Posted inଜାତୀୟ

ଦିଦିଙ୍କ ପାଇଁ ବଡ଼ ଆହ୍ବାନ

କୋଲକାତା/ନୂଆଦିଲ୍ଲୀ,୧୪ା୧୧: ନଭେମ୍ବର ୧୦ ତାରିଖ। ଏହି ଦିନ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପାଇଁ ଦୁଇଟି ଅଶୁଭ ଖବର ଆସିଥିଲା। ଗୋଟିଏ ଥିଲା ଦଳ ଭିତରୁ ଓ ଅନ୍ୟଟି ଦଳ ବାହାରୁ। ବିହାର ଏକ୍‌ଜିଟ୍‌ ପୋଲ୍‌ର ଭବିଷ୍ୟବାଣୀକୁ ସତ ମାନି ଦିଦି ନିର୍ବାଚନରେ ଜାତୀୟ ଗଣତାନ୍ତ୍ରିକ ମେଣ୍ଟ (ଏନ୍‌ଡିଏ)ର ପରାଜୟକୁ ଉତ୍ସୁକତାର ସହ ଅପେକ୍ଷା କରିଥିବାବେଳେ ଓଲଟା ଫଳାଫଳ ତାଙ୍କୁ ନିରାଶ କରିଥିଲା। ସେହିପରି ତୃଣମୂଳ କଂଗ୍ରେସ (ଟିଏମ୍‌ସି)ର ବରିଷ୍ଠ ନେତା ତଥା ରାଜ୍ୟ ପରିବହନ ମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ବିଦ୍ରୋହ ମମତାଙ୍କୁ ମର୍ମାହତ କରିଥିଲା। ବିହାର ପରିଣାମ ମମତାଙ୍କ ଲାଗି କେବଳ ଏକ ସତର୍କଘଣ୍ଟି ନୁହେଁ, ବରଂ ୨୦୨୧ ବିଧାନସଭା ନିର୍ବାଚନ ପାଇଁ ବଡ଼ ଆହ୍ବାନ ଭାବେ ଉଭା ହୋଇଛି। କାରଣ ବିହାରର ୫ ସଂଖ୍ୟାଲଘୁ ବହୁଳ ନିର୍ବାଚନମଣ୍ଡଳୀରେ ଅସାଦୁଦ୍ଦିନ ଓଓ୍ବାଇସିଙ୍କ ନେତୃତ୍ୱାଧୀନ ଅଲ୍‌ ଇଣ୍ଡିଆ ମଜ୍‌ଲିସ୍‌-ଇ-ଇତ୍ତେହାଦୁଲ୍‌ ମୁସ୍‌ଲମିନ୍‌ (ଏଆଇଏମ୍‌ଆଇଏମ୍‌)କୁ ସଫଳତା ମିଳିଛି।
ଏପ୍ରିଲ-ମେ’ରେ ପଶ୍ଚିମବଙ୍ଗ ବିଧାନସଭାର ୨୯୪ ଆସନରେ ନିର୍ବାଚନ ହେବ। ୨୦୧୬ରେ ଟିଏମ୍‌ସିକୁ ୨୧୧ ଆସନରେ ସଫଳତା ମିଳିଥିବାବେଳେ ବର୍ତ୍ତମାନ ଶାସକ ଦଳ ଦଖଲରେ ୨୨୪ ସିଟ୍‌ ରହିଛି। ଭାଜପାକୁ ସେତେବେଳେ ମାତ୍ର ୩ ଆସନରେ ସନ୍ତୁଷ୍ଟ ହେବାକୁ ପଡ଼ିଥିଲା। ତେବେ ୨୦୧୯ ସାଧାରଣ ନିର୍ବାଚନରେ ୪୨ ଲୋକ ସଭା ଆସନ ମଧ୍ୟରୁ ଟିଏମ୍‌ସି ୨୨ ଆସନରେ ସଫଳତା ପାଇଥିବାବେଳେ ଭାଜପା ୧୮ ସିଟ୍‌ ଦଖଲ କରିବାରେ ସକ୍ଷମ ହୋଇଥିଲା। ଇତିମଧ୍ୟରେ ବିଧାନସଭାରେ ମଧ୍ୟ ଭାଜପାର ବଳ ବୃଦ୍ଧି ଘଟି ଆସନ ସଂଖ୍ୟା ୧୫ରେ ପହଞ୍ଚତ୍ଛି। ଏବେ ବିହାର ବିଜୟ ପରେ ପଶ୍ଚିମବଙ୍ଗ ଉପରେ ଭାଜପାର ନଜର ରହିଛି। ନିକଟରେ ସ୍ବରାଷ୍ଟ୍ରମନ୍ତ୍ରୀ ଅମିତ୍‌ ଶାହା ଦୁଇଦିନିଆ ପଶ୍ଚିମବଙ୍ଗ ଗସ୍ତ କରି ଦିଦିଙ୍କୁ ତାଙ୍କ ଗଡ଼ରେ ଚ୍ୟାଲେଞ୍ଜ କରିଥିଲେ। ଶାହା କହିଥିଲେ, ପଶ୍ଚିମବଙ୍ଗର ସୀମା ସୁରକ୍ଷିତ ନ ଥିବା ଯୋଗୁ ଅନୁପ୍ରବେଶ ଜାରି ରହିଥିବାରୁ ରାଜ୍ୟରେ ନାଗରିକତ୍ୱ ସଂଶୋଧନ ଆଇନ (ସିଏଏ) ଲାଗୁ ହେବ। ମମତାଙ୍କ ୧୦ ବର୍ଷର ଶାସନରେ ରାଜ୍ୟରେ ଭାଜପା ନେତା ଓ କର୍ମୀଙ୍କୁ ହତ୍ୟା କରାଯାଉଛି। ତେଣୁ ପରିବର୍ତ୍ତନ ଆବଶ୍ୟକ। ଏହା ପୂର୍ବରୁ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା ମଧ୍ୟ ପଶ୍ଚିମବଙ୍ଗରେ କେନ୍ଦ୍ରର ସିଏଏ ଆଭିମୁଖ୍ୟକୁ ଦୋହରାଇଥିଲେ। ଭାଜପାର ପରବର୍ତ୍ତୀ ଟାର୍ଗେଟରେ ମମତା ବାନାର୍ଜୀ ଥିବା ଏଥିରୁ ସ୍ପଷ୍ଟ ହେଉଛି।
ବିହାର ବିଧାନସଭା ନିର୍ବାଚନରେ ସୀମାଞ୍ଚଳର ଆମୋର, ବାହାଦୁରଗଞ୍ଜ, କୋଚଧମନ, ବୈସି ଓ ଜୋକିହାଟ ଆସନରେ ଏଆଇଏମ୍‌ଆଇଏମ୍‌ ପ୍ରାର୍ଥୀ ବିଜୟୀ ହେବା ପରେ ଓଓ୍ବାଇସି ମଧ୍ୟ ପଶ୍ଚିମବଙ୍ଗ ମୁହଁା ହୋଇଛନ୍ତି। ସୀମାଞ୍ଚଳ ହେଉଛି ମୁସଲମାନ ବହୁଳ ପଶ୍ଚିମବଙ୍ଗ ଓ ବାଂଲାଦେଶ ସୀମା ସଂଲଗ୍ନ ଅଞ୍ଚଳ। ଏହି ଅଞ୍ଚଳରେ ୩୩% ମୁସ୍‌ଲିମ ଭୋଟର ରହିଛନ୍ତି। ଏହାର ପଡ଼ୋଶୀ ଜିଲା ମୁର୍ଶିଦାବାଦରେ ୬୬%, ମାଲଦାରେ ୫୧%, ଉତ୍ତର ଦିନାଜପୁରରେ ୫୦%, ବୀରଭୂମରେ ୩୭%, ଦକ୍ଷିଣ ୨୪ ପ୍ରଗଣାରେ ୩୫% ସଂଖ୍ୟାଲଘୁ ଭୋଟର ଥିବାରୁ ପଶ୍ଚିମବଙ୍ଗର ଆଗାମୀ ବିଧାନସଭା ନିର୍ବାଚନରେ ଦଳ ପକ୍ଷରୁ ପ୍ରାର୍ଥୀ ଦିଆଯିବ ବୋଲି ହାଇଦ୍ରାବାଦ ଏମ୍‌ପି ସ୍ପଷ୍ଟ କରିଛନ୍ତି। ଫଳରେ ଟିଏମ୍‌ସିର ପାରମ୍ପରିକ ସଂଖ୍ୟାଲଘୁ ଭୋଟ ବ୍ୟାଙ୍କ ଭାଙ୍ଗିଯିବା ଆଶଙ୍କା ସୃଷ୍ଟି ହୋଇଛି।
ଗତ ୧୦ ତାରିଖରେ ନନ୍ଦିଗ୍ରାମରେ ମମତାଙ୍କ କ୍ୟାବିନେଟ ମନ୍ତ୍ରୀ ଶୁଭେନ୍ଦୁ ଅଧିକାରୀ ୨୦୦୭ରେ ପୋଲିସ ଗୁଳିରେ ପ୍ରାଣ ହରାଇଥିବା ଭୂମି ଉଚ୍ଛେଦ ପ୍ରତିରୋଧ କମିଟିର ଶହୀଦଙ୍କୁ ସମ୍ମାନ ଦେବା ପାଇଁ ଏକ ବଡ଼ ସଭାର ଆୟୋଜନ କରିଥିଲେ। ନନ୍ଦିଗ୍ରାମ ଦିବସର ତ୍ରୟୋଦଶ ବର୍ଷପୂର୍ତ୍ତି ଅବସରରେ ସେହି ମଞ୍ଚରୁ ସେ ମମତାଙ୍କୁ ଖୋଲା ଚ୍ୟାଲେଞ୍ଜ କରିଥିଲେ। କହିଥିଲେ, ତୁମକୁ ଯୁଦ୍ଧଭୂମିରେ ଦେଖିନେବି। ତୁମ ସହ ଏକ ରାଜନୈତିକ ମଞ୍ଚରେ ମୁକାବିଲା ହେବ। ଏନେଇ ଟିଏମ୍‌ସି ପକ୍ଷରୁ କୁହାଯାଇଛି ଯେ, ମମତାଙ୍କ ଜମି ଅଧିଗ୍ରହଣ ବିରୋଧୀ ଆନ୍ଦୋଳନ ବିପକ୍ଷରେ ଯାଇ ଶୁଭେନ୍ଦୁ ଭାଜପାକୁ ସାହାଯ୍ୟ କରୁଛନ୍ତି। ତେବେ ଶାସକ ତୃଣମୂଳ କଂଗ୍ରେସର ଏହି ଅଭିଯୋଗ ସତ ହୋଇଥିଲେ ବାମପନ୍ଥୀଙ୍କ ୩୪ ବର୍ଷ ଶାସନର ଅନ୍ତ ଘଟାଇ କ୍ଷମତାସୀନ ହୋଇଥିବା ମମତା ଆଗକୁ କଡ଼ା ଆହ୍ବାନକୁ ସାମ୍ନା କରିପାରନ୍ତି ବୋଲି ରାଜନୈତିକ ବିଶ୍ଳେଷକ ମତ ଦେଉଛନ୍ତି।


