ନୂଆଦିଲ୍ଲୀ,୨୦ା୭ (ପି.ଟି.): ଏନ୍ଇଇଟି ପ୍ରଶ୍ନପତ୍ର ଲିକ୍ ଘଟଣାରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିରେ ଯନ୍ତରମନ୍ତରଠାରେ ସିଜେପି ପକ୍ଷରୁ ଧାରଣା ଜାରି ରହିଛି। ଏହି ଅବସରରେ ସିଜେପି ପ୍ରତିଷ୍ଠାତା ଅଭିଜିତ୍ ଦୀପ୍କେ ସୋମବାର ଯନ୍ତରମନ୍ତରରୁ ପାର୍ଲାମେଣ୍ଟ ପଦଯାତ୍ରା ବା ‘ସଂସଦ ଚଲୋ’କରିବାକୁ ଘୋଷଣା କରିଛନ୍ତି। ସିଜେପି ସମର୍ଥକମାନେ ଏହି ପଦଯାତ୍ରାରେ ସାମିଲ ହୋଇ କେନ୍ଦ୍ର ନିକଟରେ ଚାପ ପକାଇବାକୁ କୁହାଯାଇଛି। ହେଲେ ସିଜେପିର ଏହି ପଦଯାତ୍ରାକୁ ଦିଲ୍ଲୀ ପୋଲିସ ପକ୍ଷରୁ ଅନୁମତି ମିଳିନାହିଁ। ଏହାକୁ ବେଆଇନ ଦର୍ଶାଇବା ସହ ପାର୍ଲାମେଣ୍ଟ ଆଡ଼କୁ ପଦଯାତ୍ରାରେ ଯିଏ ଆସିବେ, ସେମାନଙ୍କୁ ଅଟକ କିମ୍ବା ଗିରଫ କରାଯିବ ବୋଲି ପୋଲିସ କହିଛି। ସୁରକ୍ଷା ଦୃଷ୍ଟିରୁ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି। ଆମରଣ ଅନଶନରେ ବସିଥିବା ସୋନମ୍ ଓ୍ବାଙ୍ଗ୍ଚୁକ୍ଙ୍କୁ ଏବେ ହସ୍ପିଟାଲ୍ରେ ଭର୍ତ୍ତି କରାଯାଇଥିବାବେଳେ ଦୀପ୍କେ ତାଙ୍କର ସମର୍ଥକଙ୍କୁ ଯନ୍ତରମନ୍ତରଠାରେ ଏକାଠି ହେବାକୁ ନିବେଦନ କରିଛନ୍ତି।
