Odisha Elections 2024
Posted inଜାତୀୟ

କଂଗ୍ରେସ ଗଡ଼ରେ ବିଗ୍‌ ଫାଇଟ୍‌

ରାଏବରେଲି/ନୂଆଦିଲ୍ଲୀ,୪ା୫, (ପ୍ରସ୍ତୁତି: ଦୁର୍ଯ୍ୟୋଧନ ମିଶ୍ର): ସର୍ବପୁରାତନ ଦଳ କଂଗ୍ରେସ ଶୁକ୍ରବାର ସକାଳେ ସବୁ କଳ୍ପନାଜଳ୍ପନାର ଅବସାନ ଘଟାଇ ଦୁଇ ହାଇପ୍ରୋଫାଇଲ ଆସନରେ ଦଳୀୟ ପ୍ରାର୍ଥୀଙ୍କ ନାମ ଘୋଷଣା କଲା। ରାଏବରେଲିରୁ ରାହୁଲ ଗାନ୍ଧୀ ଓ ଅମେଠିରୁ କିଶୋରୀ ଲାଲ୍‌ ଶର୍ମାଙ୍କ ନାମ ଘୋଷଣା ପରେ ଭାଜପା ଶିବିରରେ ଛନକା ପଶିଲା। କାରଣ ରାଏବରେଲି ହେଉଛି କଂଗ୍ରେସର ସବୁଠୁ ସୁରକ୍ଷିତ ଆସନ। ଏହି ସଂସଦୀୟ କ୍ଷେତ୍ରରେ ୨୦ ନିର୍ବାଚନ ମଧ୍ୟରୁ ଅଦ୍ୟାବଧି ୧୭ ଥର କଂଗ୍ରେସ ଜିତିଛି। ତେବେ ଇତିହାସ ଏଠି ଅଡ଼ୁଆ ଅନୁଭୂତିକୁ ମଧ୍ୟ ଲିପିବଦ୍ଧ କରିଛି, ଯେତେବେଳେ କ୍ଷମତାରେ ଥାଇ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ପରାଜୟର ମୁହଁ ଦେଖିବାକୁ ପଡ଼ିଥିଲା। ଜରୁରିକାଳୀନ ପରିସ୍ଥିତି ପରେ ୧୯୭୭ରେ ରାଏବରେଲିରେ ଅନୁଷ୍ଠିତ ନିର୍ବାଚନରେ ଇନ୍ଦିରାଙ୍କୁ  ଜନତା ପାର୍ଟିର ରାଜ ନାରାୟଣ ହରାଇଥିଲେ। ଏହା ପୂର୍ବରୁ ଏହି ଆସନରୁ ଇନ୍ଦିରାଙ୍କ ସ୍ବାମୀ ତଥା ରାହୁଲଙ୍କ ଜେଜେ ଫିରୋଜ ଗାନ୍ଧୀ ପ୍ରତିନିଧିତ୍ୱ କରିଥିଲେ। କଂଗ୍ରେସର ସର୍ବୋଚ୍ଚ ନେତ୍ରୀ ସୋନିଆ ଗାନ୍ଧୀଙ୍କୁ ରାଏବରେଲିବାସୀ ୨ ଦଶନ୍ଧି ଧରି  ପ୍ରତିନିଧିତ୍ୱର ସୁଯୋଗ ଦେଇଥିଲେ। ଏପରି କି ୨୦୧୪ ଓ ୨୦୧୯ରେ ଭାଜପା ସପକ୍ଷରେ ପ୍ରବଳ ହାଓ୍ବା ସତ୍ତ୍ୱେ କଂଗ୍ରେସ ନିଜ ସମର୍ଥନ ହରାଇ ନ ଥିଲା। ସୋନିଆ ନିକଟରେ ଏହି ଆସନ ନିଜ ପୁଅଙ୍କ ପାଇଁ ଛାଡ଼ିଦେଇ ରାଜସ୍ଥାନରୁ ରାଜ୍ୟ ସଭାକୁ ଯାଇଛନ୍ତି। ୨୦୧୯ରେ ସୋନିଆଙ୍କଠାରୁ ହାରିଥିବା ଭାଜପାର ଦୀନେଶ ପ୍ରତାପ ସିଂ ଏଥର ରାହୁଲଙ୍କ ବିଗ୍‌ ଚ୍ୟାଲେଞ୍ଜର ଭାବେ ଉଭା ହୋଇଛନ୍ତି। ୩ ଥର ବିଧାନ ପରିଷଦ ସଦସ୍ୟ (ଏମ୍‌ଏଲ୍‌ସି) ହୋଇସାରିଥିବା ଦୀନେଶ ୨୦୧୮ରେ ଭାଜପାରେ ମିଶିଥିଲେ। ସେ ଗତ ଥର ସୋନିଆଙ୍କଠାରୁ  ୧.