‘ସେ ଥିଲେ ଖୋଲା ଆକାଶର ପକ୍ଷୀ, ମୋ ପାଖରେ ଥିଲା ମାଇକ୍ରୋସଫ୍ଟ’, ଯେବେ ବିଲ୍ ଗେଟ୍ସଙ୍କ ଭାଙ୍ଗି ଯାଇଥିଲା ହୃଦୟ

୨୦୧୯ ସେପ୍ଟେମ୍ବରରେ ଏକ ଡକ୍ୟୁମେଣ୍ଟାରୀ ସିରିଜ ରିଲିଜ୍‌ ହୋଇଥିଲା। ଯାହାର ନାଁ ଥିଲା ‘Inside Bills Brain’ । ଏହି ୩ଟି ଏପିସୋଡର ଗୋଟିଏ ସିରିଜରେ ଡକ୍ୟୁମେଣ୍ଟାରୀର ନିର୍ଦ୍ଦେଶନା ଦେଇଥିବା ଡେଭିସ Davis Guggenheim ଓ Bill Gates୍ସ ଏକାଠି କାର୍ଡ ଖେଳୁଥିବାର ନଜିର ଆସିଛନ୍ତି। କାର୍ଡ ଖେଳରେ ଗେଟ୍ସ ଜିତିଯାଆନ୍ତି। ଏହି ସମୟରେ ଡ୍ୟାଭିସ ତାଙ୍କୁ କୁoହନନ୍ତି, ‘ତୁମେ ବଡ ଭାଗ୍ୟବାନ’। ଜୀବନରେ ଏବଂ ଖେଳରେ ମଧ୍ୟ। ଏକଥା ଶୁଣି ବିଲ ଗେଟ୍ସ ହସିହସି ଉତ୍ତର ଦିଅନ୍ତି, ‘ପ୍ରେମରେ ମଧ୍ୟ’।
କେବଳ ୧୩ବର୍ଷ ବୟସରେ ବିଲ୍‌ ସଫ୍ଟଓ୍ବେୟାର ପ୍ରୋଗ୍ରାମ ଡିଜାଇନ କରିଥିଲେ। ୨୦ବର୍ଷ ବୟସରେ ନିଜର କମ୍ପାନୀ ଆରମ୍ଭ କରିଥିବା ବିଲ୍‌ ୨୬ବୟସରେ କୋଟିପତି ହୋଇଯାଇଥିଲେ। ତେବେ ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍ସ ଗେଟ୍ସଙ୍କ ସଂଘର୍ଷମୟ ଜୀବନ ବିଷୟରେ ତ ନିହାତି ଜାଣିଥିବେ। ହେଲେ ତାଙ୍କ ଜୀବନର ଭ୍ୟାଲେଣ୍ଟାଇନ Milinda Gates ଙ୍କ ବିଷୟରେ ଖୁବ୍‌ କମ୍‌ ଲୋକ ଜାଣିଥିବେ। ଖୁବ୍‌ କମ୍‌ ବୟସରେ ସେତେବେଳେ ସମୟରେ କୋଟିପତି ହୋଇଥିବା ବିଲ୍‌ ସଫ୍ଟଓ୍ବେୟାରରେ ସିନା ଜିନିୟସ ଥିଲେ ହେଲେ ଜିନିୟସ ପଣିଆ ହାରିଯାଉଥିଲା ପ୍ରେମରେ। ପ୍ରଥମ ଥର ପାଇଁ ମନ ଦେଇ ବସିଥିବା ବିଲ୍‌, ମିଲିଣ୍ଡାଙ୍କୁ ଡେଟ୍‌ରେ ଯିବାକୁ ପଚାରିବାକୁ ୩ ମାସ ଯାଏଁ ଅପେକ୍ଷା କରିଥିଲେ। ଆସନ୍ତୁ ଜାଣିବା ତାଙ୍କ ଲଭ୍‌ ଷ୍ଟୋରୀ ବିଷୟରେ…

୧୯୭୫ ଏପ୍ରିଲ ୪ରେ, ଯେତେବେଳେ ଅଧିକାଂଶ ଆମେରିକୀୟ ଲୋକ ଟାଇପରାଇଟର ବ୍ୟବହାର କରୁଥିଲେ, ବିଲ୍‌ ଗେଟ୍ସ ସେତେବେଳେ ଏକ ଗ୍ୟାରେଜରେ ତାଙ୍କ ବନ୍ଧୁ ପଲ ଏଲନଙ୍କ ସହ ମିଶି ଏକ କମ୍ପ୍ୟୁଟର ସଫଓ୍ବେୟାର କମ୍ପାନୀ ଆରମ୍ଭ କରିଥିଲେ। ସେତେବେଳେ ତାଙ୍କୁ ୨୦ବର୍ଷ ବୟସ ହୋଇଥିଲା। ଗ୍ୟାରେଜରେ କାମ ଚାଲିଥିବା ଏହି ଛୋଟ କମ୍ପାନୀ ୧୨ବର୍ଷ ପରେ ୧୯୮୭ ବେଳକୁ ଏକ ବିରାଟ ବଡ କମ୍ପାନୀରେ ପରିଣତ ହୋଇଥିଲା। ସେତେବେଳେ ବିଲ୍ସଙ୍କ ଏହି କମ୍ପାନୀ କଲେଜରୁ କମ୍ପ୍ୟୁଟର ସଫ୍ଟଓ୍ବେୟାର ପଢା ଶେଷ କରିଥିବା ଛାତ୍ରୀଛାତ୍ରଙ୍କୁ ନିଯୁକ୍ତି ଦେଉଥିଲା।

ଏହାରି ଭିତରେ ଜଣେ ୨୩ବର୍ଷିୀୟ ଯୁବତୀ କମ୍ପ୍ୟୁଟର ସଫ୍ଟଓ୍ବେୟାରରେ ପଢା ଶେଷ କରି କମ୍ପାନୀରେ ଜଏନ କରିଥିଲେ। ଯୁବତୀଙ୍କ ନାଁ ହେଉଛି ମିଲିଣ୍ଡା ଫ୍ରେଞ୍ଚ। ମିଲିଣ୍ଡା ଦେଖିବାଖଉ ଖୁବ୍‌ ସୁନ୍ଦର ଥିଲେ। କିନ୍ତୁ ମିଲିଣ୍ଡାଙ୍କ ଠାରୁ ୯ବର୍ଷ ବଡବିଲ ଗେଟ୍ସଙ୍କ ଜୀବନରେ କମ୍ପ୍ୟୁଟର ଓ ସଫ୍ଟଓ୍ବେୟାର ବ୍ୟତୀତ ଅନ୍ୟ କିଛି ନ ଥିଲା।

ବିଲ ଓ ମିଲିଣ୍ଡାର ଗୋଟିଏ କମ୍ପାନୀରେ ଏକାଠି କାମ କରୁଥିଲେ। କାମ କରିବା ବାଦ୍‌ ବି ସେମାନଙ୍କର କେବେ ଏକାଠି ଦେଖା ସାକ୍ଷାତ ହୋଇ ନ ଥିଲା। ଥରେ ଏକ ବାଣିଜ୍ୟ ମେଳାରେ ଦୁହେଁ ପରସ୍ପରକୁ ଭେଟିଥିଲେ। ଦୁହେଁ ସେଠାରେ ଏକାଠି ରାତ୍ରୀ ଭୋଜନ କରିଥିଲେ। ମିଲିଣ୍ଡା କେବେ ଭାବି ବି ନ ଥିଲେ ସେ ଯେଉଁ କମ୍ପମାନୀରେ କାମ କରୁଛନ୍ତି ସେହି କମ୍ପାନୀର ମାଲିକଙ୍କ ସହ ଡେଟ୍‌ କରିବେ। ହେଲେ ସେଦିନ ଠାରୁ ବିଲ୍‌, ମିଲିଣ୍ଡାଙ୍କ ପ୍ରେମରେ ପଡିବା ଆରମ୍ଭ କଲେ। କମ୍ପ୍ୟୁଟର ମେସିନ ପଛରେ ଧାଉଁଥିବା ମଣିଷ ଦିନେ କେବେ ପ୍ରେମ କରିବ ସେକଥା ସେ କେବେ ବି ଭାବି ନ ଥିଲେ। ସେଦିନ ଠାରୁ ସେହି ସଫ୍ଟେଓୟାର ମଣିଷର ସିଷ୍ଟମ ହୋଇଥିଲା ହ୍ୟାଙ୍ଗ। ମନରେ ପ୍ରେମର ଭାଇରସ ମାରିଥିଲା ଏଣ୍ଟ୍ରି। ଆଉ ସେବେ ଠାରୁ ହିଁ ପ୍ରେମର ସଫ୍ଟଓ୍ବେୟାର ଲୋଡ୍‌ ହୋଇଥିଲା।

ବିଲ ଓ ମିଲିଣ୍ଡାଙ୍କ ପ୍ରେମ ପ୍ରାୟତଃ ବର୍ଷ ହୋଇଯାଇଥିଲା। ସେମାନେ ପରସ୍ପରର ଘରକୁ ଯିବା ସହ ଘଣ୍ଟାଘଣ୍ଟା ଧରି ଫୋନରେ କଥା ହେଉଥିଲେ। କିନ୍ତୁ ଉଭୟ କମ୍ପ୍ୟୁଟର ଓ ସଫ୍ଟଓ୍ବେୟାର ବିଷୟରେ ବେଶୀ କଥା ହେଉଥିଲେ।
ତେବେ ବହୁ ରିପୋର୍ଟରୁ ଜଣାପଡିଛି ବିଲ୍‌ ନିଜେ ହିଁ କହିଛନ୍ତି, ମିଲିଣ୍ଡାଙ୍କ ପାଖରେ ଅନ୍ୟ ବୟଫ୍ରେଣ୍ଡ ବି ଥିଲେ ହେଲେ ମୋ ପାଖରେ କେବଳ ମାଇକ୍ରୋସଫ୍ଟ ଥିଲା। ଦୁହେଁ ଡେଟ୍‌ ତ କରୁଥିଲେ ହେଲେ ବାସ୍ତବ ଦୁନିଆ ଦୁହିଁଙ୍କର ଭିନ୍ନ ଥିଲା।
ଏସବୁ ପରେ ବି ବିଲ୍‌ ବିବାହ ପାଇଁ ମିଲିଣ୍ଡାଙ୍କୁ ପ୍ରପୋଜ କରିଥିଲେ। ଏଥିରେ ମିଲିଣ୍ଡା ରାଜି ତ ଥିଲେ। ହେଲେ ବିବାହ ଭଳି ସମ୍ପର୍କକୁ ନିଭାଇ ପାରିବେ କି ନାହିଁ ଏନେଇ ଦ୍ୱନ୍ଦ୍ୱରେ ରହୁଥିଲେ।

ଦିନେ ସଂଧ୍ୟାରେ ମିଲିଣ୍ଡା ବିଳ୍‌ ଗେଟ୍ସଙ୍କ ଘରକୁ ଯାଇଥିଲେ। ପହଞ୍ଚିବା କ୍ଷଣି ଦେଖିବାକୁ ପାଇଥିଲେ, ବିଲ୍ସ ଏକ ଧଳା ବୋର୍ଡରେ ମାର୍କର ଧରି ଏକ ଲିଷ୍ଟ କରୁଛନ୍ତି। ଯେଉଁଥିରେ ସେ ମିଲିଣ୍ଡାଙ୍କୁ ବିବାହ କରିବାର ଲାଭ ଓ କ୍ଷତି ବିଷୟରେ ଲେଖୁଛନ୍ତି। ଏଥିରେ ଲାଭ ଠାରୁ କ୍ଷତିର ଗଣିତ ତାଲିକାରେ ଅଧିକ ଥିଲା।

୧୯୯୪ ଜାନୁଆରୀ ୧, ବିଲ ଓ ମିଲିଣ୍ଡା ହାୱାଇର ଏକ ଛୋଟ ଦ୍ୱୀପରେ ବିବାହ କରିଥିଲେ। ବିବାହ ପରେ ଦୁହିଁଙ୍କ ୩ଟି ସନ୍ତାନ ହୋଇଥିଲେ। ମିଲିଣ୍ଡା ବିବାହର ବହୁବର୍ଶ ଯାଏଁ ନିଜ ଜୀବନକୁ ପରିବାରକୁ ଉତ୍ସର୍ଗ କରିଥିଲେ କିନ୍ତୁ ପିଲା ବଡ ହୋଇଯିବା ପରେ ଦୁହେଁ କାମକୁ ଫେରିଥିଲେ। ଦୁହେଁ ଏକାଠି ମିଶି ବିଲ ଆଣ୍ଡ ମିଲିଣ୍ଡା ଗେଟ୍ସ ଫାଉଣ୍ଡେଶନ ଆରମ୍ଭ କରିଥିଲେ।

କିନ୍ତୁ ସୁନ୍ଦର ଦାମ୍ପତ୍ୟ ଜୀବନରେ ୨୭ବର୍ଷ ପରେ ପୂର୍ଣ୍ଣଚ୍ଛେଦ ପଡିଥିଲା। ୨୦୨୧ରେ ଦୁହେଁ ଅଲଗା ହୋଇ ଯାଇଥିଲେ। ଦୁହିଁଙ୍କ ବିବାହ ଯେତିକି ଚର୍ଚ୍ଚାରେ ନ ଥିଲା ବିବାହ ବିଚ୍ଛେଦ ଖୁବ୍‌ ଚର୍ଚ୍ଚାରେ ରହିଥିଲା। ଦୁନିଆର ସବୁଠାରୁ ବଡ ଧନୀଙ୍କ ବିବାହ ବିଚ୍ଛେଦ ଭିତରେ ବିଲ୍‌ ଗେଟ୍ସଙ୍କ କାହାଣୀ ଅନ୍ୟତମ ଥିଲା।
ଏବେ ସେ ସ୍ବାମୀ-ସ୍ତ୍ରୀ ନାହାନ୍ତି ହେଲେ ଦୁହେଁ ଆଜି ବି ଏକାଠି ଭଲ ବନ୍ଧୁ ଓ ସହଯୋଗୀଙ୍କ ପରି ରହିଛନ୍ତି। ତେଣୁ ଦୁହିଁଙ୍କ ପ୍ରେମ କାହାଣୀକୁ ସମୟ କେବେ ବି ଲୁଚାଇ ପାରିବ ନାହିଁ।


Enter your email to get our daily news in your inbox.

All Right Reserved By Dharitri.Com

ଇସ୍ରାଏଲ କେମିତି କଲା ଆକ୍ରମଣ, ଇରାନର କେତେ ହେଲା କ୍ଷତି ଜାଣନ୍ତୁ ସେ ସମ୍ପର୍କରେ…

ତେହରାନ,୧୯ା୪: ଇରାନ ଏବଂ ଇସ୍ରାଏଲ ମଧ୍ୟରେ ବିଶ୍ୱଯୁଦ୍ଧର ଆଶଙ୍କା ଆହୁରି ଗଭୀର ହେବାକୁ ଲାଗିଲାଣି। ଇସ୍ରାଏଲ ଦ୍ୱାରା ଇରାନ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ୍‌ ଆକ୍ରମଣ...

ଭୋଟ ଦେଲେ ବିଶ୍ୱର ସବୁଠୁ ଛୋଟ ମହିଳା

ପୁଣେ,୧୯।୪: ମହାରାଷ୍ଟ୍ରର ପାଞ୍ଚଟି ସିଟ ପାଇଁ ଆଜି ଭୋଟଗ୍ରହଣ ଚାଲିଛି। ଲୋକମାନେ ଉତ୍ସାହର ସହ ଭୋଟ ଦେଉଛନ୍ତି। ସକାଳ ୭ଟାରୁ ମତଦାନ ଆରମ୍ଭ ହୋଇଛି। ଏହି...

ଲୋକ ସଭା ନିର୍ବାଚନ: ଭୋଟ ଗ୍ରହଣ ମଧ୍ୟରେ ବସ୍ତରରେ ଆଇଇଡି ବ୍ଲାଷ୍ଟ, ସିଆରପିଏଫ ଯବାନ ଆହତ, ମଣିପୁରରେ ଫାୟାରିଂ

ନୂଆଦିଲ୍ଲୀ,୧୯।୪: ଲୋକ ସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟର ଭୋଟ ଗ୍ରହଣ ଶୁକ୍ରବାର ଆରମ୍ଭ ହୋଇଛି। ୮ ଜଣ କେନ୍ଦ୍ର ମନ୍ତ୍ରୀ, ୨ ପୂର୍ବତନ ମୁଖ୍ୟମନ୍ତ୍ରୀ...

