Odisha Elections 2024
Posted inଜାତୀୟ

ପ୍ରାର୍ଥୀ ସବୁ ସମ୍ପତ୍ତି ଘୋଷଣା କରିବା ଅନାବଶ୍ୟକ

ନୂଆଦିଲ୍ଲୀ,୧୦ା୪: ଲୋକ ସଭା ଏବଂ ବିଧାନସଭା ନିର୍ବାଚନ ଲଢ଼ିବାକୁ ଥିବା ପ୍ରାର୍ଥୀମାନଙ୍କୁ ନାମାଙ୍କନପତ୍ର ଦାଖଲ ବେଳେ ସେମାନଙ୍କ ନାଁରେ ଥିବା ଆପରାଧିକ ମାମଲା ଏବଂ ସମ୍ପତ୍ତି ତାଲିକା ସତ୍ୟପାଠ ଜରିଆରେ ଦାଖଲ କରିବାକୁ ପଡ଼ିଥାଏ। ନିର୍ବାଚନୀ ସଂସ୍କାର ଅନୁଯାୟୀ ରାଜନେତା ସେମାନଙ୍କର ତଥା ସେମାନଙ୍କ ସ୍ବାମୀ ବା ସ୍ତ୍ରୀ ଓ ପରିବାରର ଅନ୍ୟ ସଦସ୍ୟଙ୍କ ଆୟର ଉତ୍ସ ଏବଂ ସମ୍ପତ୍ତି ସମ୍ପର୍କରେ ଜଣାଇବା ନିୟମ ରହିଛି। ତେବେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀ ତାଙ୍କର ପ୍ରତ୍ୟେକ ଅସ୍ଥାବର ସମ୍ପତ୍ତି ଘୋଷଣା କରିବା ଆବଶ୍ୟକ ନାହିଁ ବୋଲି ମଙ୍ଗଳବାର ସୁପ୍ରିମକୋର୍ଟ କହିବା ସହ ଅରୁଣାଚଳପ୍ରଦେଶର ସ୍ବାଧୀନ ବିଧାୟକ କରିଖୋ କ୍ରିଙ୍କ ନିର୍ବାଚନକୁ କାଏମ ରଖିଛନ୍ତି। ଜଣେ ପ୍ରାର୍ଥୀଙ୍କ ମାଲିକାନାରେ ତଥା ତାଙ୍କ ଉପରେ ନିର୍ଭରଶୀଳ ପରିବାର ସଦସ୍ୟଙ୍କ ନାଁରେ ଥିବା ପ୍ରତ୍ୟେକ ଅସ୍ଥାବର ସମ୍ପତ୍ତିର ମୂଲ୍ୟ ଯଦି ପର୍ଯ୍ୟାପ୍ତ ହୋଇ ନ ଥାଏ କିମ୍ବା ଏହା ବିଳାସପୂର୍ଣ୍ଣ ଜୀବନଶୈଳୀର ପ୍ରତିଫଳନ କରୁ ନ ଥାଏ, ତେବେ ଘୋଷଣା କରିବା ଦରକାର ନାହିଁ ବୋଲି ସର୍ବୋଚ୍ଚ ଅଦାଲତ ସ୍ପଷ୍ଟ କରିଦେଇଛନ୍ତି। ୨୦୧୯ ଅରୁଣାଚଳ ପ୍ରଦେଶ ବିଧାନସଭା ନିର୍ବାଚନ ବେଳେ କରିଖୋ ତେଜୁ ଆସନରୁ ସ୍ବାଧୀନ ପ୍ରାର୍ଥୀ ଭାବେ ନିର୍ବାଚିତ ହୋଇଥିଲେ। ତେବେ ସେ ନାମାଙ୍କନପତ୍ର ଦାଖଲ ବେଳେ ସତ୍ୟପାଠରେ ୩ଟି ଗାଡ଼ି ସମ୍ପର୍କରେ ତଥ୍ୟ ଦେଇ ନ ଥିବା ପିଟିଶନରେ ଅଭିଯୋଗ ହୋଇଥିଲା। ଉକ୍ତ ଗାଡ଼ି କରିଖୋଙ୍କ ସ୍ତ୍ରୀ ଓ ପୁଅଙ୍କ ନାଁରେ ଥିଲା।
