ଦେଶରେ ବିବାହ ସିଜିନ୍ ଚାଲିଛି। ବିବାହ ସମ୍ବନ୍ଧୀୟ ଅନେକ ମଜାଦାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବିବାହରେ ବରଣମାଳା ପିନ୍ଧା ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ରୀତି। ବରଣମାଳା ସମୟରେ ଅନେକ ରୋଚକ ଘଟଣା ଘଟେ। ଆଜିକାଲି ସୋସିଆଲ ମିଡିଆରେ ଏଭଳି ଏକ ଘଟଣାର ଭିଡିଓ ଭାଇରାଲ ହେବାରେ ଲାଗିଛି। ବରଣମାଳା ପିନ୍ଧାଇବା ସମୟରେ ଜଣେ ବର ସମସ୍ତଙ୍କ ସାମ୍ନାରେ ନିଜ ଭାବୀ ସ୍ତ୍ରୀଙ୍କୁ ନିକଟରେ ଏପରି ଏକ ସର୍ତ୍ତ ରଖିଥିଲେ, ଯାହା ଶୁଣି କନ୍ୟା ଲାଜେଇଯାଇଥିଲେ। ଭାଇରାଲ ଭିଡିଓରେ ଦେଖିବାକୁ ମିଳେ ଯେ ବିବାହ ସମୟରେ ବର ଏବଂ କନ୍ୟା ମଞ୍ଚ ଉପରେ ଠିଆ ହୋଇଥିଲେ। ଏହି ସମୟରେ ବରଣମାଳାର ରୀତିନୀତି ଅନୁଷ୍ଠିତ ହେଉଛି। ଉଭୟ ବର ଏବଂ କନ୍ୟାଙ୍କ ହାତରେ ଏକ ବରଣମାଳା ଅଛି। ଏହା ପରେ କନ୍ୟା ବରଣମାଳା ବରଙ୍କୁ ପିନ୍ଧାଇଦିଅନ୍ତି। ତା’ପରେ ସମସ୍ତେ ବରଙ୍କୁ ବରଣମାଳା ପିନ୍ଧାଇବାକୁ କୁହନ୍ତି। କିନ୍ତୁ ବର, ପିନ୍ଧାଇବା ପୂର୍ବରୁ କନ୍ୟା ଆଗରେ ଏକ ସର୍ତ୍ତ ରଖିଥାନ୍ତି। ସେ କୁହନ୍ତି ମୋତେ ଗୋଟିଏ ଚୁମ୍ବନ ଦେଲେ ମୁଁ ବରଣମାଳା ପିନ୍ଧାଇବି। ଏହା ଶୁଣି କନ୍ୟା ଲାଜେଇ ଯାନ୍ତି। ସେଠାରେ ଉପସ୍ଥିତ ପରିବାରବର୍ଗ ମଧ୍ୟ ଆଶ୍ଚର୍ଯ୍ୟ ହୋଇଯାନ୍ତି।
ପ୍ରଥମେ କନ୍ୟା ଏଥିପାଇଁ ପ୍ରସ୍ତୁତ ନ ଥାନ୍ତି ଏବଂ ବୁଲି ପଡି ସମ୍ପର୍କୀୟଙ୍କୁ ଦେଖିବା ଆରମ୍ଭ କରନ୍ତି। ତେବେ ବର ମଧ୍ୟ ତାଙ୍କ ଜିଦ୍ରେ ଅଟଳ ରହିବା ପରେ ଶେଷରେ କନ୍ୟାର ଭାବୀ ସ୍ବାମୀଙ୍କୁ ଚୂମ୍ବନ ଦିଅନ୍ତି। ଏହି ମଜାଦାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
