ବେଙ୍ଗାଲୁରୁ,୧୮।୮: କର୍ନାଟକ ଭାଜପା ବିଧାୟକ ଏସ.ଟି ସୋମଶେଖର ଗୌଡା କଂଗ୍ରେସ ସରକାରରେ ରାଜ୍ୟର ଉପମୁଖ୍ୟମନ୍ତ୍ରୀ ଡି.କେ ଶିବକୁମାରଙ୍କୁ ତାଙ୍କର ଗୁରୁ ବୋଲି ବର୍ଣ୍ଣନା କରିଛନ୍ତି। କନର୍ର୍ାଟକ ଭାଜପା ନେତା ତଥା ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ବାସଭାରାଜ ବୋମ୍ମାଇ ଏନେଇ କହିଛନ୍ତି, ସୋମଶେଖର କିଛି ସ୍ଥାନୀୟ ପ୍ରସଙ୍ଗରେ ରାଗିଛନ୍ତି, ମୁଁ ତାଙ୍କ ସହ କଥା ହେବି ଏବଂ ତାଙ୍କ ସମସ୍ୟାର ସମାଧାନ କରିବାକୁ ଚେଷ୍ଟା କରିବି।
ଏକ କାର୍ଯ୍ୟକ୍ରମରେ ଭାଜପା ବିଧାୟକ ଏସ.ଟି ସୋମଶେଖର ଗୌଡା ଡି.କେ ଶିବକୁମାରଙ୍କୁ ପ୍ରଶଂସା କରିଥିଲେ। ସେ କହିଛନ୍ତି, ଯଦି ମୁଁ ସମବାୟ କ୍ଷେତ୍ରରେ ଅଗ୍ରଗତି କରିଛି, ତେବେ ଏହା ମୋର ଗୁରୁ ଡି.କେ ଶିବକୁମାରଙ୍କ କାରଣରୁ ହୋଇଛି। ସେ ମୋତେ ସାହାଯ୍ୟ କରିଥିଲେ। ମୋତେ ଜେପି ନାଗର ବ୍ଲକ ଦିଆଯାଇ ନ ଥିଲା। ଡି.କେ ଶିବକୁମାର ମୋତେ ଜେପି ନଗରର ଯୁଗ୍ମ ସଚିବ କରିଥିଲେ।
କର୍ନାଟକରେ ଭାଜପା ବିଧାୟକଙ୍କ ବୈଠକରେ ବୋମ୍ମାଇ ମଧ୍ୟ ନିଜର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ଯେତେବେଳେ ମୁଁ ରାଜ୍ୟର ମୁଖ୍ୟମନ୍ତ୍ରୀ ଥିଲି, ସେତେବେଳେ ଅନେକ କଂଗ୍ରେସ ବିଧାୟକ ମଧ୍ୟ ମୋତେ ଭେଟିବାକୁ ଆସୁଥିଲେ, କାରଣ ବିଧାୟକଙ୍କ ବିଧାନସଭା ସହ ଜଡିତ ଅନେକ କାର୍ଯ୍ୟ ରହିଛି, ଯାହା କେବଳ ସରକାର କରିପାରିବେ। ସେଥିପାଇଁ ଏହା ବିଷୟରେ ଅଧିକ ଚିନ୍ତା କରିବାର ଆବଶ୍ୟକତା ନାହିଁ।