ସର୍ବୋଚ୍ଚ ଅଦାଲତ କହିଛନ୍ତି, ଜଣେ ପ୍ରାର୍ଥୀଙ୍କର ପ୍ରତିଟି ସମ୍ପତ୍ତି ସମ୍ପର୍କରେ ଭୋଟର ଜାଣିବାର ନିରଙ୍କୁଶ ଅଧିକାର ନାହିଁ। ଏଥିସହିତ ଜଣେ ପ୍ରାର୍ଥୀଙ୍କର ବିଭିନ୍ନ ବିଷୟରେ ଗୋପନୀୟତା ଅଧିକାର ରହିଥିବା ଜଷ୍ଟିସ୍‌ ଅନିରୁଦ୍ଧ ବୋଷ ଏବଂ ସଞ୍ଜୟ କୁମାରଙ୍କ ଖଣ୍ଡପୀଠ କହିଛନ୍ତି। ଗୌହାଟି ହାଇକୋର୍ଟ ପୂର୍ବରୁ କରିଖୋଙ୍କ ନିର୍ବାନନକୁ ରଦ୍ଦ ଘୋଷଣା କରିଥିବାବେଳେ ସୁପ୍ରିମକୋର୍ଟ ଏହାକୁ ଖାରଜ କରିଦେଇଛନ୍ତି। ଖଣ୍ଡପୀଠ କହିଛନ୍ତି, କରିଖୋ ନାମାଙ୍କନପତ୍ର ଦାଖଲ କରିବା ପୂର୍ବରୁ ଗାଡ଼ିଗୁଡ଼ିକୁ ଉପହାର ଦେଇଥିଲେ କିମ୍ବା ବିକିଦେଇଥିଲେ। ତେଣୁ ନିର୍ବାଚନ ସମୟରେ ଉକ୍ତ ଗାଡ଼ି ତାଙ୍କ ପରିବାର ମାଲିକାନାରେ ଥିଲା ବୋଲି ବିବେଚନା କରାଯାଇ ପାରିବ ନାହିଁ। ପ୍ରାର୍ଥୀଙ୍କ ସମ୍ପର୍କରେ ସବୁକିଛି ଜାଣିବା ନେଇ ଭୋଟରଙ୍କ ଅଧିକାର ନିରଙ୍କୁଶ ବୋଲି ଆବେଦନକାରୀ ଦର୍ଶାଇଥିବା ଯୁକ୍ତିକୁ ସର୍ବୋଚ୍ଚ ଅଦାଲତ ଖାରଜ କରିଦେଇଥିଲେ। ଜଣେ ପ୍ରାର୍ଥୀ ନିଜ ଜୀବନକୁ ଭୋଟରଙ୍କ କଷଟି ପଥରରେ ପରୀକ୍ଷା କରାଉ ବୋଲି ଲୋକଙ୍କ ଧାରଣା ସହ ଆମେ ଏକମତ ନୋହୁଁ ବୋଲି ଖଣ୍ଡପୀଠ କହିଛନ୍ତି। ପ୍ରାର୍ଥୀଙ୍କର ମଧ୍ୟ ଗୋପନୀୟତା ଅଧିକାର ରହିଛି। ତେଣୁ ସବୁକିଛି ସାଧାରଣରେ ପ୍ରକାଶ କରିବା ପ୍ରାସଙ୍ଗିକ ନୁହେଁ। ପ୍ରାର୍ଥୀଙ୍କ ମାଲିକାନାରେ ଥିବା ପ୍ରତ୍ୟେକଟି ସମ୍ପତ୍ତି ସମ୍ପର୍କରେ ଘୋଷଣା ନ ହେବା ଦୋଷ ନୁହେଁ। ପୋଷାକ, ଜୋତା, ଆସବାବପତ୍ର, ପ୍ରସାଧନୀ ସାମଗ୍ରୀ ଭଳି ଅସ୍ଥାବର ସମ୍ପତ୍ତି ଘୋଷଣା କରିବା ଆବଶ୍ୟକ ନାହିଁ। ତେବେ ପ୍ରାର୍ଥତ୍ତ୍ୱ ଉପରେ ସମ୍ପତ୍ତିର ପର୍ଯ୍ୟାପ୍ତ ପ୍ରଭାବ ଥିଲେ, ତାହା ଘୋଷଣା କରିବାକୁ ହେବ ବୋଲି ସୁପ୍ରିମକୋର୍ଟ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଥରୁର ଜଣେ ‘ଇଂରେଜ’, ସେ କେବଳ ନିର୍ବାଚନ ସମୟରେ ଭାରତ ଆସନ୍ତି: ରବି କିଶନ