୬ ଲକ୍ଷ ଭୋଟ ବ୍ୟବଧାନରେ ହାରିଥିଲେ। କିନ୍ତୁ ରାହୁଲଙ୍କୁ ହରାଇବା ନେଇ ଦୃଢ଼ୋକ୍ତି ପ୍ରକାଶ କରିଛନ୍ତି। ଠାକୁର ସମ୍ପ୍ରଦାୟ ଉପରେ ପ୍ରଭାବ ରଖୁଥିବା ଦୀନେଶ କହିଛନ୍ତି, ରାଏବରେଲିକୁ ଯେଉଁ ଗାନ୍ଧୀ ଆସିଲେ ବି ତାଙ୍କୁ ଫରକ୍‌ ପଡ଼ିବ ନାହିଁ।
କଂଗ୍ରେସର ଅମେଠି ପିକ୍‌ କିଶୋରୀ ଲାଲ୍‌ ଶର୍ମା ହେଉଛନ୍ତି ଗାନ୍ଧୀ ପରିବାରର ଦୀର୍ଘ ଘନିଷ୍ଠ। ପଞ୍ଜାବର ଲୁଧିଆନା ବାସିନ୍ଦା ଶର୍ମା ଦୁଇଟିଯାକ ସଂସଦୀୟ କ୍ଷେତ୍ରରେ କଂଗ୍ରେସ ଏମ୍‌ପିଙ୍କ ପ୍ରତିନିଧି ରୂପେ କାର୍ଯ୍ୟ କରିଛନ୍ତି। ଗଣମାଧ୍ୟମକୁ  ଶର୍ମା କହିଛନ୍ତି, ଅମେଠିରେ ସେ ୪୦ ବର୍ଷ ହେଲା କାର୍ଯ୍ୟ କରିଆସୁଛନ୍ତି। ତାଙ୍କ ଭଳି ଜଣେ ସାଧାରଣ କର୍ମୀଙ୍କ ଉପରେ ଦଳ ଆସ୍ଥା ପ୍ରକଟ କରିଥିବାରୁ ସେ କଂଗ୍ରେସ ପ୍ରତି କୃତଜ୍ଞ।  ୧୯୮୭ରେ ଶର୍ମା ଯୁବ କଂଗ୍ରେସ ସଦସ୍ୟ ଥିବାବେଳେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ତାଙ୍କୁ ଅମେଠିକୁ ଆଣିଥିଲେ। ପରିସ୍ଥିତି ଏପରି ହେଲା ଯେ ସେ ସେଠାରେ ରହିଗଲେ ବୋଲି ନାମାଙ୍କନପତ୍ର ଦାଖଲ ପାଇଁ ରୋଡ୍‌ ଶୋ’ ସମୟରେ ଶର୍ମା ସ୍ମୃତିଚାରଣ କରିଛନ୍ତି। ଶର୍ମାଙ୍କ ପ୍ରତିଶ୍ରୁତିବଦ୍ଧତା ଓ କର୍ତ୍ତବ୍ୟପରାୟଣ ମନୋଭାବ ତାଙ୍କ ବିଜୟକୁ ସୁନିଶ୍ଚିତ କରିବ ବୋଲି କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭଦ୍ରା ଏକ୍ସ’ରେ ପୋଷ୍ଟ କରିଛନ୍ତି। ରାଏବରେଲି ଭଳି ଅମେଠି ମଧ୍ୟ ଦୀର୍ଘ ବର୍ଷ ଧରି ଗାନ୍ଧୀ ପରିବାରର ଦୁର୍ଗ ରହିଆସିଥିଲା। ଏଠାରୁ ସଞ୍ଜୟ ଗାନ୍ଧୀ, ରାଜୀବ, ସୋନିଆ ଓ ରାହୁଲ ଲୋକ ସଭାକୁ ନିର୍ବାଚିତ ହୋଇଛନ୍ତି। ତେବେ ଗାନ୍ଧୀ ପରିବାରର ଅନୁଗତ ଶର୍ମା ଏବଂ ଅମେଠିରେ ଘର କରିସାରିଥିବା କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ମଧ୍ୟରୁ ଭୋଟର କାହାକୁ ପସନ୍ଦ କରିବେ ଜୁନ୍‌ ୪ରେ ଜଣାପଡ଼ିବ।

Enter your email to get our daily news in your inbox.

All Right Reserved By Dharitri.Com

ଇରାନ ରାଷ୍ଟ୍ରପତିଙ୍କ ବିୟୋଗରେ ମଙ୍ଗଳବାର ଦିନିକିଆ ରାଷ୍ଟ୍ରୀୟ ଶୋକ ପାଳିବ ଭାରତ

ନୂଆଦିଲ୍ଲୀ,୨୦।୫: ହେଲିକପ୍ଟର ଦୁର୍ଘଟଣାରେ ଇରାନର ରାଷ୍ଟ୍ରପତି ଇବ୍ରାହିମ ରାଇସି ଏବଂ ବୈଦେଶିକ ମନ୍ତ୍ରୀଙ୍କ ମୃତ୍ୟୁ ପରେ ଇରାନରେ ୫ ଦିନିଆ ରାଷ୍ଟ୍ରୀୟ ଶୋକ ପାଳନ କରାଯିବାକୁ...

ପତ୍ନୀ ସୁନୀତାଙ୍କ ସହ କେଜ୍‌ରିଓ୍ବାଲଙ୍କ ପ୍ରଥମ ରୋଡ ଶୋ’, କହିଲେ ମୋଦି ଜୀ…

ନୂଆଦିଲ୍ଲୀ,୨୦।୫: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲ ସୋମବାର ପତ୍ନୀ ସୁନୀତା କେଜ୍‌ରିଓ୍ବାଲଙ୍କ ସହ ଏକ ରୋଡ ଶୋ’ କରିଛନ୍ତି। ଏହି ସମୟରେ ସେ କହିଛନ୍ତି, ଭଲ...

ଭୋଟ୍‌ ବର୍ଜନ କରିଥିବା ଭୋଟରଙ୍କୁ ବୁଝାଇବାକୁ ରାଏବରେଲି ଯାଇଥିଲେ ରାହୁଲ, ଶୁଭିଲା ଜୟ ଶ୍ରୀ ରାମ ନାରା, ଆଉ ତା’ପରେ…

ନୂଆଦିଲ୍ଲୀ,୨୦।୫: ସୋମବାର ଲୋକ ସଭା ନିର୍ବାଚନ ୨୦୨୪ର ପଞ୍ଚମ ପର୍ଯ୍ୟାୟ ପାଇଁ ମତଦାନ ହୋଇଛି। ଏହି ସମୟରେ ଉତ୍ତରପ୍ରଦେଶର ହଟ ସିଟ ରାଏବରେଲିରେ ଏକ ଗାଁର...

