Odisha Elections 2024
Posted inଖେଳ

ରୟାଲ୍ସକୁ ଜିତାଇଲେ ବଟଲର

ଆବୁଧାବି, ୨୦।୧୦-ବୋଲରଙ୍କ ଚମତ୍କାରିତା ପରେ ଜୋଶ୍‌ ବଟଲରଙ୍କ ବିସ୍ଫୋରକ ବ୍ୟାଟିଂ ବଳରେ ରାଜସ୍ଥାନ ରୟାଲ୍ସ ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ)ର ସୋମବାର ଅନୁଷ୍ଠିତ ମ୍ୟାଚରେ ଚେନ୍ନାଇ ସୁପରକିଙ୍ଗ୍ସକୁ ୭ ଉଇକେଟରେ ପରାସ୍ତ କରିଛି। ପ୍ରଥମେ ବ୍ୟାଟିଂ କରିଥିବା ଚେନ୍ନାଇ ମାତ୍ର ୧୨୫ ରନ କରିଥିବାବେଳେ ରାଜସ୍ଥାନ ୧୭.୩ ଓଭରରେ ୩ ଉଇକେଟ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା। ୧୦ ମ୍ୟାଚରୁ ୪ର୍ଥ ବିଜୟ ସହ ରୟାଲ୍ସ ପଏଣ୍ଟ ଟେବୁଲର ୫ମ ସ୍ଥାନକୁ ଉନ୍ନୀତ ହୋଇଛି। ଅନ୍ୟପକ୍ଷରେ ୭ମ ପରାଜୟ ସହ ଚେନ୍ନାଇର ପ୍ଲେ-ଅଫ୍‌ ଆଶା ମଉଳି ଯାଇଛି।
ଟସ୍‌ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ ଚେନ୍ନାଇ ସୁପରକିଙ୍ଗ୍ସ ଅଧିନାୟକ ମହେନ୍ଦ୍ର ସିଂ ଧୋନୀ। ମାତ୍ର ଦଳପାଇଁ ବିଶେଷ ସହାୟକ ହୋଇପାରି ନ ଥିଲା। ମାତ୍ର ୨୬ ରନ ମଧ୍ୟରେ ଦୁଇ ଇନ୍‌ଫର୍ମ ଖେଳାଳି ଫାଫ୍‌ ଡୁ’ପ୍ଲେସି (୧୦) ଓ ଶେନ ଓ୍ବାଟସନ(୮) ଆଉଟ ହେବାରୁ ଦଳ ବ୍ୟାକ୍‌ଫୁଟ୍‌କୁ ଚାଲି ଯାଇଥିଲା। ପରିସ୍ଥିତିକୁ ଦୃଷ୍ଟିରେ ରଖି ସ୍ବାଭାବିକ ବ୍ୟାଟିଂ ନ କରି ଅପେକ୍ଷାକୃତ ଧିମା ଖେଳିଥିବା ସାମ୍‌ କୁରାନ ମଧ୍ୟ ବଡ଼ ସ୍କୋର କରିପାରି ନ ଥିଲେ। ସେ ୨୫ ବଲ୍‌ରୁ ୨୨(୧ ଛକା, ୧ ଚୌକା) ରନ କରି ଆଉଟ ହୋଇଥିଲେ। ଜୋଫ୍ରା ଆର୍ଚର, କାର୍ତ୍ତିକ ତ୍ୟାଗୀ ଓ ଶ୍ରେୟାସ ଗୋପାଳ ଏହି ତିନୋଟି ଉଇକେଟ ନେଇଥିଲେ। ଟାଇଟ୍‌ ବୋଲିଂ ଯୋଗୁ ୮ ଓଭରରେ ଯାଇ ଚେନ୍ନାଇ ସ୍କୋର ୫୦ ସ୍ପର୍ଶ କରିଥିଲା। ଅମ୍ବାତି ରାୟୁଡ଼ୁ ଓ ଧୋନୀଙ୍କ ଉପରେ ଇନିଂସ ଗଢ଼ିବା ଭାର ପଡ଼ିଥିଲା। ରାୟୁଡ଼ୁ ମାତ୍ର ୧୩ରନ କରି ରାହୁଲ ଟଓ୍ବୋଟିଆଙ୍କ ବଲ୍‌ରେ ଆଉଟ ହେବାରୁ ଚେନ୍ନାଇର ବ୍ୟାଟିଂ ମେରୁଦଣ୍ଡ ଭାଙ୍ଗି ଯାଇଥିଲା। ୧୦ ଓଭର ବେଳକୁ ସୁପରକିଙ୍ଗ୍ସ ସ୍କୋର ୫୬/୪ ହୋଇଥିଲା। ଦୁଇ ଅଭିଜ୍ଞ ଖେଳାଳି ଧୋନୀ ଓ ରବୀନ୍ଦ୍ର ଜାଡେଜା ଧିମା ଖେଳିଥିଲେ। ୧୭ ଓଭରରେ ଯାଇ ଚେନ୍ନାଇ ସ୍କୋର ୧୦୦ ଛୁଇଁଥିଲା। ୫ମ ଉଇକେଟରେ ୫୧ ରନର ଭାଗୀଦାରି ପରେ ଧୋନୀ ରନ ଆଉଟ ହୋଇ ଯାଇଥିଲେ। ସେ ୨୮ ବଲ୍‌ରୁ ୨୮ (୨ ଚୌକା) ରନ କରିଥିଲେ। ଜାଡେଜା ଦଳ ପକ୍ଷରୁ ସର୍ବାଧିକ ୩୦ ବଲ୍‌ରୁ ୩୫(୪ ଚୌକା) ରନକରି ଅପରାଜିତ ରହିଥିଲେ। ଚେନ୍ନାଇ ୨୦ ଓଭରରେ ୫ ଉଇକେଟ ହରାଇ ୧୨୫ ରନ କରିଥିଲା। ଚଳିତ ସିଜନରେ ପ୍ରଥମେ ବ୍ୟାଟିଂ କ୍ଷେତ୍ରରେ ଏହା ସବୁଠାରୁ କମ୍‌ ସ୍କୋର। କେଦାର ଯାଦବ ୭ ବଲ୍‌ ଖେଳିଥିଲେ ହେଁ ୪ ରନରେ ଅପରାଜିତ ରହିଥିଲେ। ରାଜସ୍ଥାନ ପକ୍ଷରୁ ଦୁଇ ସ୍ପିନର ଗୋପାଳ ଓ ଟଓ୍ବୋଟିଆ ଚମତ୍କାର ବୋଲିଂ କରି ୪ ଓଭର ସ୍ପେଲ୍‌ରେ ଯଥାକ୍ରମେ ୧୪ ଓ ୧୮ ରନ ଦେଇ ଗୋଟିଏ ଲେଖାଏ ଉଇକେଟ ନେଇଥିଲେ। ଆର୍ଚର ଓ ତ୍ୟାଗୀ ଅନ୍ୟ ୨ଟି ଉଇକେଟ ନେଇଥିଲେ।
ଚେନ୍ନାଇପରି ରାଜସ୍ଥାନ ମଧ୍ୟ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟରେ ପଡ଼ିଥିଲା। ପ୍ରତିପକ୍ଷ ବୋଲର ଦୀପକ ଚହର ଓ ଜୋଶ୍‌ ହାଜେଉଉଡ୍‌ ଘାତକ ବୋଲିଂ କରି ୨୮ ରନ ମଧ୍ୟରେ ରାଜସ୍ଥାନ ଟପ୍‌ ଅର୍ଡରର ୩ ବ୍ୟାଟ୍ସମ୍ୟାନଙ୍କୁ ପ୍ୟାଭିଲିୟନ ଫେରାଇ ଦେଇଥିଲେ। ବେନ୍‌ ଷ୍ଟୋକ୍ସ ୧୯, ରବିନ ଉଥପ୍ପା ୪ ରନ କରିଥିବାବେଳେ ସଞ୍ଜୁ ସାମସନ ଖାତାଖୋଲିପାରି ନ ଥିଲେ। ମାତ୍ର ଜୋଶ୍‌ ବଟଲର ବିସ୍ଫୋରକ ବ୍ୟାଟିଂ କରି ଦଳକୁ ସହଜ ବିଜୟ ଆଡ଼କୁ ନେଇ ଯାଇଥିଲେ। ତାଙ୍କୁ ଉପଯୁକ୍ତ ସହାୟତା କରିଥିଲେ ଅଧିନାୟକ ଷ୍ଟିଭ୍‌ ସ୍ମିଥ। ଦୁହେଁ ଅସମାପ୍ତ ୪ର୍ଥ ଉଇକେଟରେ ୯୮ ରନ ଯୋଗକରି ଚେନ୍ନାଇ ବୋଲରଙ୍କୁ ନିରାଶ କରିଥିଲେ। ବୋଲରଙ୍କୁ ସୁହାଉଥିବା ସ୍ଲୋ ପିଚ୍‌ରେ ଧୂଆଁଧାର ବ୍ୟାଟିଂ କରି ବଟଲର ୭୦ ରନରେ ଅପରାଜିତ ରହି ମ୍ୟାଚ ବିଜେତା ସାବ୍ୟସ୍ତ ହୋଇଥିଲେ। ସେ ୪୮ଟି ବଲ୍‌ ଖେଳି ନିଜ ଇନିଂସ ମଧ୍ୟରେ ୭ ଚୌକା ଓ ୨ ଛକା ମାରିଥିଲେ। ସ୍ମିଥ ୩୪ ବଲ୍‌ରୁ ୨୬(୨ ଚୌକା) ରନରେ ଅପରାଜିତ ଥିଲେ। ଦୀପକ ଓ ହାଜେଲଉଡ୍‌ଙ୍କୁ ଛାଡ଼ିଦେଲେ ଅନ୍ୟ ସମସ୍ତ ଚେନ୍ନାଇ ବୋଲର ପ୍ରଭାବହୀନ ରହିଥିଲେ।
ସଂକ୍ଷିପ୍ତ ସ୍କୋର
ଚେନ୍ନାଇ ସୁପରକିଙ୍ଗ୍ସ ୨୦ ଓଭରରେ ୧୨୫/୫ (ଜାଡେଜା-୩୫*, ଧୋନୀ-୨୮, ସାମ୍‌ କୁରାନ-୨୨, ଗୋପାଳ-୧/୧୪, ଟଓ୍ବୋଟିଆ-୧/୧୮, ଆର୍ଚର-୧/୨୦, ତ୍ୟାଗୀ-୧/୩୫)। ରାଜସ୍ଥାନ ୧୭.୩ ଓଭରରେ ୧୨୬/୩ (ବଟଲର-୭୦*, ସ୍ମିଥ-୨୬*, ଦୀପକ-୨/୧୮, ହାଜେଲଉଡ୍‌-୧/୧୯)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ମିତାଲି ରାଜଙ୍କୁ ବିବାହ କରିବେ ଶିଖର ଧାଓ୍ବନ? ‘ଗବ୍ବର’ କହିଲେ ସତ କଥା

