ମାଲୋଟ,୮ ।୧: ଆସନ୍ତା ୨୦୨୪ ଲୋକ ସଭା ନିର୍ବାଚନ ଭାରତୀୟ ଜନତା ପାର୍ଟି(ଭାଜପା) ପଞ୍ଜାବରେ ନିଜ ଦମରେ ଲଢିବ । ପଞ୍ଜାବରେ ଥିବା ସମସ୍ତ ୧୩ଟି ଲୋକ ସଭା ଆସନରେ ଭାଜପା ଏକେଲା ଲଢିବ । ଏହା କହିଛନ୍ତି ଭାଜପାର ପଞ୍ଜାବ ପ୍ରଦେଶାଧ୍ୟକ୍ଷ ଅଶ୍ୱିନି ଶର୍ମା । ସେ ଶିରୋମଣି ଅକାଳି ଦଳ ସହ ମେଣ୍ଟର ଚର୍ଚ୍ଚାକୁ ନେଇ କହିଛନ୍ତି ଯେ ଭାଜପା ଏକେଲା ନିଜ ଦମରେ ଲଢିବ । ସେ କହିଛନ୍ତି ଭାଜପା ଏକେଲା ଲଢିବ ଓ ଜିତିବ ।
ଶର୍ମା ରବିବାର ମଲୋଟରେ ନବନିଯୁକ୍ତ ଜିଲା ଅଧ୍ୟକ୍ଷ ସତିଶ ଅସିଜାଙ୍କ ଦାୟିତ୍ୱ ଗ୍ରହଣ ସମାରୋହରେ ଯୋଗ ଦେଇଥିଲେ । ଶିରୋମଣି ଅକାଳି ଦଳକୁ କଟାକ୍ଷ କରି ଅଶ୍ୱିନି ଶର୍ମା କହିଛନ୍ତି ଆମେ କାହା ସହ ମେଣ୍ଟ କରିବୁ ନାହିଁ । ପଞ୍ଜାବରେ ଅବସ୍ଥା ସୁଧାରିବାକୁ ଚେଷ୍ଟା କରାଯାଉଛି । ଶିରୋମଣି ଅକାଳି ଦଳ ପଞ୍ଜାବରେ ସେତେବେଳେ ଭାଜପାର ହାତ ଛାଡି ଚାଲିଯାଇଥିଲା ଯେତେବେଳେ ଭାଜପାକୁ ତା’ର ଆବଶ୍ୟକତା ଥିଲା । ତେଣୁ ଏହା କେମିତି ମେଣ୍ଟ । ଯେଉଁଥିରେ ପିତା ମୁଖ୍ୟମନ୍ତ୍ରୀ ଥିଲେ ଓ ପୁଅ ଉପମୁଖ୍ୟମନ୍ତ୍ରୀ ।
ଅଶ୍ୱିନି ଶର୍ମା କହିଛନ୍ତି, ରାଜ୍ୟର ଭଲ କେବଳ ଭାଜପା ହିଁ କରିପାରିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ କେନ୍ଦ୍ର ସରକାର ଯେଉଁଠି ଶ୍ରୀ କରତାରପୁର ସାହିବର ରାସ୍ତା ଖୋଲିବା କାମ କରିଛନ୍ତି । ସେହିପରି ବନ୍ଦିଥିବା କଏଦୀଙ୍କ ପାଇଁ ବି ଉଚିତ ପଦକ୍ଷେପ ଦେଇଛନ୍ତି । ଏହାସହ ନିକଟରେ ବୀର ବାଲ ଦିବସ ବି ପାଳନ କରାଯାଇଛି ।
