ନୂଆଦିଲ୍ଲୀ,୨୭।୮: ଦିଲ୍ଲୀର ଯନ୍ତର-ମନ୍ତରଠାରେ ହୋଇଥିବା ଛାତ୍ର ଆନ୍ଦୋଳନ ପରେ କକରୋଚ ଜନତା ପାର୍ଟି (CJP) ସାରା ଦେଶରେ ଚର୍ଚ୍ଚାରେ ଅଛି। CJP ପକ୍ଷରୁ ଆଉ ଥରେ ସେପ୍ଟେମ୍ୱର ୫ ତାରିଖରେ ଦିଲ୍ଲୀରେ ଶାନ୍ତିପୂର୍ଣ୍ଣ ବିରୋଧ ମାର୍ଚ୍ଚର ଆହୱାନ କରାଯାଇଛି। ଏହି ସମୟରେ ଏକ ସର୍ଭେ କରାଯାଇଥିଲା, ଯେଉଁଥିରେ ଲୋକଙ୍କୁ ପଚରାଯାଇଥିଲା ଯେ ଯଦି ସିଜେପି ନିର୍ୱାଚନ ଲଢ଼ିବ, ତେବେ ସେମାନେ ଭୋଟ ଦେବେ କି? ଏହାକୁ ନେଇ ଲୋକମାନେ ଆଶ୍ଚର୍ଯ୍ୟଜନକ ଉତ୍ତର ଦେଇଛନ୍ତି। ଯଦିଓ ସିଜେପି ଅନେକ ଥର କହିସାରିଛି ଯେ ସେ ର୍ନିବାଚନ ଲଢ଼ିବ ନାହିଁ। ଅଭିଜିତ ଦୀପକେ ପୂର୍ୱରୁ ହିଁ ଏହା ସ୍ପଷ୍ଟ କରିଥିଲେ ଯେ CJP ନିଜକୁ ଏକ ରାଜନୈତିକ ଦଳ ଭାବରେ ପଞ୍ଜୀକୃତ (Register) କରିବ ନାହିଁ।
C-Voter ଯୁବକମାନଙ୍କ ପାଇଁ ର୍ନିବାଚନୀ ମୁଦ୍ଦା ସହିତ ଅନେକ ବିଷୟ ଉପରେ ସର୍ଭେ କରିଥିଲା। ଏଥିରେ ଲୋକଙ୍କୁ ପଚରାଯାଇଥିଲା ଯେ ସିଜେପି ର୍ନିବାଚନ ଲଢ଼ିଲେ ଭୋଟ ଦେବେ କି? ଏହା ଉପରେ ୪୩ ପ୍ରତିଶତ ଲୋକ ’ନା’ କହିଥିଲେ। ସେହିପରି ୩୩ ପ୍ରତିଶତ ଲୋକ କହିଥିଲେ ଯେ ସେମାନେ ସିଜେପିକୁ ଭୋଟ ଦେବେ। ଅର୍ଥାତ ଅଧିକାଂଶ ଲୋକ ଚାହାଁନ୍ତି ଯେ ସିଜେପି ର୍ନିବାଚନ ନ ଲଢ଼ୁ। ସିଜେପି ଏକ ଚାପ ଗୋଷ୍ଠୀ (Pressure group) ହୋଇ ରହିବା ଉଚିତ କି? ଏହା ଉପରେ ୩୯ ପ୍ରତିଶତ ଲୋକ କହିଛନ୍ତି ଯେ CJP କେବଳ ଚାପ ଗୋଷ୍ଠୀ ହୋଇ ରହିବା ଉଚିତ। ସେହିପରି ୨୬ ପ୍ରତିଶତ ଲୋକଙ୍କର ମାନିବା କଥା ଯେ ଏହା ର୍ନିବାଚନ ଲଢ଼ିବା ଉଚିତ।
ସର୍ଭେରେ ଲୋକଙ୍କୁ ପଚରାଯାଇଥିଲା ଯେ ବର୍ତ୍ତମାନ ସମୟରେ ଭାରତର ସବୁଠାରୁ ବଡ଼ ସମସ୍ୟା କ’ଣ? ଏହା ଉପରେ ୨୨.୭ ପ୍ରତିଶତ ଲୋକ ବେକାରୀ, ୧୮.୧ ପ୍ରତିଶତ ମହଙ୍ଗା ମାଡ଼ ଏବଂ ୭.୩ ପ୍ରତିଶତ ଲୋକ କୃଷକ ସଙ୍କଟକୁ ସବୁଠାରୁ ବଡ଼ ସମସ୍ୟା ବୋଲି କହିଥିଲେ। Gen-Z (ନୂଆ ପିଢ଼ିର ଯୁବକ) ମାନଙ୍କୁ ପ୍ରଶ୍ନ କରାଯାଇଥିଲା ଯେ ଆପଣଙ୍କ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ମୁଦ୍ଦା କ’ଣ? ଏହା ଉପରେ ୫୩ ପ୍ରତିଶତ ଚାକିରି, ୨୨ ପ୍ରତିଶତ ଶିକ୍ଷା, ୧୨ ପ୍ରତିଶତ ରହିବା-ଖାଇବାର ଖର୍ଚ୍ଚ ଏବଂ ୪ ପ୍ରତିଶତ ମାନସିକ ସୱାସ୍ଥ୍ୟ ବୋଲି କହିଥିଲେ।
ଯୁବକମାନଙ୍କୁ ପଚରାଯାଇଥିଲା ଯେ ଯୁବବର୍ଗଙ୍କୁ ରୋଜଗାରକ୍ଷମ କରିବାର ଦାୟିତ୍ୱ କାହାର? ଏହାର ଉତ୍ତରରେ ୬୩ ପ୍ରତିଶତ ଲୋକ କେନ୍ଦ୍ର-ରାଜ୍ୟ, ୧୪ ପ୍ରତିଶତ ସ୍କୁଲ-କଲେଜ, ୯ ପ୍ରତିଶତ ଘରୋଇ ନିଯୁକ୍ତିଦାତା (Private employers) ଏବଂ ୫ ପ୍ରତିଶତ ସାଧାରଣ ଲୋକ ବୋଲି କହିଥିଲେ। ରୋଜଗାରକୁ ନେଇ ଯୁବକମାନେ କେଉଁ ବଡ଼ ସମସ୍ୟାର ସାମ୍ନା କରୁଛନ୍ତି, ଏହି ସର୍ଭେରେ ୩୨ ପ୍ରତିଶତ ଲୋକ ପର୍ଯ୍ୟାପ୍ତ ଚାକିରିର ଅଭାବକୁ ଦାୟୀ କରିଥିବା ବେଳେ ୧୮ ପ୍ରତିଶତ ଲୋକ କମ ଦରମା ମିଳିବାକୁ ଦାୟୀ କରିଥିଲେ। ୧୭ ପ୍ରତିଶତ ଲୋକଙ୍କ ମାନିବା କଥା ଯେ ଡିଗ୍ରୀ ଅନୁଯାୟୀ ଚାକିରି ନାହିଁ। ସେହିପରି ଅନ୍ୟ ୧୭ ପ୍ରତିଶତଙ୍କର ମାନିବା କଥା ଯେ ସରକାରଙ୍କ ନିଯୁକ୍ତି ପ୍ରକ୍ରିୟା ବହୁତ ଧୀର।