ନୂଆଦିଲ୍ଲୀ,୨୫।୫: ଟିମ ଇଣ୍ଡିଆରୁ ବାଦ୍‌ ପଡିଥିବା ଓପନର୍‌ ଶିଖର ଧାୱନ ତାଙ୍କ ଶୋ’ ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି। ଆନ୍ତର୍ଜାତୀୟ କ୍ରିକେଟକୁ ଧାୱନଙ୍କ ପ୍ରତ୍ୟାବର୍ତ୍ତନ ବର୍ତ୍ତମାନ...

ତୀରନ୍ଦାଜ ବିଶ୍ୱକପ ୨୦୨୪ ରେ ସ୍ୱର୍ଣ୍ଣ ପଦକ ଜିତିଲା ଭାରତୀୟ ମହିଳା କମ୍ପାଉଣ୍ଡ ଟିମ୍

ୟେଚେନ୍ (ଦକ୍ଷିଣ କୋରିଆ),୨୫।୫: ଭାରତର ତିନି ଷ୍ଟାର ଜ୍ୟୋତି ସୁରେଖା ଭେନ୍ନାମ୍, ପରନୀତ କୌର ଏବଂ ଆଦିତ୍ୟ ସ୍ବାମୀ କ୍ରମାଗତ ତୃତୀୟ ତୀରନ୍ଦାଜ ବିଶ୍ୱକପ୍ ସ୍ୱର୍ଣ୍ଣ...

‘ଭାରତୀୟ କ୍ରିକେଟକୁ ଭଲଭାବେ ବୁଝୁଥିବା ବ୍ୟକ୍ତି କୋଚ୍‌ ହେବେ’

ମୁମ୍ବାଇ, ୨୫।୫: ଭାରତୀୟ କ୍ରିକେଟ ଦଳର ପରବର୍ତ୍ତୀ କୋଚ୍‌ ପାଇଁ ପୂର୍ବତନ ଅଷ୍ଟ୍ରେଲୀୟ ଖେଳାଳିଙ୍କୁ ଅଫର ଦିଆଯାଇଥିଲା ବୋଲି ଯାହା ଆଲୋଚନା ହେଉଛି ତାହାକୁ ଭାରତୀୟ...

ରବିବାର ହାଇଦ୍ରାବାଦ-କୋଲକାତା ଫାଇନାଲ

ଚେନ୍ନାଇ, ୨୫।୫: ବୋଲରଙ୍କ ପ୍ରଭାବୀ ପ୍ରଦର୍ଶନ ସତ୍ତ୍ୱେ ବ୍ୟାଟରଙ୍କ ବିଫଳତା ଯୋଗୁ ରାଜସ୍ଥାନ ରୟାଲ୍ସ ଚଳିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ପ୍ଲେ-ଅଫ୍‌ରୁ ବିଦାୟ ନେଇଛି।...

ଓଡ଼ିଶାର ଆହାନ ମିଶ୍ରଙ୍କୁ ତ୍ରିମୁକୁଟ

ଭୁବନେଶ୍ୱର, ୨୫।୫ (ତପନ ସ୍ବାଇଁ): କଳିଙ୍ଗ ଷ୍ଟାଡିୟମ ଟେନିସ କମ୍ପ୍ଲେକ୍ସରେ ଅନୁଷ୍ଠିତ ୧୪ ଓ ୧୬ ବର୍ଷରୁ କମ୍‌ ଚାମ୍ପିୟନଶିପ୍‌ ସିରିଜ (ସିଏସ୭) ଟେନିସ ଟୁର୍ନାମେଣ୍ଟରେ...

ଟି୨୦ ବିଶ୍ୱକପ୍‌ରେ ପ୍ରମୁଖ ଭୂମିକା ଗ୍ରହଣ କରିବେ ଆଫ୍ରିଦୀ

ଦୁବାଇ, ୨୫ା୫ : ପୂର୍ବତନ ଅଲରାଉଣ୍ଡର ଶାହିଦ ଆଫ୍ରିଦୀ ଆସନ୍ତା ଆଇସିସି ଟି୨୦ କ୍ରିକେଟ ବିଶ୍ୱକପ୍‌ରେ ଏକ ପ୍ରମୁଖ ଭୂମିକା ଗ୍ରହଣ କରିବାକୁ ଯାଉଛନ୍ତି। ତାଙ୍କୁ...

ଲଜ୍ଜାଜନକ ରେକର୍ଡ ନିଜ ନାମରେ କଲେ ଚହଲ

ଚେନ୍ନାଇ,୨୪।୫: ଆଇପିଏଲ୍‌ ୨୦୨୪ରେ ଦମ୍‌ଦାର ଆରମ୍ଭ କରିଥିଲେ ଯୁଜବେନ୍ଦ୍ର ଚହଲ। ଏହାକୁ ନେଇ ଟି୨୦ ବିଶ୍ୱକପ୍‌ ଟିମ୍‌ରେ ତାଙ୍କୁ ଚୟନ କରାଯାଇଛି। ହେଲେ ଆଇପିଏଲ୍‌ର ଦ୍ୱିତୀୟ...

ଟି ୨୦ ବିଶ୍ୱକପ୍‌ ପାଇଁ ଟିମ୍‌ ଘୋଷଣା କଲା ପାକିସ୍ତାନ, ୨ ବଡ଼ ଖେଳାଳିଙ୍କୁ ବାହାର କଲେ ବାବର ଆଜମ୍‌

ଇସଲାମାବାଦ,୨୪।୫: ଟି -୨୦ ବିଶ୍ୱକପ ପାଇଁ ପାକିସ୍ତାନ ଦଳ ଘୋଷଣା କରାଯାଇଛି। ୧୫ ସଦସ୍ୟ ବିଶିଷ୍ଟ ଦଳରେ ପାକିସ୍ତାନ ଶକ୍ତିଶାଳୀ ବ୍ୟାଟ୍ସମ୍ୟାନ ତଥା ଚମତ୍କାର ବୋଲରଙ୍କୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri