ନୂଆଦିଲ୍ଲୀ,୨୩।୫: ବାହାଘର ପରେ ବର କନ୍ୟା ପ୍ରତି ସର୍ବସାଧାରଣରେ ଭଲ ପାଇବା ଦେଖାଇବା ମହଙ୍ଗା ସାବ୍ୟସ୍ତ ହୋଇଛି। ବର କନ୍ୟାକୁ ବିବାହ ସମୟରେ କିସ୍ କରିବା ପରେ ଦୁଇପକ୍ଷ ଢେଙ୍ଗାବାଡି ଧରି ମୁହାଁମୁହିଁ ହୋଇଛନ୍ତି।
ଉତ୍ତରପ୍ରଦେଶ ହାପୁରର ଅଶୋକ ନଗରରେ ଅନୁଷ୍ଠିତ ବିବାହ ଯୁଦ୍ଧକ୍ଷେତ୍ରରେ ପରିଣତ ହୋଇଥିଲା କାରଣ କନ୍ୟା ପରିବାର ବରଯାତ୍ରୀଙ୍କ ସମ୍ପର୍କୀୟଙ୍କୁ ମଞ୍ଚ ଉପରେ ମାଡ ମାରିଥିଲେ।
ବରର ଏପରି କାର୍ଯ୍ୟରେ କ୍ରୋଧିତ ହୋଇ ଉଭୟ ପକ୍ଷ ମଧ୍ୟରେ ଯୁକ୍ତିତର୍କ ହୋଇଥିଲା। କିଛି ସମୟ ପରେ କନ୍ୟା ପରିବାର ସଦସ୍ୟ ବାଡ଼ି ଧରି ମଞ୍ଚ ଉପରକୁ ଯାଇ ବରର ପରିବାରକୁ ପିଟିଥିଲେ। ଏହି ସଂଘର୍ଷରେ ବରର ପିତାଙ୍କ ସମେତ ୬ ଜଣ ଆହତ ହୋଇଛନ୍ତି।
ସଂଘର୍ସ ପରେ ପୋଲିସକୁ ଡକାଯାଇ ଉଭୟ ପରିବାରର ୭ ଜଣଙ୍କୁ ଅଟକ ରଖାଯାଇଥିଲା। ଆହତମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ପୋଲିସର ସୂଚନାନୁସାରେ, ବରର ପିତା ସୋମବାର ରାତିରେ ଦୁଇ ଝିଅଙ୍କ ବିବାହର ବ୍ୟବସ୍ଥା କରିଥିଲେ। ପ୍ରଥମ ବିବାହରେ କୌଣସି ଅସୁବିଧା ବିନା ସମାପ୍ତ ହୋଇଥିବାବେଳେ ଦ୍ୱିତୀୟ ବିବାହରେ ବିବାଦ ସୃଷ୍ଟି ହୋଇଥିଲା।
କନ୍ୟା ପରିବାର ଅଭିଯୋଗ କରିଛନ୍ତି ଯେ ବର ମଞ୍ଚରେ ଜବରଦସ୍ତ କିସ୍ କରିଥିବାବେଳେ ବର କହିଛନ୍ତି ଯେ ବରମାଳା ବଦଳ ପରେ କନ୍ୟା କିସ୍ କରିବାକୁ ଜିଦ୍ ଧରିଥିଲେ।
ହାପୁରର ବରିଷ୍ଠ ପୋଲିସ ଅଧିକାରୀ ରାଜକୁମାର ଅଗ୍ରୱାଲ କହିଛନ୍ତି ଯେ ଏପର୍ଯ୍ୟନ୍ତ ଉଭୟ ପରିବାର ପକ୍ଷରୁ କୌଣସି ଲିଖିତ ଅଭିଯୋଗ ଆସିନାହିଁ ଏବଂ ଅଭିଯୋଗ ନ ହେବା ପଯ୍ୟନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ।
ତେବେ ଭାରତୀୟ ଦଣ୍ଡ ସଂହିତା ଧାରା ୧୫୧ ଅନୁଯାୟୀ ଜନସାଧାରଣଙ୍କ ଶାନ୍ତି ଭଙ୍ଗ କରିଥିବା ଅଭିଯୋଗରେ ଏହି ୬ ଜଣଙ୍କ ବିରୋଧରେ ଅଭିଯୋଗ ହୋଇଛି।