Enter your email to get our daily news in your inbox.

All Right Reserved By Dharitri.Com

ଏମ୍‌ପିଙ୍କୁ ମୋଦିଙ୍କ ନିବେଦନ: ନିର୍ବାଚନ ଯିବ-ଆସିବ, ଚଳିତ ଅଧିବେଶନକୁ କରନ୍ତୁ ଫଳପ୍ରଦ

ନୂଆଦିଲ୍ଲୀ,୩୧।୧: ପାର୍ଲାମେଣ୍ଟର ବଜେଟ ଅଧିବେଶନ ସୋମବାରଠାରୁ ଆରମ୍ଭ ହୋଇଛି। ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗଣମାଧ୍ୟମ ସହ କଥା ହୋଇଥିଲେ। ଏହି ସମୟରେ ସେ ବଜେଟ...

‘ତାମିଲଙ୍କୁ ଶୂଦ୍ର କରିଦେବ ହିନ୍ଦୀ’

ଚେନ୍ନାଇ,୭।୬:ଡିଏମ୍‌କେ ନେତା ତଥା ରାଜ୍ୟ ସଭା ସଦସ୍ୟ ଟି.କେ.ଏସ୍‌. ଇଲାଙ୍ଗୋଭାନ ହିନ୍ଦୀ ଭାଷାକୁ ବିରୋଧ କରିଛନ୍ତି। ସେ କହିଛନ୍ତି, ହିନ୍ଦୀ କହିବା ଦ୍ୱାରା ତାମିଲ ଲୋକମାନେ...

