ସୁଖମୟ ଦାମ୍ପତ୍ୟ ଜୀବନ ପାଇଁ ସ୍ତ୍ରୀ-ସ୍ବାମୀ ମଧ୍ୟରେ ସମନ୍ବୟ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଚାଣକ୍ୟ ତାଙ୍କ ନୀତି ଶାସ୍ତ୍ରୀରେ ଜୀବନସାଥୀଙ୍କ ଅନେକ ଗୁଣ ବିଷୟରେ ଉଲ୍ଲେଖ କରିଛନ୍ତି। ଯଦି ଏହି ଗୁଣଗୁଡ଼ିକ ନ ଥାଏ ତେବେ ବୈବାହିକ ଜୀବନରେ କୌଣସି ସୁଖ ରହିବ ନାହିଁ। ତେଣୁ ଜୀବନସାଥୀ ବାଛିବା ବେଳେ, ଏହି ଗୁଣଗୁଡ଼ିକର ଆଧାରରେ ବିଚାର କରାଯିବା ଆବଶ୍ୟକ। ଜାଣନ୍ତୁ ସେ ସମ୍ପର୍କରେ…
ଚାଣକ୍ୟ ଏହି ପଦରେ କହିଛନ୍ତି ଯେ, ମଣିଷ ନିଜ ଜୀବନସାଥୀ ବାଛିବାବେଳେ ଅନେକ ଜିନିଷ ପ୍ରତି ଯତ୍ନ ନେବା ଉଚିତ୍। ସେ କହିଛନ୍ତି ଯେ, ସୁନ୍ଦର ଚେହେରା ଉତ୍ତମତାର ମାପ ହୋଇପାରିବ ନାହିଁ, ତେଣୁ ଜୀବନ ସାଥୀ ବାଛିବାବେଳେ ତାଙ୍କର କିଛି ଗୁଣ ବିଷୟରେ ଜାଣନ୍ତୁ । ପରସ୍ପରର ଗୁଣ ଜାଣି ବିବାହ ବନ୍ଧନରେ ବାନ୍ଧିହେବା ଲୋଖ ଖୁସିରେ ରହିଥାନ୍ତି।
ଜୀବନସାଥୀଙ୍କ ଗୁଣ ବିଷୟରେ ଉଲ୍ଲେଖ କରି ଚାଣକ୍ୟ କହିଛନ୍ତି ଯେ, ମଣିଷମାନଙ୍କଠାରେ ଧୌର୍ଯ୍ୟର ଗୁଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହାର ଅନୁପସ୍ଥିତିରେ, ବ୍ୟକ୍ତି ଧୌର୍ଯ୍ୟହରା ହୋଇଯାଏ ଏବଂ ତାଙ୍କର କାର୍ଯ୍ୟ ନଷ୍ଟ ହୋଇଯାଏ । ସେହି ସମୟରେ, ଧୌର୍ଯ୍ୟବାନ ବ୍ୟକ୍ତି ସବୁ ପରିସ୍ଥିତିରେ ନିଜକୁ ସମ୍ଭାଳି ନିଅନ୍ତି।
ମାନବ ଜୀବନରେ ରୀତିନୀତିକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ। ଏପରି ପରିସ୍ଥିତିରେ, ଯଦି ଜୀବନସାଥୀ ରୀତିନୀତି ଜାଣି ନ ଥିବେ ତେବେ ବେଳେବେଳେ ଆପଣଙ୍କୁ ଏହା ଦ୍ୱାରା ନିନ୍ଦିତ ହେବାକୁ ପଡିବ।
ଚାଣକ୍ୟ କ୍ରୋଧକୁ ସବୁଠାରୁ ଖରାପ ଗୁଣ ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ କ୍ରୋଧ ଜଣେ ବ୍ୟକ୍ତିର ଜୀବନକୁ ସବୁବେଳେ ଦ୍ୱନ୍ଦ୍ୱରେ ରଖେ। ଜଣେ ବ୍ୟକ୍ତି ଯିଏ ଅତ୍ୟଧିକ କ୍ରୋଧିତ ହୁଅନ୍ତି ସେ କେବେ ଖୁସିରେ ରହି ନ ଥାନ୍ତି। ସୁଖ ଜୀବନଯାପନ ପାଇଁ ଜୀବନସାଥୀ ଶାନ୍ତ ସ୍ବଭାବର ହୋଇଥିବା ଉଚିତ୍।
