ଭାରତୀୟ କ୍ରିକେଟ ଦଳର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ସ୍ତ୍ରୀ ତଥା ମଡେଲ ନତାଶା ଷ୍ଟାନକୋଭିକ ସୋସିଆଲ ମିଡିଆରେ ବହୁତ ସକ୍ରିୟ। ସବୁ ସମୟରେ ସେ ନିଜର ଫଟୋ ଏବଂ ଭିଡିଓ ଇନ୍ଷ୍ଟାଗ୍ରାମ୍ରେ ଶେୟାର କରିଥାନ୍ତି। ଏବେ ପୁଅ ଅଗସ୍ତ୍ୟା ପାଣ୍ଡ୍ୟାଙ୍କର ଏକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଏହି ଭିଡିଓକୁ ହାର୍ଦ୍ଦିକ ନିଜ ଇନ୍ଷ୍ଟାଗ୍ରାମ୍ରେ ଶେୟାର କରିଥିଲେ। ଭିଡିଓରେ ହାର୍ଦ୍ଦିକ ପୁଅ ଅଗସ୍ତ୍ୟକୁ କୋଳରେ ଧରି ଗେଲ କରୁଥିବାର ଦେଖିବାକୁ ମିଳୁଛି। କ୍ୟାପଶନରେ ସେ ଲେଖିଛନ୍ତି, ‘ମୋ ପୁଅ, ମୋ ହୃଦୟ, ମୋ ଦୁନିଆ’।
ଏହି କ୍ୟୁଟ୍ ଭିଡିଓକୁ ଦେଖି ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ପ୍ରତିକ୍ରିୟା ନ ଦେଇ ରହିପାରି ନାହାନ୍ତି। ସେ ଏକ ହାର୍ଟ ଇମୋଜି ପୋଷ୍ଟ କରିଛନ୍ତି। ହାର୍ଦ୍ଦିକଙ୍କ ପୁଅ ସହ ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି।
