ଚେନ୍ନାଇ,୧୭।୧୦: ଚେନ୍ନାଇର ଏକ ଜୁଏଲର୍ସ ଦୋକାନର ମାଲିକ ଏହାର କର୍ମଚାରୀମାନଙ୍କୁ ଦୀପାବଳି ଉପହାର ଭାବରେ କାର ଏବଂ ବାଇକ ଦେଇଛନ୍ତି। ଚଲାନି ଜୁଏଲର୍ସ ଜୁଏଲର୍ସ ପକ୍ଷରୁ ଏହାର ୧୦ ଜଣ କର୍ମଚାରୀଙ୍କୁ କାର୍ ଏବଂ ୨୦ ଜଣ କର୍ମଚାରୀଙ୍କୁ ମୋଟର ସାଇକେଲ ଉପହାର ଦିଆଯାଇଛି। ଏହି ଉପହାର ପାଇ କିଛି କର୍ମଚାରୀଙ୍କ ଆଖିରେ ଖୁସିର ଲୁହ ଆସିଥିବା ବେଳେ କିଛି ଆଶ୍ଚର୍ଯ୍ୟ ହୋଇଯାଇଥିଲେ।
ଚଲାନି ଜୁଏଲର୍ସ ଜୟନ୍ତୀ ଲାଲ କହିଛନ୍ତି, ଏହି କର୍ମଚାରୀମାନେ ଉତ୍ଥାନ ପତନ ସମୟରେ ମଧ୍ୟ ଆମକୁ ସମର୍ଥନ କରିଛନ୍ତି। ଏହି ଉପହାର ହେଉଛି ସେମାନଙ୍କ କାର୍ଯ୍ୟକୁ ଉତ୍ସାହିତ କରିବା ଏବଂ ତାଙ୍କ ଜୀବନରେ କିଛି ନୂଆ ଯୋଗ କରିବା। ଏହି କର୍ମଚାରୀମାନେ ବ୍ୟବସାୟର ଉନ୍ନତି ସମୟରେ ମଧ୍ୟ ଆମକୁ ସମର୍ଥନ କରିଥିଲେ ଏବଂ ଲାଭ ପାଇବାରେ ଆମକୁ ସାହାଯ୍ୟ କରିଥିଲେ। ସେମାନେ କେବଳ କର୍ମଚାରୀ ନୁହନ୍ତି, ସେମାନେ ମଧ୍ୟ ଆମର ପରିବାର।
ଏହାପୂର୍ବରୁ ଜୟନ୍ତୀ ଲାଲ ତାଙ୍କ କର୍ମଚାରୀଙ୍କୁ ୮ଟି କାର ଏବଂ ୧୮ଟି ବାଇକ ତାଙ୍କ କର୍ମଚାରୀଙ୍କୁ ପ୍ରଦାନ କରିଥିଲେ। କାର୍ତ୍ତିକ ମାସର ୧୫ତମ ଦିନରେ ଦୀପାବଳି ପାଳନ କରାଯାଏ। ବିଶ୍ୱାସ କରାଯାଏ, ଏହିଦିନ ଭଗବାନ ରାମ ୧୪ ବର୍ଷର ବନବାସ ସାରି ଘରକୁ ଫେରିଥିଲେ। ଏହି ବର୍ଷ ଦୀପାବଳି ଅକ୍ଟୋବର ୨୫ରେ ପାଳନ କରାଯିବ।
