ଭଲସାଡ,୨୮ ।୨: ଗୁଜରାଟର ଭଲସାଡ ଜିଲାରେ ସୋମବାର ରାତିରେ ଏକ କେମିକାଲ କମ୍ପାନୀରେ ବିସ୍ଫୋରଣ ହୋଇଛି । ଏଥିରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୨ ଜଣ ଆହତ ହୋଇଛନ୍ତି । ପୋଲିସ କହିଛି ସରିଗାମ ଜିଆଇଇସି ଅଞ୍ଚଳରେ ଥିବା କମ୍ପାନୀରେ ସୋମବାର ରାତି ପ୍ରାୟ ୧୧ଟାରେ ଏହି ବିସ୍ଫୋରଣ ହୋଇଛି । ଏବେ ପର୍ଯ୍ୟନ୍ତ ଏହି ବିସ୍ଫୋରଣର କାରଣ ଜଣାପଡି ନାହିଁ । ଭଲସାଡର ପୋଲିସ ଅଧିକ୍ଷକ କହିଛନ୍ତି, ପେଟ୍ରୋ କେମିକାଲ କମ୍ପାନୀରେ ବ୍ଲାଷ୍ଟ ହେବା ପରେ ନିଆଁ ଲାଗିଯାଇଥିଲା । ସେ କହିଛନ୍ତି ଏଥିରେ ଆହତ ହୋଇଥିବା ୨ ଜଣଙ୍କୁ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି । ଏବେ ପର୍ଯ୍ୟନ୍ତ ମୃତକଙ୍କ ପରିଚୟ ମିଳିପାରି ନାହିଁ ।
