ବେଙ୍ଗାଲୁରୁ,୨୪।୧ : ସୁପ୍ରିମକୋର୍ଟରେ ମହାରାଷ୍ଟ୍ର ସହ ସୀମା ବିବାଦ ସହ ଜଡିତ ମାମଲାର ମୁକାବିଲା ପାଇଁ କର୍ନାଟକ ସରକାର ଜୋରସୋର ଉଦ୍ୟମ କରୁଛନ୍ତି। ସୀମା ବିବାଦ ପାଲଟିଛି ସମ୍ମାନର ପ୍ରଶ୍ନ ପାଲଟିଛି। ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇ ଚିନ୍ତା କରୁଛନ୍ତି ଯେ, ଟଙ୍କା ଯାଉ ପଛେ ନାକ ନ କଟୁ।
ଏହି ମର୍ମରେ ରାଜ୍ୟ ସରକାର ମୁକୁଲ ରୋହତଗୀଙ୍କ ସମେତ ବରିଷ୍ଠ ଆଇନଜୀବୀ ଦଳ ପାଇଁ ଦିନକୁ ପ୍ରାୟ ୬୦ ଲକ୍ଷ ଟଙ୍କା ବୃତ୍ତିଗତ ଫି ଦେବାକୁ ସ୍ଥିର କରିଛନ୍ତି। ସୀମା ବିବାଦ ଉପରେ ମହାରାଷ୍ଟ୍ର ସରକାରଙ୍କ ଦ୍ୱାରା ଦାଖଲ ହୋଇଥିବା ମୂଳ ମକଦ୍ଦମା ନମ୍ବର ୪/୨୦୦୪ ରେ ସୁପ୍ରିମକୋର୍ଟରେ କର୍ନାଟକର ପ୍ରତିନିଧିତ୍ୱ କରିବାକୁ ନ୍ୟାୟିକ ଦଳ ପାଇଁ ସର୍ତ୍ତ ଏବଂ ବୃତ୍ତିଗତ ଶୁଳ୍କ ଲାଗି ଆଇନ ବିଭାଗର ଏକ ନିର୍ଦ୍ଦେଶ ସ୍ଥିର ହୋଇଛି।
ଜାନୁଆରୀ ୧୮ର ଆଦେଶ ଅନୁଯାୟୀ, ବରିଷ୍ଠ ଆଇନଜୀବୀ ମୁକୁଲ ରୋହତଗୀଙ୍କୁ ସର୍ବୋଚ୍ଚ ଅଦାଲତରେ ହାଜର ହେବା ପାଇଁ ପ୍ରତିଦିନ ୨୨ ଲକ୍ଷ ଟଙ୍କା ଏବଂ ଆଲୋଚନା ତଥା ଅନ୍ୟାନ୍ୟ କାର୍ଯ୍ୟ ପାଇଁ ପ୍ରତିଦିନ୫.୫ ଲକ୍ଷ ଟଙ୍କା ଦିଆଯିବ। ଅନ୍ୟ ଜଣେ ଓକିଲ ଶ୍ୟାମ ଦେୱାନଙ୍କୁ କୋର୍ଟରେ ହାଜର ହେବା ପାଇଁ ବୈନିକ ୬ ଲକ୍ଷ ଟଙ୍କା, ପରୀକ୍ଷା ପ୍ରସ୍ତୁତି ତଥା ଅନ୍ୟାନ୍ୟ କାର୍ଯ୍ୟ ପାଇଁ ଦିନକୁ ୧.୫ ଲକ୍ଷ ଟଙ୍କା ଏବଂ ଆଉଟଷ୍ଟେଶନ ଯାତ୍ରା ପାଇଁ ଦିନ ପିଛା ୧୦ ଲକ୍ଷ ଟଙ୍କା ପ୍ରଦାନ କରାଯିବ। ହୋଟେଲ ସୁବିଧା ଏବଂ ବ୍ୟବସାୟ ଶ୍ରେଣୀର ବିମାନ ଯାତ୍ରା ଖର୍ଚ୍ଚ ସରକାର ବହନ କରିବେ।
