ନୂଆଦିଲ୍ଲୀ,୩୦ ।୧୦: କଂଗ୍ରେସ ଏବେ ଚଳାଇଛି ତା’ର ଭାରତ ଯୋଡୋ ଯାତ୍ରା । ଏଥିରେ ରାଜନେତାଙ୍କଠାରୁ ଆରମ୍ଭ କରି କଂଗ୍ରେସ କର୍ମୀ ଓ କେବେ କେବେ କେତେଜଣ ସେଲିବ୍ରିଟି ଏଥିରେ ସାମିଲ ହୋଇଥିବା ଦେଖାଯାଇଛି । ଏବେ ଭାରତ ଯୋଡୋ ଯାତ୍ରାରେ କଂଗ୍ରେସ ନେତା ରାହୁଲ ଗାନ୍ଧୀ ଓ ଅଭିନେତ୍ରୀ ପୁନମ କୌରଙ୍କ ଫଟୋ ଭାଇରାଲ ହେବା ପରେ ଭାରତୀୟ ଜନତା ପାର୍ଟି(ଭାଜପା) ନେତ୍ରୀ ପ୍ରିତି ଗାନ୍ଧୀ ଏହାକୁ ନେଇ ଟିପ୍ପଣି କରିଥିବାରୁ ଶନିବାର ତାଙ୍କୁ ଟ୍ରୋଲ କରାଯାଇଛି । ଏମାନଙ୍କ ଫଟୋକୁ ନେଇ ଭୁଲ ଟିପ୍ପଣି ଦେବା ତାଙ୍କ ପାଇଁ ମହଙ୍ଗା ପଡିଛି । ଗୋଟିଏ ପଟେ ସୋସିଆଲ ମିଡିଆ ୟୁଜର୍ସ ତାଙ୍କୁ ଟ୍ରୋଲ କରିଥିବା ବେଳେ କଂଗ୍ରେସ ବି ଏହାର ଜବାବ ଦେଇଛି । ଅଭିନେତ୍ରୀ ପୁନମ କୌର ସାମ୍ନାକୁ ଆସି ଭାଜପା ନେତ୍ରୀ ପ୍ରିତି ଗାନ୍ଧୀଙ୍କୁ କଡା ଜବାବ ଦେଇଛନ୍ତି । ସେ କହିଛନ୍ତି ଭାରତ ଯୋଡୋ ଯାତ୍ରାରେ ରାହୁଲ ଗାନ୍ଧୀ କାହିଁକି ତାଙ୍କ ହାତ ଧରିଥିଲେ ।
ସୂଚନାଯୋଗ୍ୟ, ଭାରତ ଯୋଡୋ ଯାତ୍ରା ସମୟରେ ରାହୁଲ ଗାନ୍ଧୀ ଓ ପୁନମ କୌରଙ୍କର ଏକ ଫଟୋ ଭାଇରାଲ ହୋଇଥିଲା । ଏଥିରେ ଉଭୟ ଉଭୟଙ୍କ ହାତ ଧରିଥିବା ଦେଖାଯାଇଥିଲା । ଏହାକୁ ଟୁଇଟରରେ ପୋଷ୍ଟ କରି କର୍ନାଟକର ଭାଜପା ନେତୀ ପ୍ରିତି ଗାନ୍ଧୀ ଓଲଟା ଟିପ୍ପଣି ଦେଇଥିଲେ । ସେ ଏଥିରେ ଲେଖିଥିଲେ, ଜେଜେବାପାଙ୍କ ପଦାଙ୍କ ଅନୁସରଣ କରୁଛନ୍ତି ।
ପ୍ରିତି ଗାନ୍ଧୀଙ୍କ ଏହି ଟୁଇଟ ଉପରେ ପୁନମ କଡା ଜବାବ ଦେଇଛନ୍ତି । ଏହାକୁ ରିଟୁଇଟ କରି ପୁନମ ଲେଇଛନ୍ତି ବାସ୍ତବରେ ଆପଣ ଅପମାନ କରୁଛନ୍ତି । ମନେ ରଖନ୍ତୁ ପ୍ରଧାନମନ୍ତ୍ରୀ ନାରୀ ଶକ୍ତି କଥା କହୁଛନ୍ତି । ମୁଁ ଝୁଣ୍ଟି ପଡିଥିଲି ଓ ପଡିଯାଇଥାଆନ୍ତି, ସେତେବେଳେ ସାର ମୋ ହାତକୁ ଏମିତି ଧରି ନେଇଥିଲେ । ସେ ରାହୁଲ ଗାନ୍ଧୀଙ୍କ ପାଇଁ ଲେଖିଛନ୍ତି ଥ୍ୟାଙ୍କ ୟୁ ସାର ।
