କେସିଙ୍ଗା,୨୩।୩(ତୁମେଶର ସାହୁ): କଳାହାଣ୍ଡି ଜିଲା କେସିଙ୍ଗା ପଞ୍ଚାୟତ ସମିତି ଅଧୀନସ୍ଥ ଚାଞ୍ଚେର ଓ ଉତକେଲା ଗ୍ରାମ ପଞ୍ଚାୟତ ର କାର୍ଯ୍ୟ ନିର୍ବାହୀ ଅଧିକାରୀ ଲମ୍ବୁ ଶିଖାଙ୍କ ନାମରେ ଲକ୍ଷ ଲକ୍ଷ ଟଙ୍କା ଦୁର୍ନୀତି ହୋଇଛି ବୋଲି ବ୍ଲକ ପ୍ରଶାସନ ଅଭିଯୋଗ କରିଥିଲେ। ଏହାପରେ ଜିଲ୍ଲାପାଳ ସଚିନ ପାୱାର ପ୍ରକାଶ ପିଇଓଙ୍କ ନାମରେ ଏକ କାରଣ ଦର୍ଶାଅ ନୋଟିସ ଜାରି କରିଥିଲେ। ପିଇଓ ଲେମ୍ବୁ ଶିଖା ଏହାର ଉତ୍ତର ରଖିଛନ୍ତି ଓ ନିଜର ତଥ୍ୟ ଜିଲ୍ଲାପାଳଙ୍କୁ ଲିଖିତ ଭାବରେ ଦାଖଲ କରିଛନ୍ତି। ଉକ୍ତ ଦୁଇଟି ଗ୍ରାମ ପଞ୍ଚାୟତରେ ଯେତିକି ଉନ୍ନୟନ କାମ ହୋଇଛି, ସେହି କାମ ଗୁଡିକରେ ପ୍ରଥମେ କନିଷ୍ଠ ଯନ୍ତ୍ରୀଙ୍କ ମାପ କରିଛନ୍ତି, ତାପରେ ଅତିରିକ୍ତ ଏକଯ୍ୟୁକେଟିଭ ର୍ନିବାହି ଯନ୍ତ୍ରୀ ଚେକ ମାପ କରିଛନ୍ତି ଏବଂ ବିଡ଼ିଓଙ୍କ କାଉଣ୍ଟର ସିଗନେଚର ହେଲା ପରେ ଟଙ୍କା ବ୍ୟାଙ୍କରୁ ଉଠାଯାଇ ବିଭିନ୍ନ ଉନ୍ନୟନ କାମରେ ନିୟୋଜିତ ଲୋକମାନଙ୍କୁ ଓ ବିଭିନ୍ନ ସାମଗ୍ରୀର ପେମେଣ୍ଟ କାରାଯାଇଛି। ବ୍ଲକରୁ କୌଣସି ଅଧିକାରୀ ଚାଞ୍ଚେର କିମ୍ବା ଉତ୍କେଳା ଗ୍ରାମପଞ୍ଚାୟତର କୌଣସି କ୍ୟାସ ବହି କିମ୍ବା କ୍ୟାସ ରେକର୍ଡ ଯାଞ୍ଚ କରିନାହାନ୍ତି। ଯେଉଁ ଅଭିଯୋଗ କରାଯାଇଛି ତାହା, ମୋତେ ବଦନାମ କରିବାକୁ ଷଢଯନ୍ତ୍ର କରାଯାଇଛି ବୋଲି ପିଇଓ ପ୍ରକାଶ କରିଛନ୍ତି । ଦୁଇଗୋଟି ଗ୍ରାମ ପଞ୍ଚାୟତ ନାମରେ ଯେଉଁ ସ୍ବତନ୍ତ୍ର ଅଡିଟ ପାଇଁ ଜିଲ୍ଲା ପ୍ରଶାସନ ତରଫରୁ ରାଜ୍ୟ ପଞ୍ଚାୟତରାଜ ବିଭାଗକୁ ପଠାଯାଇଛି ,ତାହା ସୱତନ୍ତ୍ର ଅଡିଟ ହେଲେ ସମସ୍ତ ସତ୍ୟ ଜଣାପଡ଼ିବ ବୋଲି ଶିଖା କହିଛନ୍ତି।
ଉକ୍ତ ଦୁଇଟି ଗ୍ରାମ ପଞ୍ଚାୟତରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ରେ ଯେଉଁ ସବୁ କାର୍ଯ୍ୟ କରାଯାଇଛି, ତାହା କେଶ ବୁକରେ ସବୁ ତଥ୍ୟ ଠିକ ଭାବେ ଉଲ୍ଲେଖ କରାଯାଇଛି ।ଅନଲାଇନ କ୍ୟାସବହିରେ କିଛି ତ୍ରୁଟି ଯୋଗୁଁ ଅନଲାଇନ ରେ ସୋ କରୁନାହିଁ ବୋଲି ର୍ନିବାହୀ ଅଧିକାରୀ ଶିଖା କହିଛନ୍ତ। ଉତ୍କେଳା ଗ୍ରାମ ପଞ୍ଚାୟତ ର ଅମୃତ ଧାରା କାର୍ଯ୍ୟ ର କୌଣସି ଟଙ୍କା ମୋ ସମୟରେ ଉଠାଯାଇ ନାହିଁ ଓ ବନ୍ଧ ନିଲାମ ବାବଦରେ ୧ଲକ୍ଷ୧୬ହଜାର ୩୦୦ ଟଙ୍କା ର ରସିଦ ସମ୍ପୃକ୍ତ ମହିଳା ସୟଂ ସହାୟକ ଗୋଷ୍ଠିଙ୍କୁ ପ୍ରଦାନ କରାଯାଇଛି। କ୍ୟାସ ବହିରେ ଲିପିବଦ୍ଧ ହୋଇଛି ବୋଲି ଶିଖା ପ୍ରକାଶ କରିଛନ୍ତି। କିନ୍ତୁ ଜୈନିକ ଖବରକାଗଜରେ ଯେଉଁ ତଥ୍ୟ ୧ ଏକ ଲକ୍ଷ ୧୬ ହଜାର ୩୦୦ ପରିବର୍ତ୍ତେ ୧ଏକ ଲକ୍ଷ ୬୦ ହଜାର ବୋଲି ଲେଖି ଭୁଲ ତଥ୍ୟ ପ୍ରସାରଣ କରାଯାଇଛି । ଏ ନେଇ ର୍ନିବାହି ଅଧିକାରୀ ଲେମ୍ବୁ ଶିଖାଙ୍କୁ ପଚାରିବାରୁ ମୋତେ ବଦନାମ କରିବାକୁ କିଛି ଲୋକଙ୍କ ଇଙ୍ଗିତ ରେ କିଛି ର୍ନିଦ୍ଧିଷ୍ଟ ଖବକାଗଜ ମାନଙ୍କରେ ପ୍ରସାରଣ କରାଯାଉଛି ଓ ଏହା ଏକ ସଡଯନ୍ତ୍ର କପୋଲ କଳ୍ପିତ , ମିଥ୍ୟା ଓ ଭିତ୍ତିହୀନ ବୋଲି ପ୍ରକାଶ କରିଥିଲେ।