ଯେଉଁ ମନ୍ଦିରକୁ ଯାଉଛନ୍ତି କଙ୍ଗନା, ସେହି ମନ୍ଦିରକୁ ସଫା କରିବା ଜରୁରୀ, ବିକ୍ରମାଦିତ୍ୟ ସିଂଙ୍କ ବିବାଦୀୟ ବୟାନ

ମଣ୍ଡି,୨୦।୫: ହିମାଚଳ ପ୍ରଦେଶର ମଣ୍ଡି ସଂସଦୀୟ ଆସନରୁ କଂଗ୍ରେସ ପ୍ରାର୍ଥୀ ବିକ୍ରମାଦିତ୍ୟ ସିଂ ଭାଜପା ପ୍ରାର୍ଥୀ କଙ୍ଗନା ରାଣାଓ୍ବତଙ୍କୁ ଟାର୍ଗେଟ କରିଛନ୍ତି। ଦେବ ସମାଜ ବିଷୟରେ...

୨୦ ଫୁଟ୍‌ ଖାଲକୁ ଖସିଲା ପିକ୍‌ଅପ୍‌:୧୭ ମୃତ

ରାୟପୁର,୨୦।୫: ଛତିଶଗଡର କାୱାର୍ଡା ଜିଲାର କୁକଦୁରରେ ସୋମବାର ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏଠାରେ ଏକ ପିକଅପ ଗାଡି ୨୦ ଫୁଟ୍‌ ଖାଇକୁ ଓଲଟି ପଡ଼ିବାରୁ...

ଅହମଦାବାଦ ବିମାନ ବନ୍ଦରରେ ବଡ ଆକ୍ସନ, ଧରାହେଲେ ଇସଲାମିକ ଷ୍ଟେଟର ୪ ଆତଙ୍କବାଦୀ

ଅହମଦାବାଦ,୨୦।୫: ଗୁଜୁରାଟର ଅହମଦାବାଦରେ ଇସଲାମିକ ଷ୍ଟେଟର ୪ ଆତଙ୍କବାଦୀ ଧରାପଡିଛନ୍ତି। ଗୁଜୁରାଟ ଏଟିଏସ ଅହମଦାବାଦ ବିମାନବନ୍ଦରରୁ ସମସ୍ତ ୪ ଆତଙ୍କବାଦୀଙ୍କୁ ଗିରଫ କରିଛି। ଏହି ଆତଙ୍କବାଦୀଙ୍କ...

ଯଦି ଆପଣ କୋଭାକ୍ସିନ ନେଇଛନ୍ତି, ତେବେ ଭୟ କରିବାର ଆବଶ୍ୟକତା ନାହିଁ

ନୂଆଦିଲ୍ଲୀ,୨୦।୫: ନିକଟରେ କରୋନା ଟିକା ସମ୍ବନ୍ଧରେ ଅନେକ ଭୟାନକ ଦାବି ସାମ୍ନାକୁ ଆସିଛି। ବର୍ତ୍ତମାନ ଆଇସିଏମଆର ଏହି ଦାବିକୁ ଭୁଲ ବୋଲି କହିଛି। କୋଭାକ୍ସିନର ପାର୍ଶ୍ୱ...

ଏଥର ଭବିଷ୍ୟବାଣୀ ପୂରଣ ନ ହେଲେ ମୁହଁରେ ଗୋବର ବୋଳିବାକୁ ପ୍ରସ୍ତୁତ ପ୍ରଶାନ୍ତ କିଶୋର

ନୂଆଦିଲ୍ଲୀ,୨୦।୫: ଲୋକ ସଭା ନିର୍ବାଚନ ୨୦୨୪ ଏବଂ ଆନ୍ଧ୍ରପ୍ରଦେଶ ବିଧାନସଭା ନିର୍ବାଚନର ଫଳାଫଳକୁ ନେଇ ରାଜନୈତିକ ରଣନୀତିଜ୍ଞ ବା ରାଜନୀତିର ଚାଣକ୍ୟ କୁହାଯାଉଥିବା ପ୍ରଶାନ୍ତ କିଶୋର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri