ଚେନ୍ନାଇ,୨୯।୪: ଆଇପିଏଲ ୨୦୨୪ର ୪୬ତମ ମ୍ୟାଚ ଚେନ୍ନାଇ ସୁପର କିଙ୍ଗ୍ସ ଏବଂ ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳାଯାଇଥିଲା। ଚେନ୍ନାଇର ଘରୋଇ ଗ୍ରାଉଣ୍ଡ ଏମ ଚିଦାମ୍ବରମ ଷ୍ଟାଡିୟମରେ ଏହି ମ୍ୟାଚ ଖେଳାଯାଇଥିଲା। ଚେନ୍ନାଇ ହାଇଦ୍ରାବାଦ ପାଇଁ ୨୧୩ ରନ ଲକ୍ଷ୍ୟ ଧାର୍ଯ୍ୟ କରିଥିଲା। କିନ୍ତୁ ପୁଣି ଥରେ ସନରାଇଜର୍ସ ହାଇଦ୍ରାବାଦ ସେମାନଙ୍କର ଇତିହାସକୁ ପୁନରାବୃତ୍ତି କରୁଥିବା ଦେଖିବାକୁ ମିଳିଥିଲା। ହାଇଦ୍ରାବାଦ ୨୦୦ ରନ୍ର ଟାର୍ଗେଟକୁ ପିଛା ପାରି ନ ଥିଲେ, ଯେଉଁ କାରଣରୁ ଚେନ୍ନାଇ ମ୍ୟାଚକୁ ୭୮ ରନରେ ଜିତିଥିଲା।
ଏହି ବିଜୟ ସହିତ ଚେନ୍ନାଇ ସୁପର କିଙ୍ଗସ ଆଇପିଏଲ ୨୦୨୪ ପଏଣ୍ଟ ଟେବୁଲରେ ଷଷ୍ଠରୁ ତୃତୀୟ ସ୍ଥାନକୁ ଉନ୍ନୀତ ହୋଇଛି। ଆଇପିଏଲ ୨୦୨୪ର ପଏଣ୍ଟ ଟେବୁଲରେ ସନରାଇଜର୍ସ ହାଇଦ୍ରାବାଦ ତୃତୀୟରୁ ଚତୁର୍ଥ ସ୍ଥାନକୁ ଖସି ଆସିଛି। ପାଞ୍ଚଟି ଦଳ ୧୦ ପଏଣ୍ଟରେ ଅଟକି ରହିଥିବାରୁ ଟେବୁଲ ବର୍ତ୍ତମାନ ଆକର୍ଷଣୀୟ ହେଉଛି । କୋଲକାତା ନାଇଟ ରାଇଡର୍ସ, ଚେନ୍ନାଇ ସୁପର କିଙ୍ଗ୍ସ, ସନରାଇଜର୍ସ ହାଇଦ୍ରାବାଦ, ଲକ୍ଷ୍ନୌ ସୁପର ଜିଆଣ୍ଟସ ଏବଂ ଦିଲ୍ଲୀ କ୍ୟାପିଟାଲ୍ସ ପାଞ୍ଚଟି ବିଜୟ ହାସଲ କରିଛନ୍ତି।