ଲକ୍ଷ୍ନୌ,୨୮।୫: ଉତ୍ତରପ୍ରଦେଶର ଗୋରଖପୁରରେ ଭାଜପା ପ୍ରାର୍ଥୀ ରବି କିଶନ ନିର୍ବାଚନ ପ୍ରଚାର ସମୟରେ କଂଗ୍ରେସ ନେତା ଶଶି ଥରୁରଙ୍କୁ ଟାର୍ଗେଟ କରିଛନ୍ତି। ଥରୁର ଭାଜପା ୩୦୦...

ବଢିଲା ଆତିଶୀଙ୍କ ଅଡୁଆ, ସମନ କଲେ କୋର୍ଟ

ନୂଆଦିଲ୍ଲୀ,୨୮।୫: ବଢିଲା ଆମ ଆଦମୀ ପାର୍ଟି ନେତ୍ରୀ ଆତିଶୀଙ୍କ ଅଡୁଆ। ତାଙ୍କୁ ଦିଲ୍ଲୀର ଗୋଟିଏ କୋର୍ଟ ହାଜର ହେବାକୁ ସମନ କରିଛନ୍ତି। ଦିଲ୍ଲୀ ଭାଜପାର ମିଡିଆ...

ମୋଦି କହିଲେ ମନର କଥା: ୟୁପି ନୁହେଁ ଏହି ରାଜ୍ୟରେ ଭାଜପାକୁ ମିଳିବ ସବୁଠାରୁ ଅଧିକ ଆସନ

ନୂଆଦିଲ୍ଲୀ,୨୮।୫: ଲୋକ ସଭା ନିର୍ବାଚନ ୨୦୨୪ ବର୍ତ୍ତମାନ ଶେଷ ପର୍ଯ୍ୟାୟରେ ପହଞ୍ଚିଛି । ଜୁନ ୧ରେ ସପ୍ତମ ପର୍ଯ୍ୟାୟ ଭୋଟ ସହିତ ଭୋଟ ପ୍ରକ୍ରିୟା ଶେଷ...

୪ ଜୁନ ପରେ ଇଣ୍ଡିଆ ମେଣ୍ଟ ଉପରେ ହେବ ଆକ୍ରମଣ, ଏମିତି କାହିଁକି କହିଲେ ମନୋଜ

ପାଟନା,୨୮।୫: ସପ୍ତମ ପର୍ଯ୍ୟାୟ ଅର୍ଥାତ୍‌ ୨୦୨୪ ଲୋକ ସଭା ନିର୍ବାଚନର ଶେଷ ପର୍ଯ୍ୟାୟରେ ଜୁନ ୧ ରେ ୮ଟି ରାଜ୍ୟର ୫୭ ଟି ଲୋକ ସଭା...

ବ୍ୟାଟେଲ ଅଫ ବାରାଣସୀ: କେନ୍ଦ୍ରୀୟ ମନ୍ତ୍ରୀଙ୍କ ଫୌଜ, ମୁଖ୍ୟମନ୍ତ୍ରୀଙ୍କଠାରୁ ଷ୍ଟାର ପ୍ରଚାରକଙ୍କ ପର୍ଯ୍ୟନ୍ତ ଅସମ୍ଭବ ଭିଡ

ବାରାଣସୀ,୨୮।୫: ଏବେ ମହାଦେବଙ୍କ ସହର କାଶୀ (ବାରାଣାସୀ) ରେ ଅସମ୍ଭବ ଭିଡ଼ ଦେଖିବାକୁ ମିଳୁଛି। ଆପଣ ଭାରତୀୟ ଜନତା ପାର୍ଟି (ଭାଜପା) ର ନେତାମାନଙ୍କୁ ଏଠାରେ...

‘୮୦୦୦ଟଙ୍କାର ଟି-ସାର୍ଟ ପିନ୍ଧି ଗରିବଙ୍କ ମଜା ଉଡାଉଛ’, ଅଭିଷେକ ବାନାର୍ଜୀଙ୍କୁ ଟାର୍ଗେଟ କଲା ଭାଜପା

କୋଲକାତା,୨୮।୫: ପଶ୍ଚିମବଙ୍ଗର ଭାରତୀୟ ଜନତା ପାର୍ଟି ତ୍ରୁଣମୂଳ କଂଗ୍ରେସ (ଟିଏମସି) ଏମପି ଅଭିଷେକ ବାନାର୍ଜୀଙ୍କୁ ଘୂର୍ଣ୍ଣିବାତ୍ୟା ରେମଲ ରିଲିଫ ଶିବିର ଗସ୍ତ ସମୟରେ ୮ହଜାର ଟଙ୍କା...

ରାମ ରହିମଙ୍କୁ ହାଇକୋର୍ଟରୁ ମିଳିଲା ବଡ ଆଶ୍ୱସ୍ତି

ପଞ୍ଚକୁଲା,୨୮।୫: ପଞ୍ଜାବ ଏବଂ ହରିୟାଣା ହାଇକୋର୍ଟ ରଣଜିତ ସିଂ ହତ୍ୟା ମାମଲାରେ ଡେରା ସଚ୍ଚା ସୌଦା ମୁଖ୍ୟ ଗୁରୁମିତ ରାମ ରହିମଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି।...

୪୦୦ ଆସନ କାହିଁକି ଚାହୁଁଛି ଭାଜପା? ଥରୁର କଲେ ବଡ ଦାବି

ନୂଆଦିଲ୍ଲୀ,୨୮।୫: ଲୋକ ସଭା ନିର୍ବାଚନର ୨୦୨୪ର ଛଅଟି ପର୍ଯ୍ୟାୟ ସମାପ୍ତ ହୋଇଛି ଏବଂ ସମସ୍ତ ଦଳ ଅନ୍ତିମ ଅର୍ଥାତ୍‌ ସପ୍ତମ ପର୍ଯ୍ୟାୟ ନିର୍ବାଚନର ପ୍ରସ୍ତୁତିରେ ବ୍ୟସ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri