ବାପାଙ୍କଠୁ ହାରିଗଲେ ବ୍ରିଟ୍‌ନି

ଲସ୍‌ ଏଞ୍ଜେଲ୍‌ସ, ୨ା୭:ନିଜ ଜୀବନରେ ବାପାଙ୍କ ହସ୍ତକ୍ଷେପଠାରୁ ମୁକ୍ତି ଚାହୁଁଥିବା ଆମେରିକାର ପପ୍‌ ସିଙ୍ଗର୍‌, ଡ୍ୟାନ୍ସର ତଥା ଅଭିନେତ୍ରୀ ବ୍ରିଟ୍‌ନି ସ୍ପିୟର୍ସ ଆଇନଗତ ଲଢ଼େଇରେ ହାରିଯାଇଛନ୍ତି। ୧୩ ବର୍ଷ ଧରି ଏକପ୍ରକାର ବନ୍ଦୀ ଜୀବନ ବିତାଉଥିବା ବ୍ରିଟ୍‌ନି ପୂର୍ବଭଳି ପିତା ଜେମ୍ସ ‘ଜେମି’ ପରନେଲ୍‌ ସ୍ପିୟର୍ସଙ୍କ ‘କଞ୍ଜରଭେଟରଶିପ୍‌’ରେ ରହିବେ ବୋଲି ଲସ୍‌ ଏଞ୍ଜେଲ୍‌ସର ଏକ କୋର୍ଟ ରାୟ ଦେଇଛନ୍ତି। ଫଳରେ ସ୍ବାଧୀନ ଭାବେ ବଞ୍ଚତ୍ବାକୁ ଚାହୁଁଥିବା ୩୯ ବର୍ଷୀୟା ବ୍ରିଟ୍‌ନିଙ୍କ ଆଶା ଏବେ ମଉଳିଯାଇଛି।
୨୦୦୮ରେ ସ୍ବାମୀ କେଭିନ ଫେଡର୍‌ଲାଇନ୍‌ଙ୍କୁ ଛାଡ଼ପତ୍ର ଦେବା ପରେ ବ୍ରିଟ୍‌ନିଙ୍କ ବ୍ୟକ୍ତିଗତ ଜୀବନଠାରୁ ଆରମ୍ଭ କରି ତାଙ୍କ ସମ୍ପତ୍ତି ଉପରେ ବାପା ଜେମି ସ୍ପିୟର୍ସ ଆଇନଗତ ଅଧିକାର ଜମାଇଆସିଛନ୍ତି। ଏହା ବିରୋଧରେ ବ୍ରିଟନି କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ତାଙ୍କ ଜୀବନ ଓ ସମ୍ପତ୍ତି ଜଡ଼ିତ ସମସ୍ତ ନିଷ୍ପତ୍ତି ସେ ନିଜେ ନେବାକୁ ଚାହାନ୍ତି ବୋଲି ଅଦାଲତଙ୍କୁ କହିଥିଲେ। ଏହା ସତ୍ତ୍ୱେ ଅଦାଲତ ତାଙ୍କ ଆବେଦନକୁ ଖାରଜ କରି ଦେଇଛନ୍ତି। ଜୁନ୍‌ ୨୩ରେ ଅଦାଲତଙ୍କୁ ବ୍ରିଟ୍‌ନି କହିଥିଲେ, ଇଚ୍ଛା ବିରୋଧରେ ତାଙ୍କୁ କାମ ପାଇଁ ଯିବାକୁ ବାପା ଜେମି ବାଧ୍ୟ କରୁଛନ୍ତି। ତାଙ୍କୁ ଜବରଦସ୍ତି କିଛି ଔଷଧ ଖାଇବାକୁ ଦିଆଯାଉଛି। ଏପରି କି ପୁନଃ ବିବାହ କିମ୍ବା ସନ୍ତାନ ଜନ୍ମ ଇଚ୍ଛା ପୂରଣ କରିବାକୁ ଦିଆଯାଉନାହିଁ। ତେଣୁ ତାଙ୍କୁ ମୁକ୍ତ କରି ସ୍ବାଧୀନ ସାମାଜିକ ଜୀବନ ବଞ୍ଚିବା ଏବଂ ନିଜ ଅର୍ଜିତ ଅର୍ଥ ଇଚ୍ଛା ଅନୁସାରେ ବ୍ୟୟ କରିବା ଅଧିକାର ଦେବାକୁ ସେ ଏକ ଭିଡିଓ ମାଧ୍ୟମରେ ଅଦାଲତଙ୍କୁ ଗୁହାରି କରିଥିଲେ। ବ୍ରିଟ୍‌ନିଙ୍କ ବାପା ମଧ୍ୟ ଜଣେ ପପ୍‌ ସେନ୍‌ସେସନ୍‌। ତାଙ୍କ ସଂରକ୍ଷଣରୁ ମୁକ୍ତି ନ ପାଇବା ପର୍ଯ୍ୟନ୍ତ ସେ କୌଣସି କାର୍ଯ୍ୟକ୍ରମ କରିବେ ନାହିଁ ବୋଲି ବ୍ରିଟ୍‌ନି ୨୦୧୯ରେ ଘୋଷଣା କରିଥିଲେ।

କ’ଣ ଘଟିଥିଲା
୨୦୦୮ରେ ବ୍ରିଟ୍‌ନି ୨୭ ବର୍ଷର ହୋଇଥିବାବେଳେ ସ୍ବାମୀ କେଭିନ ଫେଡର୍‌ଲାଇନ୍‌ଙ୍କଠାରୁ ଅଲଗା ହୋଇଯାଇଥିଲେ। କେଭିନଙ୍କୁ ନିଜ ସନ୍ତାନଙ୍କୁ ହସ୍ତାନ୍ତର କରିବାକୁ ମନା କରିବା ପରେ ବ୍ରିଟ୍‌ନି ମାନସିକ ରୋଗରେ ପୀଡ଼ିତ ଥିବା କହି ତାଙ୍କୁ ରାତିଅଧରେ ହସ୍ପିଟାଲ ନିଆଯାଇଥିଲା। ବ୍ରିଟନିଙ୍କ ମାନସିକ ସ୍ଥିତି ଭଲ ନ ଥିବା ଏବଂ ସେ ଡ୍ରଗ୍ସ ବ୍ୟବହାର କରୁଥିବା ନେଇ ପୋଲିସ କହିବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏଥିଯୋଗୁ ସେ ନିଜ ୨ ପିଲାଙ୍କ ଦାୟିତ୍ୱ ନେବାରୁ ବଞ୍ଚିତ ହୋଇଥିଲେ। ପରେ ବାପା ଜେମି ସାମୟିକ ଭାବେ ତାଙ୍କ କଞ୍ଜରଭେଟର ହେବା ପାଇଁ କୋର୍ଟରେ ଆବେଦନ କରିଥିଲେ। ଏହି ଘଟଣା ପରେ ବ୍ରିଟ୍‌ନି କାମକୁ ଫେରିଥିଲେ ହେଁ ପୁଣି ହସ୍ପିଟାଲ ଯାଇଥିଲେ। ବ୍ରିଟ୍‌ନି ମେଡିସିନ ଖାଇବାକୁ ମନା କରୁଥିବା ଦର୍ଶାଇ ବାପା ଜେମି କୋର୍ଟକୁ ଯାଇଥିଲେ। ୨୦୨୦ ନଭେମ୍ବରରେ କୋର୍ଟ ବେସେମେର୍‌ ଟ୍ରଷ୍ଟକୁ ବ୍ରିଟ୍‌ନିଙ୍କ କୋ-କଞ୍ଜରଭେଟର ଦାୟିତ୍ୱ ଦେଇଥିଲେ। କଞ୍ଜରଭେଟର ହେବା ପରେ ଜେମି ତାଙ୍କ ଉପରେ ଅତ୍ୟାଚାର କରୁଥିବା ବ୍ରିଟ୍‌ନି ଅଭିଯୋଗ ଆଣିଥିଲେ।


Enter your email to get our daily news in your inbox.

