ଚେନ୍ନାଇ,୧୨ ।୧୨: କରୋନା ମହାମାରୀ ଯୋଗୁ ଲମ୍ବା ବିରତି ପରେ ପୁଣିଥରେ ସୋମବାର ଅର୍ଥାତ୍ ୧୨ ଡିସେମ୍ବରରୁ ଚେନ୍ନାଇ ଓ ଜାଫନା(ଶ୍ରୀଲଙ୍କା) ମଧ୍ୟରେ ବିମାନ ସେବା ଆରମ୍ଭ ହେବାକୁ ଯାଉଛି । ଏୟାର ଇଣ୍ଡିଆର ସହାୟକ କମ୍ପାନୀ ଏଲାୟଂସ ଏୟାର ଏହି ଘୋଷଣା କରିଛି । ସପ୍ତାହରେ ୪ ଥର ଏହି ବିମାନ ସେବା ଯୋଗାଇ ଦିଆଯିବ । ସୂଚନାଯୋଗ୍ୟ, ୪ ଦଶକରୁ ଅଧିକ ସମୟ ପରେ, ପ୍ରଥମ ଥର ନଭେମ୍ବର ୨୦୧୯ରେ ବିମାନ ଯାତ୍ରା ପୁର୍ନଜିବିତ ହୋଇଥିଲା ହେଲେ ମାର୍ଚ୍ଚ ୨୦୨୦ରେ କୋଭିଡ ପରେ ଏହା ପୁଣି ବନ୍ଦ ହୋଇଥିଲା । ତେବେ କରୋନା ମହାମାରୀ ପରେ କଲମ୍ବୋରେ ଶ୍ରୀଲଙ୍କାର ପ୍ରାଥମିକ ବିମାନ ବନ୍ଦର ତ ଖୋଲି ଯାଇଥିଲା ହେଲେ ଜାଫନା ଅନ୍ତର୍ଜାତୀୟ ବିମାନ ବନ୍ଦର ବନ୍ଦ ଥିଲା । ଶ୍ରୀଲଙ୍କାର ତାମିଲ ଉତ୍ତରରେ ତାମିଲ ନାଡୁ ମଧ୍ୟରେ ଏହି ଲିଙ୍କକୁ ପୁଣିଥରେ ଆରମ୍ଭ କରିବାକୁ ଚେଷ୍ଟା କରାଯାଇଥିଲା, ହେଲେ ଦୁଇ ଦେଶ ମଧ୍ୟରେ ଏହି ପ୍ରସଙ୍ଗକୁ ନେଇ ଚଳିତ ବର୍ଷ ବୈଠକ ହୋଇ ପାରିଥିଲା ।
