ଆଜିର ସମୟରେ ଦୁନିଆର ଅଧିକାଂଶ ଦେଶ ଉନ୍ନତି ପଥରେ ଆଗେଇଛନ୍ତି। ଲୋକଙ୍କ ଜୀବନଶୈଳୀ ସବୁକିଛି ଉନ୍ନତ ହୋଇଛି। ପୂର୍ବ କାଳରେ ଲୋକମାନେ ପାଦରେ ଚାଲି ଚାଲି ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯାଉଥିଲେ। କିନ୍ତୁ ସମୟ ବଢ଼ିବା ସହିତ ଗମନାଗମନର ମାର୍ଗ ବଦଳିବାକୁ ଲାଗିଲା। ଆଗକାଳରେ ଲୋକେ ଶଗଡ଼ରେ ଯାତାୟାତ କଲେ, ପରେ ଗାଡ଼ିମୋଟର ଏବଂ ବିମାନ ଚଳାଚଳ ହେଲା। ବିଶ୍ୱ ଏତେ ଅଗ୍ରଗତି କରିବା ପରେ ମଧ୍ୟ ଆଜି କିଛି ଦେଶ ଅଛି, ଯେଉଁଠାରେ ଗୋଟିଏ ବିମାନବନ୍ଦର ନାହିଁ।
ଏହି ଦେଶ ମଧ୍ୟରେ ଭାଟିକାନ ସିଟି ଅନ୍ୟତମ। ଏହା ଦୁନିଆର ସବୁଠାରୁ ଛୋଟ ଦେଶ ଭାବରେ ଜଣାଶୁଣା। କେବଳ ୧୦୯ ଏକର ଜମିରେ ଅବସ୍ଥିତ ଏହି ଦେଶରେ ଗୋଟିଏ ହେଲେ ବିମାନବନ୍ଦର ନାହିଁ। ଏଠାରେ ପହଞ୍ଚିବା ପାଇଁ ନିକଟତମ ବିମାନବନ୍ଦର ରୋମ୍ରେ ଅଛି। ରୋମ୍ରେ ଦୁଇଟି ଅନ୍ତର୍ଜାତୀୟ ବିମାନବନ୍ଦର ଅଛି। କିନ୍ତୁ ଭାଟିକାନରେ ଗୋଟିଏ ହେଲେ ନାହିଁ।
ମୋନାକୋ: ଏହା ପଶ୍ଚିମ ୟୁରୋପରେ ଅବସ୍ଥିତ ଏକ ଛୋଟ ଦେଶ। ଯାହା ଦୁନିଆର ଦ୍ୱିତୀୟ କ୍ଷୁଦ୍ର ଦେଶ ଭାବରେ ପରିଗଣିତ। ଏହା ଫ୍ରାନ୍ସ ଏବଂ ଇଟାଲୀ ମଧ୍ୟରେ ଅବସ୍ଥିତ। ବିଶ୍ୱର ଅନ୍ୟ ଦେଶ ତୁଳନାରେ ଏହାର ମୁଣ୍ଡପିଛା ଅଧିକ କୋଟିପତି ଅଛନ୍ତି। ଏହା ପରେ ମଧ୍ୟ ଏଠାରେ ଗୋଟିଏ ବିମାନ ବନ୍ଦର ନ ଥିବାରୁ ଏହା ଅତ୍ୟନ୍ତ ଚିନ୍ତାର ବିଷୟ।
