ଦୋହା,୨୮ ।୧୧: ଫୁଟପ୍ରେମୀଙ୍କ ପସନ୍ଦର ଟୁର୍ନାମେଣ୍ଟ ଫିଫା ୱାର୍ଲଡ କପ ୨୦୨୨ ଏବେ ଶେଷ ପର୍ଯ୍ୟାୟରେ । ଇତି ମଧ୍ୟରେ ଏକ ରିପୋର୍ଟରେ କତରରେ ବ୍ୟାପୁଥିବା କ୍ୟାମେଲ ଫ୍ଲୁ ଅବା ରେସ୍ପିରେଟରି ସିଣ୍ଡ୍ରୋମ ଏମଇଆରଏସ ରୋଗ ବ୍ୟାପିବାର ଭୟ ସୃଷ୍ଟି ହୋଇଛି ।
ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚଓ) ପକ୍ଷରୁ ଏହାକୁ ନେଇ ଚିନ୍ତା ପ୍ରକଟ କରାଯାଇଛି । ଡବ୍ଲୁଏଚଓର ବିଶେଷଜ୍ଞଙ୍କ ଅନୁଯାୟୀ, ମିଡିଲ ଇଷ୍ଟରେ କ୍ୟାମେଲ ଫ୍ଲୁ ଅବା ରେସ୍ପିରେଟରି ସିଣ୍ଡ୍ରୋମ ଏମଇଆରଏସ ନାମକ ଘାତକ ରୋଗ ବ୍ୟାପିପାରେ । ଏହାସହ ଆଶଙ୍କା କରାଯାଉଛି କି ଏହା କତରରୁ ସାରା ବିଶ୍ୱକୁ ତା କବଳକୁ ନେଇଯାଇପାରେ । ଏବେ ପ୍ରଶ୍ନ ଉଠିଛି କି ଯଦି କତରରୁ ଏହା ସାରା ବିଶ୍ୱକୁ ବ୍ୟାପିଲା ତେବେ କ’ଣ ଏହା କରୋନା ମହାମାରୀ ଭଳି ରୂପ ନେଇପାରେ ।
ନ୍ୟୁ ମାଇକ୍ରୋବ୍ସ ଓ ନ୍ୟୁ ଇନଫେକ୍ସନ ଜେନେରାଲଙ୍କ ଏକ ରିପୋର୍ଟରେ କୁହାଯାଇଛି କି କରୋନା ଓ ମଙ୍କିପକ୍ସ ଭଳି ଭାଇରସ ଏବେ କମ୍ ହୋଇ ନ ଥିବା ବେଳେ କତରରେ ଫିଫା ୱାର୍ଲଡ କପର ଆୟୋଜନ କରାଯାଇଛି । ଏଥିରେ ୧୨ ଲକ୍ଷ ଲୋକ ସାମିଲ ହାଇଛନ୍ତି ।
ଏଭଳି ସ୍ଥିତିରେ କତରରେ କ୍ୟାମେଲ ଫ୍ଲୁ ସଂଖ୍ୟା ବଢିବା ସହ ଏହା ଗୋଟିଏ ଦେଶରୁ ଅନ୍ୟ ଦେଶକୁ ଅର୍ଥାତ୍ ସାରା ବିଶ୍କୁ ବ୍ୟାପିଯାଇପାରେ । କାରଣ ବହୁ ସଂଖ୍ୟାରେ ଲୋକେ ଏକାଠି ହେଲେ ଏହା ଦ୍ରୁତ ଗତିରେ ବ୍ୟାପିଥାଏ । ନଭମ୍ବର ୨୨ରେ ନ୍ୟୁ ମାଇକ୍ରୋବ୍ସ ଆଣ୍ଡ ନ୍ୟୁ ଇନଫେକ୍ସନ ଜର୍ନାଲରେ ଛପାଯାଇଥିବା ରିପୋର୍ଟରେ ସ୍ପଷ୍ଟ ଆଶଙ୍କା କରାଯାଇଛି କି କତରରୁ କ୍ୟାମେଲ ଫ୍ଲୁ ବ୍ୟାପିବାର ଆଶଙ୍କା ରହିଛି ।
କ୍ୟାମେଲ ଫ୍ଲୁ ଏକ ପ୍ରକାର ଭାଇରସ ଯାହା ଓଟଙ୍କଠାରୁ ମନୁଷ୍ୟକୁ ବ୍ୟାପିଥାଏ । ଗଲ୍ଫ କଣ୍ଟ୍ରିରେ ଓଟର ବ୍ୟବହାର ଅଧିକ ଥିବାରୁ ଏହି ଦେଣୁ କ୍ୟାମେଲ ଫ୍ଲୁ ବ୍ୟାପିବାର ଅଧିକ ଆଶଙ୍କା ରହିଛି ।
