ବାଲେଶ୍ୱର,୨୮ା୬(ବାଞ୍ଛାନିଧି ଦେ): ଜଣେ ନାବାଳକଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଛନ୍ତି ୪ ନାବାଳକ। ରେମୁଣା ଥାନା ମନ୍ଦିର ଛକରେ ନାବାଳକଙ୍କୁ ମରଣାନ୍ତକ ଆକ୍ରମଣ ହୋଇଛି। ଏକ ବିବାହ ଭୋଜିରେ କ୍ୟାଟରିଂରେ ଯାଇଥିବା ନାବାଳକଙ୍କୁ ସଂଘବଦ୍ଧ ଆକ୍ରମଣ କରିଛନ୍ତି। ଭୋଜିରେ ମଟନ ନ ଦେବାରୁ ଆକ୍ରମଣ କରିଥିବା ଅଭିଯୋଗ ହୋଇଛି।
ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ୱର ରେମୁଣା ଥାନା ଅନ୍ତର୍ଗତ ଅଠାନ୍ତର ଗାଁରେ। ଗତ ୨୪ ତାରିଖ ଏକ ବିବାହ ଭୋଜିରେ ମଟନ ନ ଦେବାରୁ କ୍ୟାଟରିଂରେ ଯାଇଥିବା ନାବାଳକଙ୍କ ବେକ, ପିଠି ଓ ହାତକୁ ଧାରୁଆ ଅସ୍ତ୍ରରେ ୪ ନାବାଳକ ଆକ୍ରମଣ କରି ଚମ୍ପଟ ମାରିଥିଲେ। ଆହତ ନାବାଳକଙ୍କୁ ସଙ୍ଗେ ସଙ୍ଗେ ରେମୁଣାସ୍ଥିତ ଫକୀରମୋହନ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିଲା। ଅଭିଯୋଗ ମୁତାବକ ଏକ ମାମଲା ନଂ ୧୩୩ /୨୬ରୁଜୁ କରି ପୋଲିସ ତଦନ୍ତ ଜାରି ରଖିଥିଲା। ଶନିବାର ପୋଲିସ ଚଢ଼ାଉ କରି ଅଭିଯୁକ୍ତ ୪ ନାବାଳକଙ୍କୁ ଧରିବାରେ ସମର୍ଥ ହୋଇଥିଲା। ଅଟକ ନାବାଳକଙ୍କୁ ଅନୁଗୋଳ ସଧାର ଗୃହ ହେପାଜତରେ ରଖାଯାଇଥିବା ପୋଲିସ କହିଛି।
