ରାୟପୁର: ସାଧାରଣତଃ ଘରକୁ ସଜାଇବା ପାଇଁ ଲୋକେ ଭିନ୍ନ ଭିନ୍ନ ରଙ୍ଗ ବ୍ୟବହାର କରିଥାନ୍ତି। ମାତ୍ର ଏମିତି ଏକ ଗାଁ ଅଛି, ଯେଉଁଠି ଘର ରଙ୍ଗ କରିବା ପାଇଁ କେବଳ କଳାରଙ୍ଗର ବ୍ୟବହାର କରାଯାଏ। ଛତିଶଗଡ଼ର ଜୟପୁର ଜିଲାସ୍ଥିତ ଏକ ଆଦିବାସୀ ବହୁଳ ଗାଁରେ କେବଳ କଳା ରଙ୍ଗ ଦିଆଯାଇଥିବା ଘର ଦେଖିବାକୁ ମିଳିଥାଏ। ଏହା ପଛରେ କିଛି କାରଣ ମଧ୍ୟ ରହିଛି। ଦୀପାବଳି ପୂର୍ବରୁ ସବୁ ଲୋକ ଘର ରଙ୍ଗ କରିଥାନ୍ତି। ଚଳିତବର୍ଷ ଯଶପୁର ଜିଲାର ଏକ ଆଦିବାସୀ ସମାଜ ପରମ୍ପରା ଅନୁଯାୟୀ କଳା ରଙ୍ଗ ଦେଇଥାନ୍ତି। ଗ୍ରାମୀଣ ଘରର କାନ୍ଥକୁ କଳା ମାଟିରେ ରଙ୍ଗା ଯାଇଥାଏ। ଏଥିପାଇଁ ଗ୍ରାମବାସୀ କୁଟାଜାଳି କଳା ରଙ୍ଗ ପ୍ରସ୍ତୁତ କରିଥାନ୍ତି। ଘରକୁ ଏମିତି କଳାରଙ୍ଗ କରିବାର ମୁଖ୍ୟ ଉଦ୍ଦେଶ୍ୟ ହେଲା ସମାଜରେ ସମାନତା ଆଣିବା ପାଇଁ ଘରକୁ ସମାନ ରଙ୍ଗ ଦେବା। ଆଉ ଏକ କାରଣ ହେଲା କଳାରଙ୍ଗ ଉପରେ ନଜର କମ୍ ଲାଗେ। ଚୋରିରୁ ରକ୍ଷା ପାଇବା ପାଇଁ ଘରକୁ କଳାରଙ୍ଗ କରିଥାନ୍ତି। ଏଥିସହିତ ଆଦିବାସୀମାନେ ନିଜର କଳାକୃତି ଆଙ୍କିବା ପାଇଁ କାନ୍ଥକୁ କଳାରଙ୍ଗ କରିଥାନ୍ତି।
