ରୋମ୍, ୨୦ା୯ (ପି.ଟି.)-ଭାରତର ରୋହନ ବୋପାନ୍ନା ଓ କାନାଡାର ଡେନିସ୍ ଶାପୋଭାଲୋଭ ଏଠାରେ ଚାଲିଥିବା ଇଟାଲିଆନ ଓପନ ଟେନିସ ଟୁର୍ନାମେଣ୍ଟ ପୁରୁଷ ଡବଲ୍ସ ଇଭେଣ୍ଟରୁ ବିଦାୟ ନେଇଛନ୍ତି। ଅଣସିଡ୍ ଇଣ୍ଡୋ-କାନାଡିଆନ ଯୋଡ଼ି କ୍ୱାର୍ଟରଫାଇନାଲରେ ଫ୍ରେଞ୍ଚ୍ ଯୋଡ଼ି ଜେରେମି ଚାର୍ଡି ଏବଂ ଫେବ୍ରିସ୍ ମାର୍ଟିନଙ୍କଠାରୁ ୬-୪, ୫-୭, ୭-୧୦ ସେଟରେ ପରାସ୍ତ ହୋଇଯାଇଥିଲେ। ବୋପାନ୍ନା ଓ ଶାପୋଭାଲୋଭ ଏହି ଏଟିପି ମାଷ୍ଟର୍ସ ୧୦୦୦ ଇଭେଣ୍ଟର ଦ୍ୱିତୀୟ ରାଉଣ୍ଡରେ ଟପ୍ ସିଡ୍ ଜୁଆନ ସେବାଷ୍ଟିଆନ କାବାଲ ଏବଂ ରବର୍ଟ ଫାରାଙ୍କ ବିପକ୍ଷରେ ଚମକପ୍ରଦ ବିଜୟ ହାସଲ କରିଥିଲେ। ଇଣ୍ଡୋ-କାନାଡିଆନ୍ ଯୋଡ଼ି ନିକଟରେ ଅନୁଷ୍ଠିତ ହୋଇଯାଇଥିବା ୟୁଏସ୍ ଓପନ କ୍ୱାର୍ଟରଫାଇନାଲରେ ହାରିଯାଇଥିଲେ। ନେଦରଲାଣ୍ଡର ଜିନ୍ ଜୁଲିଏନ୍ ରୋଜର ଏବଂ ରୋମାନିଆର ହୋରିଆ ଟେକାଉଙ୍କଠାରୁ ୫-୭, ୫-୭ ସେଟ୍ରେ ପରାସ୍ତ ହୋଇଥିଲେ।