୫-ଜି ସ୍ପେକ୍ଟ୍ରମ୍‌ ନିଲାମ ନେଇ କାର୍ଯ୍ୟ ଆରମ୍ଭ, ଚଳିତ ବର୍ଷ ମିଳିପାରେ ସେବା…

ନୂଆଦିଲ୍ଲୀ, ୩୦।୫ : ଦେଶରେ ୫-ଜି ସ୍ପେକ୍ଟ୍ରମର ନିଲାମ ନେଇ କାର୍ଯ୍ୟ ଆରମ୍ଭ ହୋଇଛି। ଏହାର ସେବା ଚଳିତ ବର୍ଷ ଆରମ୍ଭ ହୋଇପାରିବାର ଆଶା ରହିଛି।...

ଜିଲା ଅଦାଲତରେ ବିସ୍ଫୋରଣ, ୨ ମୃତ, ୫ରୁ ଅଧିକ ଆହତ…

ଲୁଧିୟାନା, ୨୩।୧୨: ପଞ୍ଜାବର ଲୁଧିୟାନା ଜିଲା ଅଦାଲତରେ ଗୁରୁବାର ବିସ୍ଫୋରଣ ଘଟିଛି। ଅଦାଲତର ଦ୍ୱିତୀୟ ମହଲାରେ ବିସ୍ଫୋରଣ ଘଟିବାରୁ ଲୋକେ ଭୟରେ ଦୌଡ଼ାଦୌଡ଼ି ଆରମ୍ଭ କରିଥିଲେ।...

ଗ୍ରେଟର ନଏଡ଼ାରେ ଖୋଲିଲା ପ୍ରଥମ ଇଲେକ୍ଟ୍ରିକ୍‌ କାର୍‌ ଚାର୍ଜିଂ ଷ୍ଟେଶନ

ଗ୍ରେଟର ନଏଡ଼ା,୨୯।୮: ପରିବେଶ ପ୍ରଦୂଷଣକୁ ରୋକିବାକୁ ବହୁ ଦିନରୁ ଚାଲିଥିବା ପ୍ରୟାସ ଶେଷରେ ଫଳବତି ହୋଇଛି। ପେଟ୍ରୋଲ, ଡିଜେଲ ବାହନ ବ୍ୟତୀତ ଇଲେକ୍ଟ୍ରୋନିକ୍‌ ବାହନ ବ୍ୟବହାର...

ବେଙ୍ଗାଲୁରୁରେ ରାତିଅଧିଆ ଦଙ୍ଗା

ବେଙ୍ଗାଲୁରୁ,୧୩ା୮: ସୋସିଆଲ ମିଡିଆରେ ଏକ ନିର୍ଦ୍ଦିଷ୍ଟ ସମ୍ପ୍ରଦାୟ ବିରୋଧରେ ଆପତ୍ତିଜନକ ପୋଷ୍ଟରୁ ମଙ୍ଗଳବାର ବିଳମ୍ବିତ ରାତିରେ ବେଙ୍ଗାଲୁରୁରେ ସାମ୍ପ୍ରଦାୟିକ ଦଙ୍ଗା ସୃଷ୍ଟି ହୋଇଛି। ଏହାକୁ ନେଇ...

ଭାଜପାରେ ଯୋଗ ଦେବା ନେଇ କ’ଣ କହିଲେ ସଚିନ

ଜୟପୁର/ନୂଆଦିଲ୍ଲୀ,୧୫।୭: ରାଜସ୍ଥାନ କଂଗ୍ରେସ ଅଧ୍ୟକ୍ଷ ଏବଂ ଉପମୁଖ୍ୟମନ୍ତ୍ରୀ ପଦରୁ ସଚିନ ପାଇଲଟଙ୍କୁ ହଟାଇ ଦିଆଯାଇଛି। ଏବେ ସେ ଭାଜପାରେ ଯୋଗ ଦେବା ନେଇ ଚର୍ଚ୍ଚା ଚାଲିଛି।...

ଆଇନ ମନ୍ତ୍ରଣାଳୟର ଅଧିକାରୀ କରୋନା ପଜିଟିଭ

ନୂଆଦିଲ୍ଲୀ,୫।୫: ଆଇନ ମନ୍ତ୍ରଣାଳୟର ଜଣେ ଅଧିକାରୀ କରୋନାରେ ସଂକ୍ରମିତ ହୋଇଥିବା ଜଣାପଡିବା ପରେ ଶାସ୍ତ୍ରୀ ଭବନର ଗୋଟିଏ ମହଲାକୁ ଆଶିଂକ ଭାବେ ସିଲ୍‌ କରାଯାଇଥିବା ସୂଚନା...

Advertisement
Archives

Model This Week