ମୁମ୍ବାଇ,୫।୬:ଏବେ ସୋସିଆଲ୍ ମିଡ଼ିଆରେ ଏକ ବିବାହ ଭିଡ଼ିଓ ବେଶ୍ ଭାଇରାଲ ହେବାରେ ଲାଗିଛି। ବିବାହରେ ମଦ ନିଶାରେ ଚୁର୍ ଥିବା ବର ବିଚରା କନ୍ୟା ବଦଳରେ ଶାଶୁଙ୍କୁ ବରଣମାଳା ପିନ୍ଧାଇଛନ୍ତି। ଏହି ଭିଡ଼ିଓକୁ ଇନଷ୍ଟାଗ୍ରାମ୍ରେ ଅପଲୋଡ୍ କରାଯାଇଛି। ତେବେ ବିବାହ କେଉଁଠି ହେଉଥିଲା ଏବଂ ବର ତଥା କନ୍ୟାଙ୍କ ସମ୍ପର୍କରେ ଭିଡ଼ିଓରେ କୌଣସି ସୂଚନା ଦିଆଯାଇ ନାହିଁ। ବିବାହରେ ଉପସ୍ଥିତ ଥିବା ଅତିଥିମାନେ ବରଙ୍କ ଏଭଳି ଆଚରଣ ଦେଖି ହସୁଥିବାରୁ ଦୃଶ୍ୟ ଭିଡ଼ିଓରେ ଦେଖିବାକୁ ମିଳୁଛି। ବର କ୍ୟାମେରା ଆଡ଼େ ଅନାଇ ଶାଶୁଙ୍କ ବେକରେ ବରଣମାଳା ପିନ୍ଧାଉଥିବା ବେଳେ ଶାଶୁ ଏହାକୁ ହଟାଇଦେଇଥିଲେ। ବିଚରା ବର କନ୍ୟାଙ୍କୁ ବରଣମାଳା ପିନ୍ଧାଇବା ପୂର୍ବରୁ ତଳେ ନିଶାରେ ପଡ଼ିଯାଇଥିଲେ।
