Posted inଖେଳ

ଘରୋଇ ସିଜନ ପାଇଁ ବିସିସିଆଇର ବ୍ଲୁ ପ୍ରିଣ୍ଟ: ଡିସେମ୍ବର ୨୦ରୁ ମୁସ୍ତାକ ଅଲି , ଜାନୁୟାରୀ ୧୧ରୁ ରଣଜୀ ଟ୍ରଫି

ମୁମ୍ବାଇ,୩୦।୧୧(ପି.ଟି.): କୋଭିଡ୍‌-୧୯ ପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ଘରୋଇ କ୍ରିକେଟ ସାଂଘାତିକ ଭାବେ ପ୍ରଭାବିତ ହୋଇଛି। ମହାମାରୀର ପ୍ରକୋପ ଜାରି ରହିବା ସତ୍ତ୍ୱେ ବିସିସିଆଇ ଘରୋଇ ସେସନ ଆରମ୍ଭ କରିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି। ଡିସେମ୍ବର ଓ ମାର୍ଚ୍ଚ ମଧ୍ୟରେ ସାରା ଦେଶରେ ୬ଟି ଜୈବ ସୁରକ୍ଷିତ ହବ୍‌ ବା ସ୍ଥାନ ତଥା ବାୟୋ ବବଲ ସୃଷ୍ଟି କରାଯିବା ଉପରେ ବିସିସିଆଇ ଯୋଜନା କରୁଛି। ତେବେ ଏଥିପାଇଁ ବୋର୍ଡ ରାଜ୍ୟ ଆସୋସିଏଶନଗୁଡିକର ମତାମତ ଲୋଡି ଚିଠି ଲେଖିଛି।
ଆସୋସିଏଶନଗୁଡିକୁ ୪ଟି ବିକଳ୍ପ ଦିଆଯାଇଛି। ପ୍ରଥମ ବିକଳ୍ପ ହେଉଛି କେବଳ ରଣଜୀ ଟ୍ରଫି ଆୟୋଜନ। ଦ୍ୱିତୀୟ ବିକଳ୍ପ ହେଉଛି କେବଳ ସୟଦ ମୁସ୍ତାକ ଅଲି ଟି୨୦ ଟୁର୍ନାମେଣ୍ଟ ଆୟୋଜନ। ତୃତୀୟ ବିକଳ୍ପ ହେଉଛି ମିଳିତ ଭାବେ ରଣଜୀ ଟ୍ରଫି ଓ ମୁସ୍ତାକ ଅଲି ଟୁର୍ନାମେଣ୍ଟ ଆୟୋଜନ। ଚତୁର୍ଥ ବିକଳ୍ପ ହେଉଛି ଦୁଇ ସୀମିତ ଓଭର ଟୁର୍ନାମେଣ୍ଟ (ମୁସ୍ତାକ ଅଲି ଓ ବିଜୟ ହଜାରେ ଟ୍ରଫି) ପାଇଁ ଓ୍ବିଣ୍ଡୋ ପ୍ରସ୍ତୁତ କରିବା।
ଏହି ଚିଠିରେ ବିସିସିଆଇ ଟୁର୍ନାମେଣ୍ଟଗୁଡିକର ସମ୍ଭାବ୍ୟ ସମୟ ଉପରେ ଉପରେ ଉଲ୍ଲେଖ କରିଛି। ରଜଣୀ ଟ୍ରଫି ପାଇଁ ୬୭ ଦିନ (୧୧ ଜାନୁୟାରୀରୁ ୧୮ ମାର୍ଚ୍ଚ) ପ୍ରସ୍ତାବ ଦିଆଯାଇଛି। ମୁସ୍ତାକ ଅଲି ଟୁର୍ନାମେଣ୍ଟ ପାଇଁ ୨୨ ଦିନ (ଡିସେମ୍ବର ୨୦ରୁ ଜାନୁୟାରୀ ୧୦) ଆବଶ୍ୟକ ହେବ ବୋଲି କୁହାଯାଇଛି। ସେହିପରି ଯଦି ବିଜୟ ହଜାରେ ଟ୍ରଫି ଖେଳାଯାଏ ତେବେ ଏହା ଜାନୁୟାରୀ ୧୧ରୁ ଫେବୃୟାରୀ ୭ (୨୮ ଦିନ) ମଧ୍ୟରେ ଆୟୋଜନ ହେବ। ମହାମାରୀ ସମୟରେ ନୂଆ ଘରୋଇ ସେସନ ଆୟୋଜନ ନିଶ୍ଚିତ ଭାବେ ଏକ ବଡ଼ ସ୍ବାସ୍ଥ୍ୟଗତ ଚ୍ୟାଲେଞ୍ଜ ବୋଲି ଚିଠିରେ ଉଲ୍ଲେଖ କରାଯାଇଛି।
ଘରୋଇ ଟୁର୍ନାମେଣ୍ଟରେ ଭାଗ ନେବାକୁ ଥିବା ୩୮ଟି ଦଳ ପାଇଁ ବିସିସିଆଇ ଦେଶରେ ୬ଟି ଜୈବ ସୁରକ୍ଷିତ ହବ୍‌ ସ୍ଥାପନ କରିବ। ୩୮ଟି ଦଳକୁ ୫ଟି ଏଲିଟ୍‌ ଗ୍ରୁପ୍‌ରେ ଓ ଗୋଟିଏ ପ୍ଲେଟ୍‌ ଗ୍ରୁପ୍‌ରେ ବିଭକ୍ତ କରାଯିବ। ଗୋଟିଏ ଏଲିଟ୍‌ ଗ୍ରୁପ୍‌ରେ ୬ଟି ଦଳ ଓ ପ୍ଲେଟ୍‌ ଗ୍ରୁପ୍‌ରେ ୮ଟି ଦଳ ସାମିଲ ରହିବେ ବୋଲି ଉଲ୍ଲେଖ କରାଯାଇଛି। ପ୍ରତ୍ୟେକ ଜୈବ ସୁରକ୍ଷିତ ହବ୍‌ରେ ଅତିକମ୍‌ରେ ୩ଟି ଭେନ୍ୟୁ ସାମିଲ ରହିବ ଓ ମ୍ୟାଚ୍‌ଗୁଡିକ ଡିଜିଟାଲ ମିଡିଆରେ ପ୍ରସାରିତ ହେବ। ଉଲ୍ଲେଖଥାଉ କି, ବୋର୍ଡ ଜୈବ ସୁରକ୍ଷିତ ପରିବେଶରେ କିଛିଦିନ ତଳେ ୟୁନାଇଟେଡ ଆରବ ଏମିରେଟ୍ସ (ୟୁଏଇ)ରେ ସଫଳତାର ସହ ଇଣ୍ଡିଆନ ପ୍ରିମିୟର ଲିଗ (ଆଇପିଏଲ୍‌) ଆୟୋଜନ କରିଥିଲା। ସାଧାରଣତଃ ଅଗଷ୍ଟରେ ଆରମ୍ଭ ହେଉଥିବା ଘରୋଇ ସିଜନ ଆଗକୁ ଦିନେ ଆରମ୍ଭ ହେବ ବୋଲି ବିସିସିଆଇ ସଭାପତି ସୌରଭ ଗାଙ୍ଗୁଲି କହିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆଇସିସି ମହିଳା ଟି୨୦ ବିଶ୍ୱକପ୍‌: ସେମିରେ ଦକ୍ଷିଣ ଆଫ୍ରିକା

ସିଡ୍‌ନୀ,୧ା୩(ପି.ଟି.)- ଲୌରା ଓ୍ବଲଭାର୍ଡଙ୍କ ଅପରାଜିତ ଅର୍ଦ୍ଧଶତକୀୟ ଇନିଂସ ସହାୟତାରେ ଦକ୍ଷିଣ ଆଫ୍ରିକା ୧୭ ରନ୍‌ରେ ପାକିସ୍ତାନକୁ ହରାଇ ଆଇସିସି ମହିଳା ଟି୨୦ ବିଶ୍ୱକପ୍‌ ସେମିଫାଇନାଲରେ ପ୍ରବେଶ...

କରୋନା ଭାଇରସ୍‌ ମୋ କ୍ୟାରିୟରର ଅନ୍ତ ଘଟାଇବ ନାହିଁ: ଆଣ୍ଡରସନ

ଲଣ୍ଡନ, ୨୮ା୩ (ଏଏଫ୍‌ପି)-କରୋନା ଭାଇରସ୍‌ ତାଙ୍କ ଉଜ୍ଜ୍ୱଳ କ୍ୟାରିୟରର ଅନ୍ତ ଘଟାଇବ ନାହିଁ ବୋଲି କହିଛନ୍ତି ଇଂଲଣ୍ଡ ବୋଲର ଜେମ୍ସ ଆଣ୍ଡରସନ। ସେ କହିଛନ୍ତି, ବର୍ତ୍ତମାନ...

ଦିଲ୍ଲୀ ଫ୍ରାଞ୍ଚାଇଜ ଟ୍ରେନରଙ୍କ ସହ ଟ୍ରେନିଂ ଆରମ୍ଭ କଲେ ବୁମରା

ନୂଆଦିଲ୍ଲୀ,୩।୧୨- ପିଠି ଜନିତ ସମସ୍ୟାରୁ ମୁକୁଳିବା ପରେ ଦିନିକିଆ ଫର୍ମାଟର ନମ୍ବର ଓ୍ବାନ ବୋଲର ଯଶପ୍ରୀତ ବୁମରା ମଙ୍ଗଳବାରଠାରୁ ଟ୍ରେନିଂ ଆରମ୍ଭ କରିଛନ୍ତି। ସେ ମୁମ୍ବାଇ...