ଗାନ୍ଧିନଗରରୁ ପ୍ରାର୍ଥିପତ୍ର ଦାଖଲ କଲେ ଅମିତ ଶାହା, କହିଲେ ମୋଦି ଦେଶକୁ ସୁରକ୍ଷିତ ରଖିଛନ୍ତି

ଅହମଦାବାଦ,୧୯।୪: କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଶୁକ୍ରବାର ଲୋକ ସଭା ନିର୍ବାଚନ ପାଇଁ ଗାନ୍ଧିନଗର ଲୋକ ସଭା ଆସନରୁ ଭାଜପା ପ୍ରାର୍ଥୀ ଭାବରେ ନିଜର ପ୍ରାର୍ଥିପତ୍ର...

ଫିଲ୍ମ ଶୁଟିଂ ପାଇଁ ବାହାରିଲେ ରିଜେକ୍ଟ ହୋଇଥିବା ୨ ରାଜକୁମାର, ରାହୁଲ-ଅଖିଳେଶଙ୍କୁ ଟାର୍ଗେଟ କଲେ ମୋଦି

ଅମରୋହା,୧୯।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲୋକ ସଭା ନିର୍ବାଚନ ପାଇଁ ଜୋରଦାର ପ୍ରଚାର କରୁଛନ୍ତି। ଶୁକ୍ରବାର (ଏପ୍ରିଲ ୧୯) ଉତ୍ତରପ୍ରଦେଶର ଆମରୋହା ଠାରେ ଏକ ରାଲିରେ...

ଏମ୍‌ପି ଟିକେଟ୍‌ କାଟିଦେଲେ, ତଥାପି ଦୁଃଖ ନାହିଁ: ଶାହାଙ୍କୁ କହିଲେ ଆଧୁନିକ ଭାରତର ଆଇରନ ମ୍ୟାନ୍‌

ଲକ୍ଷ୍ନୌ,୧୯।୪: ଏଥର ଦଳ ଉତ୍ତରପ୍ରଦେଶର ବାଲିଆ ଲୋକ ସଭା ନିର୍ବାଚନମଣ୍ଡଳୀରୁ ଭାରତୀୟ ଜନତା ପାର୍ଟି ଏମ୍‌ପି ବୀରେନ୍ଦ୍ର ସିଂ ମସ୍ତଙ୍କୁ ଟିକେଟ ଦେଇନାହାଁନ୍ତି। ଦଳ ପୂର୍ବତନ...

ରଜନୀକାନ୍ତ, ଧନୁଷ, କମଲ ହାସନ ଚେନ୍ନାଇରେ ଦେଲେ ଭୋଟ, ସର୍ବପ୍ରଥମେ ପହଞ୍ଚିଲେ ଏହି ସୁପରଷ୍ଟାର

ଚେନ୍ନାଇ,୧୯।୪: ଶୁକ୍ରବାର ସକାଳୁ ଲୋକ ସଭା ନିର୍ବାଚନ ପାଇଁ ଭୋଟ ଗ୍ରହଣ ଆରମ୍ଭ ହୋଇଛି। ସମସ୍ତ ରାଜନୈତିକ ଦଳ ଭାଗ୍ୟ ପରୀକ୍ଷା କରିବାକୁ ରାଜନୈତିକ ମଞ୍ଚରେ...

ଦଶମ ବୋର୍ଡ ପରୀକ୍ଷା ଫଳ ପ୍ରକାଶ, ବାଜି ମାରିଲେ ଛାତ୍ରୀ

ରାଞ୍ଚି,୧୯ା୪: ଝାଡ଼ଖଣ୍ଡ ବୋର୍ଡ ଦଶମ ଫଳାଫଳ ଶୁକ୍ରବାର ପ୍ରକାଶ ପାଇଛି। ଏହି ଫଳାଫଳକୁ ଶିକ୍ଷା ସଚିବ ଉମାଶଙ୍କର ସିଂ, ଜେଏସି ବୋର୍ଡ ଅଧ୍ୟକ୍ଷ ଅନିଲ କୁମାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri