ବଲାଙ୍ଗୀର,୨୨।୪(ସୁନିଲ କୁମାର ମହାନ୍ତି): ବଲାଙ୍ଗୀର ସହର ଭିତରେ ପୁଣି ଦୁର୍ଘଟଣାରେ ଜଣେ ବ୍ୟକ୍ତିଙ୍କ ଜୀବନ ଯାଇଛି। ସହରର ପାଟଣେଶ୍ୱରୀ ମନ୍ଦିର ସମ୍ମୁଖରେ ହୋଇଛି ଏହି ମର୍ମନ୍ତୁଦ ଦୁର୍ଘଟଣା। ବସ ଚକ ତଳେ ପଡ଼ି ବାଇକ ଆରୋହୀ ମୃତ୍ୟୁବରଣ କରିଛନ୍ତି। ଘଟଣାସ୍ଥଳରେ ବାଇକ ଆରୋହୀ ମୃତ୍ୟୁ ଘଟିଛି।
ମୃତ ଯୁବକଙ୍କ ପରିଚୟ ଜଣାପଡି ନ ଥିବାବେଳେ ଫୋନ ନମ୍ବରରୁ ତାଙ୍କ ନା ରାଜ ଯାଦବ ବୋଲି ଜଣାପଡିଛି। ଘଟଣାସ୍ଥଳରୁ ବସ ଫେରାର ମାରିଛି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରି ଭୀମଭୋଇ ମେଡ଼ିକାଲ ପୋଷ୍ଟମଟର୍ମ ପାଇଁ ପଠାଇଛି। ବାଇକକୁ ମଧ୍ୟ ଜବତ କରିଛି ପୋଲିସ।
ତେବେ ଦୁର୍ଘଟଣାର ସିସିଟିଭି ଭିଡିଓରୁ ଜଣାପଡିଛି ଯେ, ନିଜେ ବସ ତଳକୁ ପଶି ଯାଇଛନ୍ତି ଯୁବକ। ଦ୍ରୁତ ଗତିରେ ଆସି ଭାରସାମ୍ୟ ହରାଇ ଦୁର୍ଘଟଣା ଘଟିଥିବା ଜଣାପଡିଛି।
Dharitri – Odisha’s No.1 Odia Daily