କୋଭିଡ-୧୯: ୨୦ ଲକ୍ଷ ଟଙ୍କା ସଂଗ୍ରହ କଲା ଭାରତୀୟ ମହିଳା ହକି ଦଳ

ବେଙ୍ଗାଲୁରୁ,୪।୫(ପି.ଟି.): କୋଭିଡ-୧୯ ମହାମାରୀ ଦ୍ୱାରା ପ୍ରଭାବିତ ହୋଇଥିବା ଲୋକଙ୍କୁ ସାହାଯ୍ୟ କରିବା ପାଇଁ ଭାରତୀୟ ମହିଳା ହକି ଦଳ ୨୦ ଲକ୍ଷ ଟଙ୍କାର ପାଣ୍ଠି ସଂଗ୍ରହ...

ତେନ୍ଦୁଲକରଙ୍କ ୨ଟି ରେକର୍ଡ ଭାଙ୍ଗିସାରିଛନ୍ତି ଏହି ମହିଳା ଖେଳାଳି: ଏକଦା ପୁଅ ସାଜି ନେଇଥିଲେ ଟ୍ରେନିଂ

ଭାରତୀୟ ମହିଳା କ୍ରିକେଟ ଦଳର ସବୁଠାରୁ କନିଷ୍ଠ ବ୍ୟାଟ୍ସମ୍ୟାନ ଶେଫାଲୀ ବର୍ମା ଜାନୁୟାରୀ ୧୮ରେ ନିଜର ଜନ୍ମଦିନ ପାଳନ କରୁଛନ୍ତି। ହରିୟାଣାର ରୋହତକ ଜିଲାର ଏହି...

ଓମେନ୍ସ କ୍ରିକ୍‌ଜୋନ୍‌: ମାନ୍ଧନା ଶ୍ରେଷ୍ଠ ବ୍ୟାଟ୍ସଓମ୍ୟାନ, ଦୀପ୍ତି କ୍ରିକେଟର୍‌

ଭୁବନେଶ୍ୱର,୮।୧ (ସ୍ପୋଟର୍‌ସ ବ୍ୟୁରୋ)- ମହିଳା କ୍ରିକେଟ୍‌ ସମ୍ବଦ୍ଧିତ ଓ୍ବେବସାଇଟ୍‌ ଓ ଡିଜିଟାଲ ମାଗାଜିନ ‘ଓମେନ୍ସ କ୍ରିକ୍‌ଜୋନ’ ପକ୍ଷରୁ ଏହାର ଦ୍ୱିତୀୟ ସଂସ୍କରଣ ମାଗାଜିନ ଉନ୍ମୋଚିତ ହୋଇଯାଇଛି।...

ଆଇପିଏଲ୍‌ରେ ବିରାଟଙ୍କୁ ଗାଳି ଦେଇଥିଲେ ନୀତିଶ ରାଣା: ହେଲେ ନିଜ ବ୍ୟାଟ୍‌ ଉପହାର ଦେଇ ଚମକାଇ ଦେଇଥିଲେ ଆର୍‌ସିବି ଅଧିନାୟକ..

ନୂଆଦିଲ୍ଲୀ,୧୦।୯: ସେପ୍ଟେମ୍ବର ୧୯ରୁ ଆରମ୍ଭ ହେବାକୁ ଯାଉଛି ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ୍‌)ର ୧୩ତମ ସଂସ୍କରଣ। ଏହାର ପ୍ରଥମ ମ୍ୟାଚ୍‌ ଚେନ୍ନାଇ ସୁପରକିଙ୍ଗ୍ସ ଓ ମୁମ୍ବାଇ ଇଣ୍ଡିଆନ୍ସ...

ରୋମାଞ୍ଚକ ହେବ ବକ୍ସିଂ ଡେ ଟେଷ୍ଟ: ସିରିଜ ବିଜୟ ଲକ୍ଷ୍ୟରେ ଅଷ୍ଟ୍ରେଲିଆ

ମେଲବୋର୍ନ,୨୫।୧୨(ଏଏଫ୍‌ପି)- ଅଷ୍ଟ୍ରେଲିଆ ଓ ଭ୍ରମଣକାରୀ ନ୍ୟୁଜିଲାଣ୍ଡ ମଧ୍ୟରେ ଦ୍ୱିତୀୟ ତଥା ବକ୍ସିଂ ଡେ ଟେଷ୍ଟ ମ୍ୟାଚ୍‌ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ମେଲବୋର୍ନ କ୍ରିକେଟ ଗ୍ରାଉଣ୍ଡରେ...

Ten Cric Info
Advertisement


Archives

Model This Week

Why Dharitri