ବିଭିନ୍ନ ପ୍ରକାର ରେଷ୍ଟୁରାଣ୍ଟ ବିଷୟରେ ତ ସମସ୍ତେ ଜାଣିଥିବେ, କିନ୍ତୁ ମହୁମାଛିଙ୍କ ରେଷ୍ଟୁରାଣ୍ଟ ବିଷୟରେ କେବେ ଶୁଣିଛନ୍ତି କି? ଏହା ଶୁଣିବାକୁ ଆଶ୍ଚଯର୍ୟ ଲାଗିଲେ ବି ସତ । ଏବେ ଖାସ୍ ମହୁମାଛିଙ୍କ ପାଇଁ ତିଆରି ହୋଇଛି ମାକ୍ ଡୋନାଲ୍ଡ ରେଷ୍ଟୁରାଣ୍ଟ । ଏହା ହେଉଛି ପୃଥିବୀର ସବୁଠାରୁ କ୍ଷୁଦ୍ରତ୍ତମ ରେଷ୍ଟୁରାଣ୍ଟ । ଏହାକୁ ସ୍ବିଡେନ୍ରେ ମହୁମାଛିଙ୍କ ସଂରକ୍ଷଣ ପାଇଁ ତିଆରି କରାଯାଇଛି। ଏହାର ବାହାର ପାର୍ଶ୍ୱ ଦେଖିବାକୁ ଅବିକଳ ମାକ୍ ଡୋନାଲ୍ଡ ରେଷ୍ଟୁରାଣ୍ଟ ପରି । ଏହାଛଡା ଏଥିରେ ରହିଛି ମାକ୍ ଡୋନାଲ୍ଡର ଲୋଗୋ, ଡ୍ରାଇଭ୍ ଥ୍ରୁ ସାଇନ୍ ଓ ଝରକାରେ ଆଡ୍ଭର୍ଟାଇଜ୍ମେଣ୍ଟ । ଆଉ ଭିତର ପାର୍ଶ୍ୱରେ ରହିଛି ମହୁମାଛିଙ୍କର ଚକ୍ର, ଯେଉଁଥିରେ ସେମାନଙ୍କ ପାଇଁ ଥାଏ ଖାଦ୍ୟ । ଏଥିରେ ହଜାରରୁ ଅଧିକ ମହୁମାଛି ରହିପାରିବେ ।
