ବେଜିଂ,୨୨ ।୧୦: ଚାଇନା କମ୍ୟୁନିଷ୍ଟ ପାର୍ଟିର ୨୦ତମ କଂଗ୍ରେସରେ ସି ଜିନପିଙ୍ଗଙ୍କ ତୃତୀୟ ଥର ଲାଗି ଶାସନ କ୍ଷମତା ପାଇବା ଅବସରରେ ଏକ ବଡ ଡ୍ରାମା ଦେଖିବାକୁ ମିଳିଛି । ଚାଇନାର ଗ୍ରେଟ ହଲରେ ସମାପନ ସମାରୋହରେ ପୂର୍ବତନ ରାଷ୍ଟ୍ରପତି ହୁ ଜିନତାଓଙ୍କୁ ବୈଠକ ଚାଲିଥିବା ବେଳେ ମଝିରୁ ଉଠାଇ ବାହାରକୁ ପଠାଇ ଦିଆଯାଇଛି । ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ଭିଡିଓରେ ଦେଖିବାକୁ ମିଳିଛି ପୂର୍ବତନ ରାଷ୍ଟପତି ଜିନତାଓଙ୍କୁ ଜବରଦସ୍ତ ହାତ ଧରି ବାହାରକୁ ବାହାର କରି ଦିଆଯାଉଛି । ସମସ୍ତଙ୍କ ସାମ୍ନାରେ ତାଙ୍କୁ ଗ୍ରେଟ ହଲରୁ ବାହାର କରି ଦିଆଯାଉଛି । ହୁ ଜିନତାଓ ୭୯ ବର୍ଷୀୟ ହୋଇଥିବା ବେଳେ ତାଙ୍କୁ ଗ୍ରେଟ ହଲର ଆଗ ସିଟରେ ବସାଯାଇଥିଲା । ଏହାର ଠିକ୍ ଆଗକୁ ସି ଜିନପିଙ୍ଗ ବସିଥିଲେ । କିଛି ସମୟ ପାଇଁ ସେ ବସିଥିଲେ ଓ ତା’ପରେ ତାଙ୍କୁ ବାହାରକୁ ବାହାର କରି ଦିଆଯାଇଥିଲା ।
