ଲକ୍ଷ୍ନୌ,୧୫।୧୧: ଉତ୍ତରପ୍ରଦେଶର ମୈନପୁରୀ, ରାମପୁର ଏବଂ ଖତୌଲି ଆସନ ପାଇଁ ଭାଜପା ମଙ୍ଗଳବାର ପ୍ରାର୍ଥୀଙ୍କ ନାମ ଘୋଷଣା କରିଛି। ମୈନପୁରୀ ଉପବିର୍ବାଚନରେ ସମାଜବାଦୀ ପାର୍ଟି ପ୍ରାର୍ଥୀ ତଥା ଅଖିଳେଶ ଯାଦବଙ୍କ ସ୍ତ୍ରୀ ଡିମ୍ପଲ ଯାଦବଙ୍କ ବିରୋଧରେ ଭାଜପା ରଘୁରାଜ ସିଂ ଶାକ୍ୟାଙ୍କୁ ଟିକେଟ ଦେଇଛି।
ଏହା ବ୍ୟତୀତ ରାମପୁର ବିଧାନସଭା ଆସନରେ ଉପନିର୍ବାଚନ ପାଇଁ ଭାଜପା ନିଜର ପ୍ରାର୍ଥୀଙ୍କ ନାମ ଘୋଷଣା କରିଛି। ଆଜମ ଖାନଙ୍କ ଏହି ଗଡ଼ରେ ଦଳ ଆକାଶ ସାକ୍ସେନାଙ୍କୁ ପ୍ରାର୍ଥୀ କରିଛି। ଆକାଶ ରାମପୁରରେ ଆଜମଙ୍କ ଜଣେ ଦୃଢ ପ୍ରତିଦ୍ୱନ୍ଦ୍ୱୀ ଭାବରେ ବିବେଚନା କରାଯାଏ। ମୁଜାଫରନଗର ଖତୌଲିର ଉପନିର୍ବାଚନରେ ଭାଜପା ରାଜକୁମାରୀ ସଇନିଙ୍କୁ ଟିକେଟ ଦେଇଛି।
ମୈନପୁରୀ ଏବଂ ଖତୌଲି ଆସନ ପାଇଁ ନାମାଙ୍କନ ନଭେମ୍ବର ୧୭ ପର୍ଯ୍ୟନ୍ତ ଅନୁଷ୍ଠିତ ହେବ ରାମପୁର ଆସନ ପାଇଁ ନାମାଙ୍କନ ନଭେମ୍ବର ୧୮ ପର୍ଯ୍ୟନ୍ତ ଅନୁଷ୍ଠିତ ହେବ। ଡିସେମ୍ବର ୫ ରେ ଏହି ଆସନଗୁଡିକରେ ଭୋଟ ଗ୍ରହଣ କରାଯିବ ଏବଂ ଡିସେମ୍ବର ୮ରେ ଭୋଟ ଗଣନା କରାଯିବ।
ସୂଚନାଯୋଗ୍ୟ, ମୁଲାୟମ ସିଂ ଯାଦବଙ୍କ ମୃତ୍ୟୁ ପରେ ମୈନପୁରୀରେ ଉପନିର୍ବାଚନ ଅନୁଷ୍ଠିତ ହେଉଛି। ରାମପୁରରୁ ଆଜମ ଖାନ ଏବଂ ଖତୌଲିରୁ ବିଧାୟକ ବିକ୍ରମ ସିଂ ସଇନିଙ୍କ ସଦସ୍ୟତା ରଦ୍ଦ ହେବା ପରେ ସେଠାରେ ଉପନିର୍ବାଚନ ଅନୁଷ୍ଠିତ ହେଉଛି।