All Right Reserved By Dharitri.Com

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ସୁନା, ରୁପା ମୂଲ୍ୟରେ ଲଗାତର ହ୍ରାସ

ନୂଆଦିଲ୍ଲୀ,୧୭ା୧୧: ଗତ କିଛିଦିନ ଧରି ସୁନା ଓ ରୁପା ମୂଲ୍ୟ ହ୍ରାସ ପାଇ ଆସିଥିଲା ବେଳେ ସୋମବାର ଉଭୟ ଧାତୁ ମୂଲ୍ୟରେ ପୁଣି ହ୍ରାସ ଘଟିଛି। ଗତ…

ନ୍ୟୁଜିଲାଣ୍ଡକୁ ୪୪୦ ଭୋଲ୍ଟର ଝଟ୍‌କା: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ବାଦ୍‌ ପଡ଼ିଲେ ଏହି ଖେଳାଳି

ନୂଆଦିଲ୍ଲୀ,୧୭।୧୧: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ନ୍ୟୁଜିଲାଣ୍ଡକୁ ଶକ୍ତ ଧକ୍କା ଲାଗିଛି। ନଭେମ୍ବର ୧୫ରେ ଖେଳାଯାଇଥିବା ପଞ୍ଚମ ଦିନିକିଆ ମ୍ୟାଚ୍‌ରେ ଆହତ ହୋଇଥିବା…

ଜୀବନ୍ତ ଫେରି ନ ପାରେ: ଇମ୍ରାନ୍‌ ଖାନ୍‌

ଇସ୍‌ଲାମାବାଦ,୧୭ା୧୧(ପି.ଟି.): ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଦେଶର ପ୍ରଧାନ ବିଚାରପତି ଏବଂ ଅନ୍ୟ ମୁଖ୍ୟ ବିଚାରପତିମାନଙ୍କୁ ଏକ ଖୋଲା ଚିଠି ଲେଖି ତାଙ୍କ…

ମା’ଙ୍କ ପୁସ୍ତକ ଉନ୍ମୋଚନ ବେଳେ ରାହୁଲ ଭାବବିହ୍ବଳ

ନୂଆଦିଲ୍ଲୀ,୧୭ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ଲିଖିତ ଜୀବନୀ ପୁସ୍ତକ ‘ବିଲଙ୍ଗିଙ୍ଗ୍‌: ଏ ଜର୍ନି ଅଫ୍‌ ଲଭ୍‌’ର ଆନୁଷ୍ଠାନିକ ଉନ୍ମୋଚନ ସୋମବାର ନୂଆଦିଲ୍ଲୀରେ ହୋଇଛି। ଏହି କାର୍ଯ୍ୟକ୍ରମରେ…

ଆଜି ଭୀଷଣ ବାତ୍ୟା: ୨୦ରେ ସ୍ଥଳଭାଗ ଛୁଇଁବ, ଏହି ଦିନଠାରୁ ବଢିବ ବର୍ଷା

ଭୁବନେଶ୍ୱର, ୧୭ା୧୧(ସୌମ୍ୟରଞ୍ଜନ ରାଉତ):ବଙ୍ଗୋପସାଗରରେ ଘନୀଭୂତ ହେଉଛି ଗଭୀର ଅବପାତ। ଆଗାମୀ କିଛି ଘଣ୍ଟା ମଧ୍ୟରେ ଏହା ବାତ୍ୟାର ରୂପ ନେବା ସହ ୧୭ ତାରିଖ ସା ସୁଦ୍ଧା…

ଏଆଇ ଯୋଗାଣ ଶୃଙ୍ଖଳ ସୁରକ୍ଷା ଘୋଷଣାନାମାରେ ଭାରତର ସ୍ବାକ୍ଷର

ଓ୍ବାଶିଂଟନ,୧୭ା୧୧(ପି.ଟି.): ନୂତନ ପ୍ରଯୁକ୍ତିବିଦ୍ୟା କ୍ଷେତ୍ରରେ ଚାଇନା ସହ ବଢ଼ୁଥିବା ପ୍ରତିଦ୍ୱନ୍ଦ୍ୱିତାକୁ ଦୃଷ୍ଟିରେ ରଖି କୃତ୍ରିମ ବୁଦ୍ଧିମତ୍ତା (ଏଆଇ) ସମ୍ବନ୍ଧୀୟ ସାମଗ୍ରୀ ଓ ବ୍ୟବସ୍ଥାର ଯୋଗାଣ ଶୃଙ୍ଖଳକୁ ସୁରକ୍ଷିତ…

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?