ମୁମ୍ବାଇ: ଅକ୍ଟୋବର ୨ ଅର୍ଥାତ୍ ଆଜିଠାରୁ ଆରମ୍ଭ ହେବ ଲୋକପ୍ରିୟ ଶୋ’ ବିଗ୍ବସ-୧୫ର ପ୍ରିମୟର। ସଲମାନ ଖାନ୍ ଏବଂ ରଣବୀର ସିଂଙ୍କୁ ଶୋ’ରେ ମଜା କରୁଥିବାର ଦେଖିବାକୁ ମିଳିବ। ଏହି ଶୋ’ର ପ୍ରିମିୟର୍ ରାତି ୯ଟାରେ ଆରମ୍ଭ ହେବ। ଏଥିରେ ବହୁ ପ୍ରତିଯୋଗୀଙ୍କ ନାମ ପ୍ରକାଶ ପାଇଥିବା ବେଳେ ଭିଡିଓ ମଧ୍ୟ ଭାଇରାଲ ହେଉଛି।
ବର୍ତ୍ତମାନ ଚ୍ୟାନେଲ ପକ୍ଷରୁ ନିକଟରେ ଏକ ପ୍ରୋମୋ ରିଲିଜ୍ ହୋଇଛି। ରଣବୀର ଏବଂ ସଲମାନ ଏଥିରେ ଏକାଠି ନଜର ଆସିବେ ବୋଲି ଭିଡିଓରୁ ଜଣାପଡ଼ିଛି। ଶନିବାର ସକାଳେ ବିଗ୍ବସ୍-୧୫ର ନିର୍ମାତା ଏକ ନୂଆ ପ୍ରୋମୋ ରିଲିଜ କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ‘ଯେତେବେଳେ ଭାରତର ଦୁଇଜଣ ସୁପରଷ୍ଟାର ସମାନ ମଞ୍ଚକୁ ଆସିବେ, ସେତେବେଳେ ଗ୍ରାଣ୍ଡ ପ୍ରିମିୟରର ରାତି ଆହୁରି ସ୍ବତନ୍ତ୍ର ହେବ। ରୋମାଞ୍ଚକର ହେବ।
ବିଗ୍ବସ୍-୧୫ରେ ଶମିତା ଶେଟ୍ଟୀ, ପ୍ରତୀକ ସାହାଜପାଲ, କରଣ କୁନ୍ଦ୍ରା, ତେଜସ୍ବୀ ପ୍ରକାଶ, ନିଶାନ୍ତ ଭଟ୍ଟ, ଶିମ୍ବା ନାଗପାଲ, ଏକ୍କା ସିଂ ପ୍ରମୁଖ କଳାକାରମାନେ ଭାଗ ନେବେ।
