ନୂଆଦିଲ୍ଲୀ,୨୪।୧: ଗୁଗୁଲ୍ରୁ ୧୨ ହଜାର କର୍ମଚାରୀଙ୍କୁ ଛଟେଇ ନିଷ୍ପତ୍ତି ଉପରେ କମ୍ପାନୀର ସିଇଓ ସୁନ୍ଦର ପିଚାଇ ସ୍ପଷ୍ଟୀକରଣ ଦେଇଛନ୍ତି। ବାଧ୍ୟତାମୂଳକ ଭାବେ କମ୍ପାନୀକୁ ଏହି ନିଷ୍ପତ୍ତି ନେବାକୁ ପଡ଼ିଛି। ଯଦି ସେ ତାହା କରି ନ ଥାନ୍ତେ, ଖରାପ ସମୟ ଆସିଥାନ୍ତା। ସେହି ସମୟକୁ ଏଡ଼ାଇବା ପାଇଁ ଏଭଳି ନିଷ୍ପତ୍ତି ନେବାକୁ ପଡିଲା ବୋଲି ସେ କହିଛନ୍ତି ।
ପିଚାଇ ଏକ ଆଭ୍ୟନ୍ତରୀଣ ବୈଠକରେ କହିଛନ୍ତି, କର୍ମଚାରୀଙ୍କ ସଂଖ୍ୟାକୁ ୬ ପ୍ରତିଶତ ହ୍ରାସ କରିବାକୁ ନିଷ୍ପତ୍ତି ନେବା ପୂର୍ବରୁ ସେ କମ୍ପାନୀର ପ୍ରତିଷ୍ଠାତା ତଥା ବୋର୍ଡ ସହିତ ପରାମର୍ଶ କରିଥିଲେ। ଅଭିବୃଦ୍ଧି ମନ୍ଥର ହେବା ପରେ କମ୍ପାନୀ ଏହି ନିଷ୍ପତ୍ତି ନେଇ ନ ଥିଲେ ସମସ୍ୟା ଆହୁରି ଖରାପ ହେବାର ଆଶଙ୍କା ରହିଥିଲା।
ତେବେ ଜାନୁୟାରୀ ୨୦ରେ ଗୁଗୁଲ ୧୨,୦୦୦ କର୍ମଚାରୀଙ୍କୁ ଛଟେଇ କରିବାକୁ ନିଷ୍ପତ୍ତି ନେଇଥିଲା। ଏହାର ମୁଖ୍ୟ ପ୍ରଭାବ କେବଳ ଆମେରିକାରେ କାର୍ଯ୍ୟ କରୁଥିବା ଗୁଗୁଲ କର୍ମଚାରୀଙ୍କ ଉପରେ ପଡ଼ିବ ବୋଲି କୁହାଯାଇଥିଲା।
