ବେଜିଂ,୨୭ ।୧୧: ଚାଇନା ଚଳିତ ସପ୍ତାହ ଆରମ୍ଭରେ ଭାରତକୁ ବାଦ ଦେଇ ଦକ୍ଷିଣ ଏସିଆର ସମସ୍ତ ଦେଶ ସହିତ ହିନ୍ଦ ମହାସାଗର କ୍ଷେତ୍ରରେ ୧୯ ଦେଶଙ୍କ ସହ ବୈଠକ କରିଛି । ବିଶେଷ ସୂତ୍ରର ସୂଚନା ଅନୁଯାୟୀ, ଏହି ବୈଠକକୁ ଭାରତକୁ ନିମନ୍ତ୍ରଣ କରାଯାଇ ନ ଥିଲା । ଏହି ବୈଠକ ରଣନିତିକ ସମୁଦ୍ର କ୍ଷେତ୍ର ଓ ପ୍ରମୁଖ ସମୁଦ୍ର ବ୍ୟାପାର ମାର୍ଗରେ ବେଜିଂର ବଢୁଥିବା ପ୍ରଭାବର ତାଜା ସଙ୍କେତ ବୋଲି କୁହାଯାଉଛି । ଚାଇନର ବୈଦେଶିକ ମନ୍ତ୍ରଣାଳୟ ସହ ଜଡିତ ସଙ୍ଗଠନ ଚାଇନା ଅନ୍ତରାଷ୍ଟ୍ରୀୟ ବିକାଶ ସହଯୋଗ ଏଜେନ୍ସି (ସିଆଇଡିସିଏ)ର ବୟାନରେ କୁହାଯାଇଛି କି ୨୧ ନଭେମ୍ବରରେ ବିକାଶ ସହଯୋଗକୁ ନେଇ ହିନ୍ଦ ମହାସାଗର କ୍ଷେତ୍ରୀୟ ମଞ୍ଚ(ଆଇଓଆରଏଫଡିସି)ର ବୈଠକରେ ୧୯ ଦେଶ ଭାଗ ନେଇଥିଲେ ।
