ଦିଗପହଣ୍ଡି,୫।୩(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ପୁଞ୍ଜିକଂୟା ଛକ ସ୍ଥିତ କବିସୂର୍ଯ୍ୟ କଲ୍ୟାଣ ମଣ୍ଡପ ପରିସରରେ ଗୁରୁବାର ପୂର୍ବତନ ମୁଖ୍ୟମନ୍ତ୍ରୀ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୧୦ ତମ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି । ବିଜେଡ଼ି ଦିଗପହଣ୍ଡି ବ୍ଲକ ଓ ନଗର କମିଟି ପକ୍ଷରୁ ଆୟୋଜିତ ‘ ଓଡ଼ିଶା ଗଠନରେ ବିଜୁ ବାବୁଙ୍କ ଅବଦାନ ‘ ଶୀର୍ଷକ ଆଲୋଚନା ଚକ୍ରରେ ଦିଗପହଣ୍ଡି ଏନଏସିର ପୂର୍ବତନ ଅଧ୍ୟକ୍ଷ ଭି.ରବି ନାରାୟଣ ରାଜୁ ଅଧ୍ୟକ୍ଷତା କରିଥିଲେ।
ବିଜେଡ଼ି ବ୍ଲକ ସଭାପତି କେ.ତାରକେଶ୍ଵର ଦୋରା, ଦିଗପହଣ୍ଡି ନଗର କମିଟି ସଭାପତି ତାରାପ୍ରସାଦ ପଟ୍ଟନାୟକ, ବର୍ଷୀୟାନ କୃଷକ ନେତା ଶମ୍ଭୁ ପଣ୍ଡା, ପୂର୍ବତନ ଏନଏସି ଅଧ୍ୟକ୍ଷ ହୃଦୟ ରଞ୍ଜନ ମେକାପ, ପୂର୍ବତନ କାଉନସିଲର ନିରୁପମା ପଟ୍ଟନାୟକ, ନଗର ବିଜେଡ଼ି ମହିଳା ସଭାନେତ୍ରୀ ଅନିତା ବେହେରା ପ୍ରମୁଖ ମଞ୍ଚାସିନ ଥିଲେ । ବିଜୁ ବାବୁଙ୍କ ଅମ୍ଳାନ ପ୍ରତିଭା ସମ୍ପର୍କରେ ଦଳୀୟ ନେତୃବୃନ୍ଦ ଉଦବୋଧନ ଦେଇଥିଲେ। ପୂର୍ବାହ୍ନରେ ଦଳୀୟ ନେତୃବୃନ୍ଦ ଓ ବହୁ ସଂଖ୍ୟକ ବିଜେଡି କର୍ମୀ ପୁଞ୍ଜିକଂୟା ଛକ ସ୍ଥିତ ବିଜୁବାବୁଙ୍କ ପୂର୍ଣ୍ଣାବୟବ ପ୍ରତିମୂର୍ତ୍ତି ସମେତ ବଜାର ଗାନ୍ଧୀ ଛକ ଠାରେ ଥିବା ମହାପୁରୁଷମାନଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାର୍ପଣ ପୂର୍ବକ ଶ୍ରଦ୍ଧାସୁମନ ଅର୍ପଣ କରିଥିଲେ ।
କାଉନସିଲର ନୀଳମାଧବ ଗୌଡ଼, ସୁଶାନ୍ତ ପାତ୍ର, ଜ୍ୟୋସ୍ନା ଜେନା, କରିସ୍ମା ନାୟକ, ଜିଲା ପରିଷଦ ସଦସ୍ୟ ରାଧାକାନ୍ତ ମହାଙ୍କୁଡ, ପୂର୍ବତନ ସରପଞ୍ଚ କୁଞ୍ଜ ବିହାରୀ ରଥ, ସିଏଚ. ସିମାଦ୍ରୀ, ବିକାଶ ମଣ୍ଡଳ, ନିଳାଞ୍ଚଳ ସାହୁ, ଗଣେଶ ରେଡ୍ଡୀ, ରମେଶ ଜେନା, ନିଗମ ପଣ୍ଡା, ଜିତେନ୍ଦ୍ର ମାର୍ଥା, ପ୍ରଶାନ୍ତ ପାଣିଗ୍ରାହୀ, ମାଧବ ଦୋରା, ଲକ୍ଷ୍ମୀ ନାରାୟଣ ପାଢ଼ୀ, ମାଗି ସେଠୀ, ପିଙ୍କୁୁ ଘଡ଼େଇ, ପ୍ରକାଶ ବେହେରା, ସରସ୍ଵତୀ ଗୌଡ଼, ଶିବଲକ୍ଷ୍ମୀ ପଟ୍ଟନାୟକଙ୍କ ସମେତ ବହୁ ସଂଖ୍ୟକ ଦଳୀୟ କର୍ମୀ ଉପସ୍ଥିତ ଥିଲେ ।
