ଜାକର୍ତ୍ତା, ୨୯।୫ : ଇଣ୍ଡୋନେସିଆର ସେଣ୍ଟ୍ରାଲ ସୁଲାୱେସି ପ୍ରଦେଶର ମାକାସର ଷ୍ଟ୍ରେଟରେ ଏକ ଡଙ୍ଗା ଓଲଟି ପଡ଼ିଛି। ଏହି ଘଟଣାରେ ୨୫ ଜଣ ନିୀଖୋଜ ଥିବାବେଳେ ୧୭ ଜଣଙ୍କୁ ଉଦ୍ଧାର କରାଯାଇଛି। ଡଙ୍ଗାରେ ୪୨ ଜଣ ଲୋକ ଥିଲେ। ଅଧିକାରୀମାନେ ରବିବାର ଏହି ସୂଚନା ଦେଇଛନ୍ତି।
ଦକ୍ଷିଣ ସୁଲାୱେସି ନ୍ୟାଶନାଲ ସର୍ଚ୍ଚ ଆଣ୍ଡ ରେସକ୍ୟୁ ଏଜେନ୍ସିର ମୁଖ୍ୟ ଜୁନାଡି କହିଛନ୍ତି ଯେ ଗୁରୁବାର ସକାଳେ ମାକାସରର ଏକ ବନ୍ଦରରୁ ପାଙ୍ଗକାପେ ରେଜେନ୍ସିର କାଲମାସ ଦ୍ୱୀପକୁ ଯାତ୍ରା କରୁଥିବା ସମୟରେ ୪୨ ଜଣ ଲୋକଙ୍କୁ ନେଇ ଯାଉଥିବା ଏହି ଡଙ୍ଗାଟି ଖରାପ ପାଗ ଯୋଗୁଁ ସମୁଦ୍ର ମଝିରେ ଓଲଟି ପଡ଼ିଥିଲା।
ଜୁନାଡି କହିଛନ୍ତି ଯେ ସର୍ଚ୍ଚ ଏବଂ ଉଦ୍ଧାରକାରୀ ସଂସ୍ଥା ଶନିବାର ଦିନ ବୁଡ଼ିଯାଇଥିବା ଡଙ୍ଗାର ଅବସ୍ଥିତି ବିଷୟରେ ନୂତନ ସୂଚନା ଗ୍ରହଣ କରିଛି ଏବଂ କର୍ମଚାରୀଙ୍କୁ ସେହି ଅଞ୍ଚଳକୁ ପଠାଇଛି। ନିଖୋଜ ଯାତ୍ରୀଙ୍କ ସନ୍ଧାନରେ ସ୍ଥାନୀୟ ଦୁଇଟି ମତ୍ସ୍ୟଜୀବୀ ଡଙ୍ଗା, ଅନ୍ୟ ଦୁଇଟି ଡଙ୍ଗା, ଏକ ସର୍ଚ୍ଚ ଏବଂ ଉଦ୍ଧାର ଡଙ୍ଗା ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ ଜାରି ରଖିଛି।
ସୂଚନାଯୋଗ୍ୟ, ଇଣ୍ଡୋନେସିଆରେ ଡଙ୍ଗା ବୁଡ଼ିବା ଘଟଣା ସାଧାରଣ। ୨୦୧୮ ରେ, ଉତ୍ତର ସୁମାତ୍ରା ପ୍ରଦେଶର ଏକ ଗଭୀର ଆଗ୍ନେୟଗିରି କ୍ରାଟର ହ୍ରଦରେ ଏକ ଡଙ୍ଗା ବୁଡ଼ି ୧୬୭ ଜଣଙ୍କର ମୃତ୍ୟୁ ଘଟିଥିଲା । ଡଙ୍ଗାରେ ପ୍ରାୟ ୨୦୦ ଲୋକ ଥିଲେ। ଫେବୃଆରୀ ୧୯୯୯ ରେ ଏକ ଯାତ୍ରୀବାହୀ ଡଙ୍ଗା ବୁଡ଼ି ଘଟଣାରେ ୩୩୨ ଜଣଙ୍କୁ ନେଇ ଯାଇଥିବା ଲୋକଙ୍କ ମଧ୍ୟରୁ କେବଳ ୨୦ ଜଣ ବଞ୍ଚିଥିଲେ।
