ନୂଆଦିଲ୍ଲୀ,୧୬ ।୧୦: ଦିଲ୍ଲୀ ଅବକାରୀ ନୀତିରେ ହୋଇଥିବା କଥିତ ଘୋଟାଲା ମାମଲାରେ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ସମନ ଜାରି କରାଯିବା ପରେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ । କେଜରିୱାଲ କହିଛନ୍ତି ମନୀଷ ସିସୋଡିଆ ଓ ସତ୍ୟେନ୍ଦ୍ର ଜୈନ ବର୍ତ୍ତମାନ ସମୟର ଭଗତ ସିଂ ।
କେଜରିୱାଲ କହିଛନ୍ତି ଜେଲର ବନ୍ଦ କୋଠରୀ ଓ ଫାଶୀର ଫନ୍ଦା ଭଗତ ସିଂଙ୍କ ଉଚ୍ଚକୋଟିର ଉଦ୍ଦେଶ୍ୟକୁ ରୋକି ପାରି ନ ଥିଲା । ସ୍ୱାଧିନତା ପାଇଁ ଏହା ହେଉଛି ଦ୍ୱିତୀୟ ଲଢେଇ । ମନୀଷ ସିସୋଡିଆ ଓ ସତ୍ୟେନ୍ଦ୍ର ଜୈନ ହେଉଛନ୍ତି ବର୍ତ୍ତମାନର ଭଗତ ସିଂ । ୭୫ ବର୍ଷ ପରେ ଦେଶ ଜଣେ ଶିକ୍ଷାମନ୍ତ୍ରୀଙ୍କୁ ପାଇଥିଲା, ଯିଏ ଗରିବଙ୍କୁ ଭଲ ଶିକ୍ଷା ଦେଇ ଉଜ୍ୱଳ ଭବିଷ୍ୟତର ଆଶା ରଖିଥିଲେ । କୋଟି କୋଟି ଗରିବଙ୍କ ପ୍ରାର୍ଥନା ଆପଣଙ୍କ ସହ ରହିଛି ।
