ନୂଆଦିଲ୍ଲୀ,୧୦।୧: ଟିମ ଇଣ୍ଡିଆର ଖେଳାଳି ୟୁଜବେନ୍ଦ୍ର ଚହଲ ଏବଂ ଧନଶ୍ରୀ ଆଜିକାଲି ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି। କିଛି ସମୟ ଧରି ଏହି ଦମ୍ପତିଙ୍କ ଅଲଗା ହେବାର ଖବର ଆସୁଛି। ଦୁହେଁ ସୋସିଆଲ ମିଡିଆରେ ପରସ୍ପରକୁ ଅନଫଲୋ କରିଦେଇଛନ୍ତି। କେବଳ ଏତିକି ନୁହେଁ, ଚହଲ ଇନଷ୍ଟାଗ୍ରାମରୁ ଧନଶ୍ରୀଙ୍କ ସହ ଫଟୋ ମଧ୍ୟ ହଟାଇ ଦେଇଛନ୍ତି। ଛାଡପତ୍ର ଖବର ମଧ୍ୟରେ ଚହଲ ଏକ ପୋଷ୍ଟ ସେୟାର କରିଛନ୍ତି ଯାହା ଭାଇରାଲ ହେବାରେ ଲାଗିଛି। ସେ ଲେଖିଛନ୍ତି- ମୁଁ ଜଣେ ଖେଳାଳି ହୋଇଥିବାରୁ ଗର୍ବିତ, ମୁଁ ଜଣେ ପୁଅ, ଭାଇ ଏବଂ ବନ୍ଧୁ ମଧ୍ୟ।
ଚହଲ ତାଙ୍କ ପୋଷ୍ଟରେ ଛାଡପତ୍ର ଖବର ଉପରେ ସିଧାସଳଖ ପ୍ରତିକ୍ରିୟା ଦେଇନାହାଁନ୍ତି। କିନ୍ତୁ ସେ ଏପରି କିଛି ଲେଖିଛନ୍ତି ଯାହା ଛାଡପତ୍ରକୁ ସଙ୍କେତ ଦେଉଛି। ସେ ପୋଷ୍ଟରେ ଲେଖିଛନ୍ତି ଯେ ସୋସିଆଲ ମିଡିଆରେ କରାଯାଉଥିବା ଦାବି ସତ ହୋଇପାରେ କିମ୍ବା ନ ହୋଇପାରେ। ସେ ଆହୁରି କହିଛନ୍ତି, ‘ମୁଁ ମୋର ସମସ୍ତ ପ୍ରଶଂସକଙ୍କ ପ୍ରେମ ଏବଂ ସମର୍ଥନ ପାଇଁ କୃତଜ୍ଞ, ଯାହା ବିନା ମୁଁ ଏଠାରେ ପହଞ୍ଚିପାରି ନଥାନ୍ତି।’ କିନ୍ତୁ ଏହି ଯାତ୍ରା ଏପର୍ଯ୍ୟନ୍ତ ଶେଷ ହୋଇନାହିଁ ! କାରଣ ମୋ ଦେଶ, ମୋ ଦଳ ଏବଂ ମୋ ପ୍ରଶଂସକମାନଙ୍କ ପାଇଁ ଏବେ ବି ଅନେକ ଅବିଶ୍ୱସନୀୟ ଓଭର ବାକି ଅଛି ! ମୁଁ ଜଣେ ଖେଳାଳି ହେବା ପାଇଁ ଗର୍ବିତ, କିନ୍ତୁ ମୁଁ ଜଣେ ପୁଅ, ଭାଇ ଏବଂ ବନ୍ଧୁ ମଧ୍ୟ।
ମୁଁ ସାମ୍ପ୍ରତିକ ଘଟଣାବଳୀ, ବିଶେଷକରି ମୋ ବ୍ୟକ୍ତିଗତ ଜୀବନ ବିଷୟରେ ଲୋକଙ୍କ କୌତୂହଳକୁ ବୁଝିପାରୁଛି। ଜଣେ ପୁଅ, ଭାଇ ଏବଂ ବନ୍ଧୁ ଭାବରେ, ମୁଁ ସମସ୍ତଙ୍କୁ ଅନୁରୋଧ କରୁଛି ଯେ ଏହି କଳ୍ପନାଜଳ୍ପନାରେ ସାମିଲ ହୁଅନ୍ତୁ ନାହିଁ କାରଣ ଏହା ମୋତେ ଏବଂ ମୋ ପରିବାରକୁ ଅତ୍ୟଧିକ କଷ୍ଟ ଦେଉଛି। ମୋର ପାରିବାରିକ ମୂଲ୍ୟବୋଧ ମୋତେ ସର୍ବଦା ସମସ୍ତଙ୍କ ମଙ୍ଗଳ କାମନା କରିବାକୁ ଏବଂ କଠିନ ପରିଶ୍ରମ ମାଧ୍ୟମରେ ସଫଳତା ପାଇଁ ପ୍ରୟାସ କରିବାକୁ ଶିଖାଇଛି, ଏବଂ ମୁଁ ଏହି ମୂଲ୍ୟବୋଧଗୁଡ଼ିକ ପ୍ରତି ପ୍ରତିବଦ୍ଧ। ଦିବ୍ୟ ଆଶୀର୍ବାଦ ସହିତ, ମୁଁ ସର୍ବଦା ଆପଣଙ୍କ ପ୍ରେମ ଏବଂ ସମର୍ଥନ ପାଇବାକୁ ଚେଷ୍ଟା କରିବି, ସହାନୁଭୂତି ନୁହେଁ।
