ଭୁବନେଶ୍ୱର,୨୦।୭: ଓଡ଼ିଶାରେ ବହୁମତ ପାଇ ଭାଜପା ସରକାର ଗଠନ କରିଛି। ତେବେ ଶୁକ୍ରବାର ପୁରୀରେ ଭାଜପାର ପ୍ରଥମ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଛି। ବୈଠକରେ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଯୋଗ ଦେଇଥିଲେ। ନଡ୍ଡା ବୈଠକରେ ଦଳୀୟ ନେତା ଓ କର୍ମୀଙ୍କୁ ଗ୍ରାଉଣ୍ଡରେ ଯୋଡ଼ି ହୋଇ କାମ କରିବାକୁ ପରାମର୍ଶ ଦେଇଛନ୍ତି । ସରକାର ଓ ସାଧାରଣ ଜନତାଙ୍କ ମଧ୍ୟରେ ସଂଗଠନ ବ୍ରିଜ ଭଳି କାମ କରିବାକୁ କହିଛନ୍ତି । ଏଥିସହ ପ୍ରଥମ ଥର ପାଇଁ ଓଡ଼ିଶାବାସୀ ଭାଜପାକୁ ଏକାକୀ ସରକାର ଗଠନ ପାଇଁ ସୁଯୋଗ ଦେଇଥିବାରୁ ସେ ଧନ୍ୟବାଦ ଦେଇଛନ୍ତି। ବୈଠକରେ ରାଜ୍ୟ ଭାଜପାର ୩ ‘ସ’ ଫର୍ମୁଲା ଉପରେ ଆଲୋଚନା ହୋଇଛି। ସେହି ଫମୁର୍ଲା ହେଉଛି ସରକାର, ସଂଗଠନ ଓ ସାଧାରଣ ଜନତା ।
ନଡ୍ଡା କହିଛନ୍ତି, ଓଡ଼ିଶାକୁ ବିକାଶ ପଥରେ ନେବାରେ ଭାଜପା କୌଣସି ସୁଯୋଗ ଛାଡ଼ିବନି। ଲୋକ ସଭା ସିଟ ଡବଲ କରିବାକୁ କହିଥିଲି, ଆପଣମାନେ ୨୦ ସିଟ ଦେଲେ। ଲୋକସଭା ପାଇଁ ୪୫% ଭୋଟ ଦେଲେ, ଆପଣମାନଙ୍କୁ କୃତଜ୍ଞତା। ବିଧାନସଭାରେ ୪୦.୭% ଭୋଟ ସହ ସରକାର ଗଠନ ସୁଯୋଗ ଦେଲେ।
