ତେ ହସ ରୋକିପାରି ନଥିଲେ। ଶେଷରେ ସେମାନେ ହସି ହସି ଗଡ଼ିଯାଇଛନ୍ତି।
ଭିଡିଓଟି ଦେଖନ୍ତୁ:
