ନୂଆଦିଲ୍ଲୀ,୬ ।୧୧: ହରିୟାଣାର ଆଦମପୁରରେ ହୋଇଥିବା ଉପ ନିର୍ବାଚନରେ ଭାରତୀୟ ଜନତା ପାର୍ଟି(ଭାଜପା)ର ପ୍ରାର୍ଥି ଭବ୍ୟ ବିଶ୍ନୋଇ ବିଜୟୀ ହୋଇଛନ୍ତି । ତାଙ୍କ ପିତା କୁଲଦିପ ବିଶ୍ନୋଇ କହିଛନ୍ତି ଏହା ମନୋହର ଲାଲ ଖଟ୍ଟର ଜିଙ୍କ ନୀତିର ବିଜୟ ।
ବିହାରର ଗୋପାଳଗଞ୍ଜରେ ହୋଇଥିବା ଉପ ନିର୍ବାଚନରେ ଭାଜପା ପ୍ରାର୍ଥି କୁସୁମ ଦେବୀ ବିଜୟୀ ହୋଇଛନ୍ତି । ଏହି ଖୁସିରେ ଭାଜପା କର୍ମୀମାନେ ସେଠାରେ ବିଜୟ ଉତ୍ସବ ପାଳନ କରିଛନ୍ତି । କୁସୁମ ଦେବୀ କହିଛନ୍ତି, ସମ୍ପୂର୍ଣ୍ଣ ଗୋପାଳଗଞ୍ଜ ଜିଲା ମୋ ସହ ରହିଛି । ସମସ୍ତଙ୍କ ବିଜୟ ହିଁ ମୋର ବିଜୟ । ଯେଉଁ ସବୁ ବିକାଶ କାର୍ଯ୍ୟ ଏଠାରେ ହୋଇନାହିଁ ତାହା ମୁଁ କରିବି ବୋଲି ସେ କହିଛନ୍ତି ।
ସେହିପରି ଗୋକର୍ନନାଥ ବିଧାନସଭା ଆସନରୁ ବି ଭାଜପା ପ୍ରାର୍ଥି ବିଜୟୀ ହୋଇଛନ୍ତି । ଏହି ବିଜୟ ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୁଭେଚ୍ଛା ଜଣାଇଛନ୍ତି । ସେ ସମସ୍ତ କର୍ମୀ ଓ ମତଦାତାଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି । ଏହାସହ ମୁଖ୍ୟମନ୍ତ୍ରୀ ଯୋଗୀ କହିଛନ୍ତି, ଏହି ବିଜୟ ଡବଲ ଇଞ୍ଜିନର ଭାଜପା ସରକାରଙ୍କ ଲୋକ କଲ୍ୟାଣକାରୀ ନୀତି ପ୍ରତି ଅତୁଟ ଜନ ବିଶ୍ୱାସର ପ୍ରତିକ ।
