ଭାରତର ସ୍ବାଧୀନତା ସଂଗ୍ରାମରେ ଶହୀଦ୍ ଭଗତ ସିଂ ନାମ ସ୍ବର୍ଣ୍ଣାକ୍ଷରରେ ଲେଖାଯାଇଛି। ତାଙ୍କୁ ଜାତୀୟତାବାଦୀ ଆନ୍ଦୋଳନର ଅନ୍ୟତମ ପ୍ରଭାବଶାଳୀ ବିପ୍ଳବୀ ଭାବରେ ବିବେଚନା କରାଯାଏ। ଭଗତ ସିଂ ସେପ୍ଟେମ୍ବର ୨୮ ୧୯୦୭ରେ ଅବିଭକ୍ତ ଭାରତର ଲାୟଲପୁର ଜିଲା(ବର୍ତ୍ତମାନ ପାକିସ୍ତାନ)ର ବଙ୍ଗାରେ ଜନ୍ମ ହୋଇଥିଲେ। ତାଙ୍କ ପୈତୃକ ଗାଁ ହେଉଛି ଖଟକଡ କାଲାଁ ଯାହା ପଞ୍ଜାବ (ଭାରତ)ରେ ଅଛି। ମାର୍ଚ୍ଚ ୨୩, ୧୯୩୧ରେ ଭଗତ ସିଂ, ତାଙ୍କର ବୈପ୍ଳବିକ ସହକର୍ମୀ ସୁଖଦେବ ଏବଂ ରାଜଗୁରୁଙ୍କ ସହିତ ହସି ହସି ଫାଶୀ ଦେଇଥିଲେ ସେତେବେଳକୁ ତାଙ୍କ ମାତ୍ର ୨୩ ବର୍ଷ ହୋଇଥିଲା।
ଯୁବକମାନେ ଚଳଚ୍ଚିତ୍ର ଦେଖିବାକୁ ପସନ୍ଦ କରନ୍ତି। ସେମାନେ ଚଳଚ୍ଚିତ୍ର ମାଧ୍ୟମରେ ମଧ୍ୟ ବିଶେଷ ଅନୁପ୍ରାଣିତ ଅଟନ୍ତି। ଭଗତ ସିଂ ମଧ୍ୟ ଚଳଚ୍ଚିତ୍ର ଦେଖିବାକୁ ବହୁତ ପସନ୍ଦ କରୁଥିଲେ। ସେ ହଲିଉଡ୍ର ପ୍ରସିଦ୍ଧ ଅଭିନେତା ଚାର୍ଲି ଚାପଲିନଙ୍କ ଚଳଚ୍ଚିତ୍ରକୁ ଦେଖିବାକୁ ପସନ୍ଦ କରୁଥିଲେ। ସେ ନିଜ ପକେଟ୍ ଖର୍ଚ୍ଚରୁ ବଳକା ଟଙ୍କାରେ ଚାର୍ଲି ଚାପଲିନଙ୍କ ଚଳଚ୍ଚିତ୍ର ଦେଖୁଥିଲେ। ଭଗତ ମିଠା ଖାଇବାକୁ ମଧ୍ୟ ଭଲ ପାଉଥିଲେ। ମିଠା ଭିତରେ ସେ ରସଗୋଲା ଖାଇବାକୁ ବେଶ୍ ପସନ୍ଦ କରୁଥିଲେ। ନିଜ ବନ୍ଧୁମାନଙ୍କ ସହ ମିଶି ମିଠା ଖାଇବାକୁ ଯାଉଥିଲେ। ସବୁବେଳେ ଲମ୍ବା ଜୋତା ପିନ୍ଧିବା ଭଗତ ସିଂ ଏକ ନିଶା ଥିଲା। ଅମୃତସରରେ ଥିବା ମ୍ୟୁଜିୟମରେ ତାଙ୍କ ଲମ୍ବା ଜୋତା ପିନ୍ଧା ଫଟୋ ସବୁ ସ୍ଥାନିତ ହୋଇଛି।
ସାଧାରଣତଃ କ୍ରାନ୍ତିକାରୀ ବ୍ୟକ୍ତିମାନେ ପରିବାର ଅପେକ୍ଷ ନିଜ ଦେଶକୁ ଅଧିକ ଭଲ ପାଆନ୍ତି। କିନ୍ତୁ ଭଗତ ସିଂ ଦେଶ ସହ ନିଜ ପରିବାରକୁ ମଧ୍ୟ ବେଶ୍ ସମ୍ମାନ ଦେଉଥିଲେ। ପୁଅର ଫାଶୀ ଖବର ଶୁଣି ଭଗତ ସିଂଙ୍କ ମା’ ଗୁରୁଦ୍ୱାରରେ ଏକ ପାଠଚକ୍ର କରାଇଥିଲେ। ଏହା ଜାଣିବା ପରେ ଭଗତ ସିଂ ନିଜ ମା’ଙ୍କ ସହ ଏନେଇ ଆଲୋଚନା କରିଥିଲେ।
