ବରଗଡ଼,୮।୮(ପ୍ରେମାନନ୍ଦ ଖମାରୀ)- ବରଗଡ଼ ଜିଲା ଯୋଜନା କମିଟି ସଦସ୍ୟ ନିର୍ବାଚନରେ ବିଜେଡି ବାଜିମାତ କରିଛି। ଜିଲା ଯୋଜନା କମିଟିର ସମସ୍ତ ୧୫ଟି ଆସନକୁ ବିଜେଡି ପୋଛି ନେଇଛି ଏବଂ ଦଳର ୧୫ ଜଣ ଜିଲା ପରିଷଦ ସଦସ୍ୟା ଓ ସଦସ୍ୟ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ଏହି ଫଳାଫଳ ଘୋଷଣା ହେବା ପରେ ଶନିବାର ଦଳୀୟ ନେତୃବୃନ୍ଦ ନିର୍ବାଚିତ ସଦସ୍ୟା ଓ ସଦସ୍ୟମାନଙ୍କୁ କୃତଜ୍ଞତା ଜ୍ଞାପନ ସହିତ ଖୁସି ମନାଇଛନ୍ତି।
ଏହି ନିର୍ବାଚନରେ ବିଜେଡିରୁ ନିର୍ବାଚିତ ହୋଇଥିବା ସଦସ୍ୟା ଓ ସଦସ୍ୟମାନେ ହେଲେ ବରପାଲି ଜୋନ୍-୧ର ଗୋବିନ୍ଦ ସାହୁ, ବରପାଲି ଜୋନ୍-୨ର ଅନନ୍ତ ସେଟ୍, ଭଟଲି ଜୋନ୍-୨ର ଈଶ୍ୱର ଚନ୍ଦ୍ର ସାହୁ, ବିଜେପୁର ଜୋନ୍-୧ର ମାନିନୀ ଭୋଇ, ବରଗଡ଼ ଜୋନ୍-୩ର ମୋହନ ଲୁହା, ଅମ୍ବାଭୋନା ଜୋନ-୧ର ନିଲକୁମାରୀ ନାଏକ, ଗାଇସିଲେଟ ଜୋନ୍-୧ର ନୀଳମଣି ବରିହା, ଭେଡେନ ଜୋନ୍-୧ର ପଦ୍ମିନୀ ଗଡତିଆ, ବରଗଡ଼ ଜୋନ୍-୨ର ପ୍ରଭାସିନୀ ପ୍ରଧାନ, ରାଜବୋଡାସମ୍ବର ଜୋନ୍-୨ର ପୂର୍ଣ୍ଣିମା ରଣା, ବରଗଡ଼ ଜୋନ୍-୧ର ପୁଷ୍ପା ଭୋଇ, ଅତାବିରା ଜୋନ୍-୨ର ରଞ୍ଜିତ ସାହୁ, ସୋହେଲା ଜୋନ୍-୩ର ରୋଜି ନାଏକ, ବିଜେପୁର ଜୋନ୍-୩ର ସୁଦାମ ଚରଣ ସାହୁ ଏବଂ ଝାରବନ୍ଧ ଜୋନ୍-୧ର ସୁଶିଲ ମରେଇ।
ବିଜେଡିର ସମସ୍ତ ସଦସ୍ୟ ନିର୍ଦ୍ୱନ୍ଦ୍ୱରେ ନିର୍ବାଚିତ ହେବା ପରେ ନବନିର୍ବାଚିତ ସମସ୍ତ ଜିଲା ଯୋଜନା କମିଟି ସଦସ୍ୟା ଓ ସଦସ୍ୟଙ୍କୁ ବରଗଡ଼ ଜିଲା ବିଜେଡି ସଭାପତି ସୁଶାନ୍ତ ମହାପାତ୍ରଙ୍କ ସମେତ ପଦ୍ମପୁର ବିଧାୟିକା ବର୍ଷା ସିଂ ବରିହା, ପୂର୍ବତନ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ, ପୂର୍ବତନ ମନ୍ତ୍ରୀ ରୀତା ସାହୁ, ପୂର୍ବତନ ବିଧାୟକ ଦେବେଶ ଆଚାର୍ଯ୍ୟ, ବରଗଡ଼ ପୌର ପରିଷଦ ଅଧ୍ୟକ୍ଷା କଳ୍ପନା ମାଝୀ, ଟାଉନ ବିଜେଡି ସଭାପତି ଅନୁପ ଶତପଥୀ, ଉପସଭାପତି ବିଜେଡି କିଶୋର ମିଶ୍ର, ସୁବ୍ରତ ବେହେରା, କାଉନସିଲର ଉମା ଚରଣ ରାଉତ୍ ପ୍ରମୁଖ ଉପସ୍ଥିତ ରହି ଶୁଭେଚ୍ଛା ଓ ଅଭିନନ୍ଦନ ଜଣାଇଥିଲେ।
